ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

What's ព្រឹត្តិការណ៍កម្ពុជាប្រចាំថ្ងៃ about?

រៀងរាល់ថ្ងៃ ពីថ្ងៃចន្ទ ដល់ថ្ងៃអាទិត្យ យើងនឹងលើកយកព្រឹត្តិការណ៍ក្តៅគគុកជាងគេបង្អស់មួយ នៅកម្ពុជា មកពន្យល់ ដោយមានអន្តរាគមន៍ពីឥស្សរជននយោបាយ អ្នកជំនាញ ឬមន្រ្តីសង្គមស៊ីវិល។

Download our free app to listen on your phone

ព្រឹត្តិការណ៍កម្ពុជាប្រចាំថ្ងៃ episodes:

06.21.2024
តើសេវាធ្វើលិខិតឆ្លងដែនតាមអនឡាញអាចបង្កើនប្រសិទ្ធភាព និងបញ្ជៀសអំពើពុករលួយបាន ឬទេ?
នៅថ្ងៃទី២០ ខែមិថុនា ឆ្នាំ២០២៤ ក្រសួងមហាផ្ទៃបានប្រកាសដាក់ឱ្យសាកល្បងនូវសេវាធ្វើលិខិតឆ្លងដែនតាមអនឡាញ។ សេវាបន្ថែមមួយនេះត្រូវបានក្រសួងមហាផ្ទៃអះអាងថា ជាការបង្កើនប្រសិទ្ធភាពនៃការផ្ដល់សេវាឱ្យកាន់តែល្អ ជូនប្រជាពលរដ្ឋស្របតាមយុទ្ធសាស្ដ្របញ្ចកោណរបស់រដ្ឋាភិបាល។ គួរបញ្ជាក់ថា នៅក្នុងរឿងធ្វើលិខិតឆ្លងដែននេះ គេតែងឮប្រជាពលរដ្ឋខ្លះលើកឡើងពីការចំណាយពេលរង់ចាំយូរ និងការចំណាយថវិកាបន្ថែមដើម្បីពឹងឱ្យមន្ដ្រីជួយបំពេញឯកសារ និងរត់ការបានលឿន។ រូបភាពនេះត្រូវបានអ្នកតាមដានសង្គមចាត់ទុកជាអំពើពុករលួយមួយ។
06.20.2024
តើប្រព័ន្ធដឹកនាំកម្ពុជាបច្ចុប្បន្ននឹងជួយឲ្យប្រទេសនេះរុងរឿងដូចសិង្ហបុរីបានឬទេ?
ប្រមុខរដ្ឋាភិបាលកម្ពុជាលោក ហ៊ុន ម៉ាណែត ទើបបញ្ចប់ទស្សនកិច្ចនៅសិង្ហបុរីកាលពីថ្ងៃពុធ ទី១៩ ខែមិថុនាម្សិលមិញ។ ជាទស្សនកិច្ចផ្លូវការដែលរដ្ឋាភិបាលកម្ពុជាប្រកាសថា ទទួលបានជោគជ័យដ៏ត្រចះត្រចង់។ ត្រចះត្រចង់ ដោយសារតែកម្ពុជាបានស្វែងយល់ពីគំរូដឹកនាំប្រទេសប្រកបដោយភាពរុងរឿងរបស់សិង្ហបុរី ហើយរំពឹងថាកម្ពុជានឹងឈានទៅដល់កំរិតជឿនលឿនដូចសិង្ហបុរី នាថ្ងៃអនាគត។ ក៏ប៉ុន្តែបរិបទ និងប្រព័ន្ធដឹកនាំប្រទេសរបស់កម្ពុជាត្រូវគេមើលឃើញថា នៅមានទម្លាប់ចាស់ ស្មុគ្រស្មាញ និងពិបាកដោះស្រាយ។ តើអាចទេថា កម្ពុជានឹងមានភ័ព្វសំណាងដូចសិង្ហបុរីនៅថ្ងៃអនាគត?
06.19.2024
តើកម្ពុជាទទួលបានប្រយោជន៍អ្វីខ្លះ ពីគម្រោងផ្លូវសមុទ្រកម្ពុជា-ថៃ-វៀតណាម?
ថ្មីៗនេះរដ្ឋាភិបាលនៃប្រទេសជិតខាងទាំង៣ កម្ពុជា វៀតណាម ថៃបានប្រកាសបង្កើតកិច្ចសហប្រតិបត្តិការនៅក្នុងគម្រោងផ្លូវសមុទ្រតភ្ជាប់ខេត្តព្រះសីហនុជាមួយខេត្តត្រាតរបស់ថៃ និងខេត្តគៀនយ៉ាងរបស់វៀតណាម ដើម្បីជំរុញវិស័យទេសចរណ៍ ពាណិជ្ជកម្ម និងការវិនិយោគ។ អ្នកជំនាញលើវិស័យទេសចរណ៍រំពឹងថា ការរួមគ្នារបស់ប្រទេសទាំង៣ នឹងធ្វើឱ្យកម្ពុជាទទួលបានផលប្រយោជន៍ច្រើន ពិសេសលើវិស័យទេសចរណ៍ និងការដឹកជញ្ចូន។ បើតាមអ្នកជំនាញ វិស័យទេសចរណ៍កម្ពុជានឹងកាន់តែរីកចម្រើនទៅមុខ ហើយអាចប្រកួតប្រជែងជាមួយប្រទេសក្នុងតំបន់បាន ព្រោះថា ខេត្តព្រះសីហនុសក្តិសម ទាំងកត្តាភូមិសាស្ត្រ និងហេដ្ឋារចនាសម្ព័ន្ធនានា។
06.18.2024
ច្បាប់ធូររលុងពេកឬយ៉ាងណា ទើបករណីបាញ់សម្លាប់គ្នាកាន់តែកើនឡើងខ្លាំងក្នុងសង្គមខ្មែរ?
មួយរយៈពេលចុងក្រោយនេះ ហេតុការណ៍បាញ់សម្លាប់គ្នាហាក់កក្រើកឡើងខ្លាំង ដែលបង្កឱ្យមានវិបត្តិអសន្តិសុខក្នុងសង្គម។ ករណីបាញ់សម្លាប់គ្នាភាគច្រើន កើតចេញពីទំនាស់បុគ្គល អំពើហិង្សាក្នុងគ្រួសារ និងករណីជម្លោះពាក់ព័ន្ធនឹងទ្រព្យសម្បត្តិ។ បញ្ហាទាំងអស់នេះបានធ្វើឲ្យអ្នកវិភាគសង្គមភាគច្រើនព្រួយបារម្ភពីអសន្តិសុខ ភាពគ្មានសណ្តាប់ធ្នាប់ក្នុងសង្គម ពិសេសការប្រើប្រាស់អាវុធគ្រឿងផ្ទុះដោយខុសច្បាប់ដើម្បីប្រព្រឹត្តអំពើឃាតកម្ម។ បើតាមក្រុមអ្នកវិភាគសង្គម រដ្ឋាភិបាលត្រូវតែអនុវត្តច្បាប់ឱ្យបានតឹងរឹង ដើម្បីបញ្ចប់វិបត្តិសង្គមមួយនេះឱ្យបានឆាប់។
06.17.2024
វិបត្តិអចលនទ្រព្យខ្មែរ តើជាការជាប់គាំង ឬជាការផ្គត់ផ្គង់លើសតម្រូវការ?
វិបត្តិអចលទ្រព្យនៅក្នុងប្រទេសកម្ពុជាត្រូវគេមើលឃើញថានៅបន្តអូសបន្លាយមកដល់ឆ្នាំ២០២៤ នេះ បើទោះបីជាកម្ពុជាមានស្ថានភាពសេដ្ឋកិច្ចងើបឡើងវិញចាប់តាំងពីឆ្នាំ២០២២ បន្ទាប់ពីជំងឺរាតត្បាតកូវីដ-១៩ ក៏ដោយ។ សកម្មភាពទិញដូរអចលនទ្រព្យពីសំណាក់ពលរដ្ឋខ្មែរមិនមានភាពសកម្ម បន្ទាប់ពីការសាងសង់ផ្ទះ និងបុរីកន្លងមកមានសន្ទុះខ្លាំង។ វិបត្តិអចលនទ្រព្យកំពុងបន្តមាននៅកម្ពុជាដូចនេះ ត្រូវបានអ្នកជំនាញផ្នែកសេដ្ឋកិច្ច និងអចលនទ្រព្យមើលឃើញផ្សេងៗគ្នាថា វាជាការជាប់គាំង និងជាការផ្គត់ផ្គង់លើសពីតម្រូវការផងដែរ៕
06.16.2024
តើការតវ៉ាប្រឆាំងអង្គការសង់ត្រាល់ ជា«សេណារីយ៉ូ» កម្ទេចសហជីពឯករាជ្យ?
ក្រុមសហជីពមួយដែលអះអាងថា មានសមាជិក៤ម៉ឺននាក់ បានធ្វើបាតុកម្មនៅមុខមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស(សង់ត្រាល់) កាលពីថ្ងៃទី១៤ខែមិថុនា និងបានដាក់ញ្ញត្តិទៅក្រសួងមហាផ្ទៃឲ្យត្រួតពិនិត្យសកម្មភាពរបស់អង្គការមួយនេះ។ ក្រុមសហជីពដែលគេស្គាល់ថា មានទំនោរទៅរករដ្ឋាភិបាលនេះ បានចោទប្រកាន់អង្គការសង់ត្រាល់ថា ធ្វើឲ្យប៉ះពាល់ដល់សេដ្ឋកិច្ចរបស់កម្មករ និងអ្នកវិនិយោគ បន្ទាប់ពីអង្គការសង់ត្រាល់ចេញ«របាយការណ៍ស្រមោល»មួយទាក់ទងនឹងសេរីភាពសហជីពនៅកម្ពុជា។
06.15.2024
តើកំណើនអ្នកជាប់ឃុំជាសញ្ញាអាសន្ននៃបញ្ហាគ្រឿងញៀន?
ក្រុមអ្នកឃ្លាំមើលទាញសញ្ញាអាសន្ននៃបញ្ហាគ្រឿងញៀននៅកម្ពុជា គ្រាដែលចំនួនអ្នកជាប់ឃុំកើនឡើងដល់ជិត៥ម៉ឺនដែលជាតួលេខខ្ពស់បំផុតមិនធ្លាប់មាន ក្នុងនោះមានជិតពាក់កណ្តាលគឺពាក់ព័ន្ធនឹងគ្រឿងញៀន។ មន្ត្រីអគ្គនាយកដ្ឋានពន្ធនាគារបានចាត់ទុកកំណើនអ្នកជាប់ឃុំនេះគឺជាបញ្ហា ដែលទាមទារឲ្យមានដំណោះស្រាយរួមគ្នា តាមរយៈការធ្វើទំនើបកម្មប្រព័ន្ធយុត្តិធម៌ព្រហ្មទណ្ឌ។
06.14.2024
ហេតុអ្វីការផ្សព្វផ្សាយគ្រឿងស្រវឹងកំពុងបន្តមានយ៉ាងគគ្រឹកគគ្រេង និងហាក់កើនខ្លាំង?
ការផ្សព្វផ្សាយផលិតផលគ្រឿងស្រវឹងតាមទីសាធារណៈ និងតាមបណ្តាញសង្គមហាក់នៅតែមានភាពគគ្រឹកគគ្រេង និងមានកំណើនខ្លាំងនាពេលសព្វថ្ងៃ។ កំណើនបែបនេះធ្វើឱ្យអ្នកជំនាញជាច្រើនព្រួយបារម្ភពីគ្រោះថ្នាក់ចំពោះសង្គម ពិសេសផលប៉ះពាល់ដល់សុខមាលភាពរបស់ពលរដ្ឋ។ អ្នកសិក្សាស្រាវជ្រាវផ្នែកសង្គមហាក់លែងមានជំនឿលើរដ្ឋាភិបាលក្នុងការទប់ស្កាត់បញ្ហានេះ។ ចំណែកអ្នកវិភាគសង្គមហ៊ានទាំងនិយាយថា កំណើននៃការផ្សព្វផ្សាយគ្រឿងស្រវឹងនេះ គឺដោយសារតែអំពើពុករលួយ និងលាភសក្ការៈ។
06.13.2024
តើកំណែទម្រង់រដ្ឋបាលសាធារណៈនៅតាមក្រសួង-ស្ថាប័នអាចធ្វើទៅរួចបានកម្រិតណា?
នៅថ្ងៃទី១២ ខែមិថុនា ប្រមុខរដ្ឋាភិបាលកម្ពុជាលោកហ៊ុន ម៉ាណែតបានចេញសារាចរណែនាំកំណត់ការរៀបចំកែសម្រួលរចនាសម្ព័ន្ធទាំងអស់នៅតាមក្រសួង និងស្ថាប័នថ្នាក់ជាតិ និងថ្នាក់ក្រោមជាតិ។ តាមរយៈកំណែទម្រង់ថ្មីមួយនេះ រដ្ឋាភិបាលមិនឱ្យមានការដំឡើងឋានៈតួនាទី និងបង្កើតអង្គភាពថ្មីចំណុះនៅតាមក្រសួង-ស្ថាប័ននានា ពោលត្រូវប្រើប្រាស់ធនធានមនុស្សដែលមានស្រាប់ដើម្បីកាត់បន្ថយការប្រើប្រាស់ថវិកាជាតិ។ អ្នកតាមដានសង្គម និងអ្នកនយោបាយបានគាំទ្រលើកំណែទម្រង់នេះ។ តែទន្ទឹមនឹងគាំទ្រ ពួកគេក៏ព្រួយបារម្ភពីភាពអាចជាប់គាំងដោយសារការប្រកាន់បក្សពួកនិយម និងអំពើពុករលួយ។
06.12.2024
តើកម្ពុជាបានធ្វើអ្វីខ្លះក្នុងរយៈពេល ២៣ឆ្នាំកន្លងទៅដើម្បីប្រឆាំងពលកម្មកុមារ?
ថ្ងៃទី១២ ខែមិថុនា ឆ្នាំ២០២៤នេះជាខួបលើកទី២៣ នៃទិវាពិភពលោកប្រឆាំងពលកម្មកុមារ។ កម្ពុជាចូលរួមអបអរទិវាមួយនេះក្រោមប្រធានបទ « រួមគ្នាអនុវត្តការប្ដេជ្ញាចិត្ត ដើម្បីបញ្ចាប់ទម្រង់ធ្ងន់ធ្ងរនៃពលកម្មកុមារ »។ នៅកម្ពុជា ពិសេសក្នុងទីក្រុងភ្នំពេញ គេបានឃើញកុមារដើរលក់របស់របរនៅតាមភ្លើងស្តុប ដើរសុំទានតាមផ្លូវ និងតាមតំបន់កម្សាន្ដ ឬធ្វើការនៅតាមសិប្បកម្មឡឥដ្ឋជាដើម។ ក្នុងនាមជាប្រទេសឲ្យសច្ចាប័នលើអនុសញ្ញារបស់អង្គការពលកម្មអន្ដរជាតិកាលពីខែតុលា ឆ្នាំ២០០៥ តើកម្ពុជាបានធ្វើអ្វីខ្លះដើម្បីប្រឆាំងនឹងពលកម្មកុមារក្នុងរយៈពេល ២៣ឆ្នាំកន្លងទៅ?
06.11.2024
ហេតុអ្វីករណីជីក កាយផ្លូវដើម្បីដាក់លូនៅតែបន្តកើតមាន?
ប៉ុន្មានថ្ងៃកន្លងមកនេះ មានការរិះគន់សាជាថ្មីចំពោះការជីកកាយផ្លូវដែលចាក់បេតុងរួចដើម្បីដាក់លូតាមក្រោយ។ ករណីបែបនេះបានកើតមានជាយូរឆ្នាំដោយពលរដ្ឋមួយចំនួនបានស្តីបន្ទោសអាជ្ញាធរក្នុងរឿងខ្ជះខ្ជាយថវិកាជាតិ និងបង្កផលប៉ះពាល់ដល់ពលរដ្ឋដែលរស់នៅសងខាងផ្លូវ និងអ្នកធ្វើដំណើរ។ តែមន្ត្រីរដ្ឋាភិបាលចេញមុខបកស្រាយថា ពលរដ្ឋបានរិះគន់លើអ្វីដែលពួកគេបានមើលឃើញតែនឹងភ្នែក ពោលមិនបានដឹងពីប្រវត្តិរបស់ផ្លូវនីមួយៗដែលចាំបាច់ត្រូវការដាក់លូថ្មីដែលធំជាងមុន៕
06.10.2024
តើការប្រលងជ្រើសរើសមន្ត្រីរាជការមានតម្លាភាព និងយុត្តិធម៌កំរិតណា?
នៅក្នុងពិធីបិទ និងបើកវគ្គបណ្តុះបណ្តាលសិស្សសាលាភូមិន្ទរដ្ឋបាលឆ្នាំ២០២៣-២០២៤ នាព្រឹកថ្ងៃទី១០ ខែមិថុនា ឆ្នាំ២០២៤នេះ លោកនាយករដ្ឋមន្ត្រី ហ៊ុន ម៉ាណែត បានលើកឡើងថា បេក្ខជនដែលប្រលងធ្លាក់ចូលបំរើការងាររដ្ឋរាប់ម៉ឺននាក់នឹងមិននៅស្ងៀមទេ ប្រសិនបើការប្រលងមានភាពមិនប្រក្រតី។ គួរជម្រាបថា តាំងពីកម្ពុជាមានរដ្ឋាភិបាលថ្មីមក ការប្រលងជ្រើសរើសមន្ត្រីបានធ្វើឡើងចំនួន៦លើកក្រោមយន្តការ «អ្នកចេះគឺជាប់»។ អ្នកឃ្លាំមើលបញ្ហាសង្គម និងរដ្ឋបាលបានសាទរចំពោះការរៀបចំប្រលងប្រកបដោយតម្លាភាព និងយុត្តិធម៌។ តែសំណួរ និងមន្ទិលសង្ស័យទាក់ទងទៅនឹងភាពស្អាតស្អំ និងយុត្តិធម៌កំពុងបន្តមាន ខណៈការប្រលងនេះធ្លាប់មានឈ្មោះមិនល្អនៅក្នុងអតីតកាល។
06.09.2024
ករណីលិចទូកស្លាប់សិស្សនាំឱ្យមានការចោទសួរពីទំនួលខុសត្រូវរបស់ក្រសួងអប់រំ
នៅថ្ងៃទី៨ ខែមិថុនា ឆ្នាំ២០២៤ មានករណីលិចទូកចម្លងមួយគ្រឿងបណ្តាលឲ្យស្លាប់សិស្សស្រីម្នាក់អាយុ១៣ឆ្នាំ នៅក្នុងចំណោមសិស្ស១៥នាក់ ដែលរៀននៅអនុវិទ្យាល័យមួយកន្លែងក្នុងឃុំឈូក ស្រុកប្រាសាទសំបូរ ខេត្តកំពង់ធំ។ បើតាមសមត្ថកិច្ច ការលិចទូកនេះដោយសារតែផ្ទុកមនុស្សលើសចំណុះ។ កាលពីឆ្នាំ២០២២ ធ្លាប់មានករណីលិចទូកចម្លងសិស្សនេះម្ដងហើយ នៅស្រុកលើកដែក ខេត្តកណ្ដាល បណ្ដាលឱ្យសិស្សជាច្រើននាក់បានស្លាប់។ នៅពេលដែលក្រសួងអប់រំទទួលបានថវិកាជាតិច្រើនជាងគេប្រចាំឆ្នាំ តែករណីលិចទូកស្លាប់សិស្សនៅបន្តកើតមានបែបនេះ តើក្រសួងអប់រំត្រូវមានការទទួលខុសត្រូវយ៉ាងណា?
06.08.2024
តើការមិនចូលរួមរបស់កម្ពុជាក្នុងសន្និសីទសន្តិភាពអ៊ុយក្រែនឆ្លុះបញ្ចាំងយ៉ាងដូចម្តេច?
លោក ហ៊ុន សែន ប្រធានព្រឹទ្ធសភាកម្ពុជា បានប្រកាសនៅថ្ងៃទី៧ខែមិថុនាថា ការសម្រេចចិត្តរបស់កម្ពុជាមិនចូលរួមសន្និសីទសន្តិភាពរបស់អ៊ុយក្រែន ដែលគ្រោងធ្វើនៅប្រទេសស្វីសនាពេលខាងមុខ គឺជាសិទ្ធិរបស់កម្ពុជា ដោយកម្ពុជាមើលឃើញថា «វាមិនមានជោគជ័យ»។ តែពីក្រសែភ្នែករបស់ប្រទេសលោកខាងលិច ការសម្រេចចិត្តរបស់កម្ពុជា គឺដូចគ្នានឹងជំហររបស់ចិន។ ចិនដែលជាសម្ព័ន្ធមិត្តជាមួយរុស្ស៊ី ដែលត្រូវបានអញ្ជើញឲ្យចូលរួមដែរ តែចិនខ្លួនឯងបានបដិសេធ ដោយសំអាងថា មិនមានតំណាងរុស្ស៊ីនៅក្នុងសន្និសីទនោះ។ តើកម្ពុជាមានហេតុផលគ្រប់គ្រាន់ទេ ដែលសម្រេចចិត្តមិនចូលរួមសន្និសីទសន្តិភាពរបស់អ៊ុយក្រែនដែរនោះ?
06.07.2024
តើរដ្ឋាភិបាលគួរបន្ថែមម៉ោងសិក្សា ឬបង្កើនគុណភាពសិក្សា?
ប្រមុខរដ្ឋាភិបាលកម្ពុជាលោក ហ៊ុន ម៉ាណែតបានប្រកាសនៅថ្ងៃពុធ ទី០៦ មិថុនាពីការបន្ថែមម៉ោងសិក្សាចំនួន២ម៉ោងដល់សិស្សានុសិស្សថ្នាក់បឋមសិក្សា។ ការបន្ថែមម៉ោងសិក្សានេះត្រូវបានលោក ហ៊ុន ម៉ាណែតបញ្ជាក់ថា ជាម៉ោងបំប៉នបន្ថែមសម្រាប់សិស្សានុសិស្សដែលរៀនសូត្រនៅខ្សោយ។ អ្នកជំនាញក្នុងវិស័យអប់រំបង្ហាញចេតនាគាំទ្រចំពោះការសម្រេចដូចនេះរបស់ប្រមុខរដ្ឋាភិបាល។ តែមានអ្នកខ្លះបានមើលឃើញពីបន្ទុកបន្ថែមសម្រាប់លោកគ្រូ អ្នកគ្រូដែលមិនអាចឆ្លៀតធ្វើការងារផ្សេងបាន។
06.06.2024
តើកម្ពុជាអាចជាសមរភូមិភូមិសាស្ត្រនយោបាយឬទើបចិនដាក់អ្នកការទូតខ្លាំងប្រចាំកម្ពុជា?
លោក វ៉ាង វេនប៊ីន អ្នកនាំពាក្យក្រសួងការបរទេសចិន ដែលគេស្គាល់ថាមានសមត្ថភាព និងវោហាសាស្ត្រនយោបាយលេចធ្លោប្រឈមមុខនឹងប្រទេសលោកខាងលិច ត្រូវបានតែងតាំងជាឯកអគ្គរដ្ឋទូតថ្មីចិនប្រចាំនៅកម្ពុជា។ ការតែងតាំងលោក វ៉ាង វេនប៊ីន ដែលមានរហ័សនាម «អ្នកចម្បាំងចចក» របស់ក្រុងប៉េកាំងជាឯកអគ្គរដ្ឋទូតនៅកម្ពុជាធ្វើឡើង ស្របពេលដែលកម្ពុជាត្រូវគេមើលឃើញថាអាចក្លាយជាសមរភូមិនៃការប្រទាញប្រទង់គ្នារឿងភូមិសាស្ត្រនយោបាយរវាងប្រទេសមហាអំណាច។ តើវត្តមានអ្នកការទូតចិនថ្មីរូបនេះនៅកម្ពុជាជាការត្រៀមលក្ខណៈទុកមុនរបស់ចិននៅក្នុងជម្លោះភូមិសាស្ត្រនយោបាយឬយ៉ាងណា?
06.05.2024
ហេតុអ្វីលោកហ៊ុន សែនស្នើឲ្យមហាអំណាចដកកម្ពុជាចេញពីជម្លោះភូមិសាស្រ្តនយោបាយ?
នៅក្នុងជំនួបផ្លូវការរវាងថ្នាក់ដឹកនាំកម្ពុជា និងរដ្ឋមន្ដ្រីការពារជាតិអាមេរិកលោកឡយ អូស្ទីននៅថ្ងៃទី៤ ខែមិថុនា ឆ្នាំ២០២៤ លោក ហ៊ុន សែន ប្រធានព្រឹទ្ធសភាបានស្នើឱ្យអាមេរិក និងប្រទេសមហាអំណាចកុំដាក់ប្រទេសកម្ពុជានៅក្នុងជម្លោះភូមិសាស្ដ្រនយោបាយ និងកុំយកប្រទេសកម្ពុជាធ្វើជាទីកន្លែងប្រយុទ្ធ។ លោក ហ៊ុន សែនបានប្រាប់លោកឡយ អូស្ទីនថា កម្ពុជាបានអនុវត្តគោលនយោបាយឯករាជ្យដោយផ្អែកលើច្បាប់ មិនជ្រើសរើសយកខាងណាមួយ និងយកប្រទេសទាំងអស់ជាមិត្ត។ តើអាចទៅរួចទេដែលកម្ពុជាចង់ឱ្យប្រទេសមហាអំណាចដកកម្ពុជាចេញពីជម្លោះភូមិសាស្ដ្រនយោបាយ?
06.04.2024
តើនឹងមានការប្រែប្រួលអ្វីខ្លះនៃទំនាក់ទំនងកម្ពុជា-អាមេរិក ក្រោយទស្សនកិច្ចរបស់ លោក ឡយ អូស្ទីន?
ដូចការគ្រោងទុក ប្រមុខការពារជាតិអាមេរិកលោកឡយ អូស្ទីនបានបំពេញទស្សនកិច្ចផ្លូវការនៅកម្ពុជារយៈពេលមួយថ្ងៃនាថ្ងៃទី៤ ខែមិថុនានេះ។ ទស្សនកិច្ចលើកទី១ របស់ លោកឡយ អូស្ទីន និងជាប្រវត្តិសាស្ត្ររបស់ប្រមុខការពារជាតិអាមេរិកនៅកម្ពុជានេះត្រូវបានក្រសួងការពារជាតិកម្ពុជាចាត់ទុកជាការរួមចំណែកលើកកម្ពស់ទំនាក់ទំនង និងកិច្ចសហប្រតិបត្តិការលើវិស័យការពារជាតិរវាងកម្ពុជា និងអាមេរិក រួមទាំងទំនាក់ទំនងរវាងប្រទេសទាំងពីរដែលមានរយៈពេល៧០ឆ្នាំកន្លងទៅឱ្យកាន់តែល្អប្រសើរ។ តែអ្នកតាមដាននយោបាយខ្លះមិនបានមើលឃើញពីការវិវត្តន៍ជាវិជ្ជមានប៉ុន្មានឡើយ បើកម្ពុជានៅតែមានទំនោរខ្លាំងរកចិន ហើយបើបញ្ហាសិទ្ធិមនុស្ស និងប្រជាធិបតេយ្យមិនត្រូវបានស្តារឡើងវិញនោះទេ៕
06.03.2024
តើសន្ទុះនៃការទាមទារសិទ្ធិរបស់ពលរដ្ឋខ្មែរក្រោមអាចធ្វើឲ្យក្រុងហាណូយដូរឥរិយាបទឬទេ?
ថ្ងៃទី០៤ មិថុនា ឆ្នាំ២០២៤ ជាខួបលើកទី៧៥នៃការដែលបារាំងបានប្រគល់ទឹកដីកម្ពុជាក្រោមទៅឲ្យប្រទេសវៀតណាមក្នុងថ្ងៃទី៤ មិថុនា ឆ្នាំ១៩៤៩។ ក្នុងឆ្នាំ ២០២៤ នេះក៏ដូចជាប៉ុន្មានឆ្នាំចុងក្រោយ សន្ទុះនៃការទាមទារសិទ្ធិសេរីភាពរបស់ពលរដ្ឋខ្មែរក្រោមនៅទូទាំងពិភពលោកក៏ដូចជានៅក្នុងដែនដីកម្ពុជាក្រោមត្រូវបានគេកត់សម្គាល់ឃើញថា មានការកើនឡើងកាន់តែខ្លាំង។ អ្នកវិភាគ និងអ្នកជំនាញផ្នែកភូមិសាស្ត្រនយោបាយបានមើលឃើញថា កំណើននៃការទាមទារសិទ្ធិរបស់ពលរដ្ឋខ្មែរក្រោមជាបញ្ហារសើប និងលាយឡំដោយក្តីសង្ឃឹមថា អាជ្ញាធរវៀតណាមនឹងអាចកែប្រែឥរិយាបទរបស់ខ្លួនក្នុងការគ្រប់គ្រងពលរដ្ឋខ្មែរក្រោម។
06.02.2024
តើគោលនយោបាយរបស់គណបក្សអាចចូលរួមចំណែកអ្វីខ្លះដល់បរិស្ថាន?
នៅថ្ងៃទី២ ខែមិថុនា ឆ្នាំ២០២៤នេះ អង្គការសង្គមស៊ីវិលចំនួន១១បានប្រារព្ធទិវាបរិស្ថាន ពិភពលោក ជាមួយការរៀបចំវេទិកា ក្រោមប្រធានបទ “សុខុមាលភាពភពផែនដី ជាការទទួលខុសត្រូវរបស់យើងទាំងអស់គ្នា”។ មានគណបក្សនយោបាយចំនួន៣ ដែលនៅក្រៅរដ្ឋាភិបាល បានចូលរួមក្នុងវេទិកា គឺគណបក្សឆន្ទៈខ្មែរ គណបក្សកម្លាំងជាតិ និងគណបក្សហ្វ៊ុនស៊ិនប៉ិច។ ប៉ុន្តែ គណបក្សប្រជាជនកម្ពុជា ដែលជាគណបក្សកាន់អំណាច មិនបានបញ្ជូនអ្នកតំណាងមកចូលរួមនោះទេ ដោយអះអាងថា ជាប់រវល់បំពេញកិច្ចការងារនៅតាមខេត្ត។ នេះបើតាមលោក សាន់ ម៉ាឡា ប្រធានកម្មវិធីបណ្តាញ និងតស៊ូមតិនៃអង្គការភាពជាដៃគូដើម្បីបរិស្ថាន និងការអភិវឌ្ឍ។ គណបក្សនយោបាយដែលបានចូលរួម សុទ្ធតែអះអាងពីការប្តេជ្ញាចិត្តការពារបរិស្ថានដូចដែលមានចែងនៅក្នុងកម្មវិធីគោលនយោបាយរបស់ខ្លួន។
06.01.2024
តើករណីលក់ទូរស័ព្ទគ្មានពន្ធជាកំហុសអ្នកណា?
ការចុះរឹបអូសទូរស័ព្ទនៅផ្សារមេមត់ ខេត្តត្បូងឃ្មុំ ពីសំណាក់មន្ត្រីគយចល័ត កាលពីថ្ងៃទី៣១ខែឧសភា បានធ្វើឲ្យមានប្រតិកម្មរិះគន់ជាច្រើននៅតាមបណ្តាញសង្គម។ អ្នកខ្លះបានចោទសួរថា ហេតុអ្វីបានមកបង្ក្រាបនៅពេលដាក់លក់នៅលើទីផ្សារយ៉ាងដូច្នេះ? ហេតុដូចម្តេចមិនបង្ក្រាបពេលទំនិញនាំចូលមកដល់ព្រំដែន ខណៈមានអ្នកខ្លះទៀតបានទាញភ្ជាប់ករណីនេះទៅនឹងរឿងនយោបាយថា រដ្ឋកំពុងតែជំរិតយកពន្ធមកបង្គ្រប់ការចំណាយ។ តើអគ្គនាយកដ្ឋានគយបកស្រាយយ៉ាងណា ហើយថាតើមន្ត្រីជំនាញយល់ឃើញយ៉ាងដូចម្តេចពីរឿងនេះ?
05.31.2024
ឈប់ប្រើរថយន្តដឹកទំនិញដើម្បីដឹកកម្មកររោងចក្រនៅឆ្នាំ ២០២៧ តើអាចទៅរួចឬទេ?
តើត្រូវប្រើរថយន្តប្រភេទណាដើម្បីដឹកជញ្ជូនកម្មកររោងចក្រដោយសុវត្ថិភាព?។ នេះជាសំណួរដែលបានចោទសួរតាំងពីជាង ១០ឆ្នាំ និងនៅមិនទាន់មានចម្លើយ។ ជាថ្មីម្តងទៀតក្នុងថ្ងៃទី២៩ ឧសភា ក្រសួងការងារកម្ពុជាបានអះអាងពីការជំរុញឲ្យប្រើប្រភេទរថយន្តដឹកអ្នកដំណើរដើម្បីដឹកកម្មកររោងចក្រជំនួសឲ្យប្រភេទរថយន្តដឹកទំនិញ។ យន្តការមួយនេះត្រូវបានក្រសួងការងារសន្យាដោះស្រាយឲ្យចប់នៅត្រឹមឆ្នាំ ២០២៧។ សហជីព និងអ្នកជំនាញក្នុងវិស័យចរាចរណ៍យល់ថា យន្តការមួយនេះអាចនឹងសម្រេចបាន ប្រសិនបើមានការប្តេជ្ញាចិត្តខ្ពស់ពីរដ្ឋាភិបាល។
05.30.2024
តើចាំបាច់ឬទេដែលកម្ពុជាឲ្យក្រុមហ៊ុនបរទេសដាក់ទុននៅក្នុងគម្រោងព្រែកជីកហ្វូណន?
នៅក្នុងពិធីសម្ពោធសមិទ្ធផលនានានៅក្នុងមជ្ឈមណ្ឌលព្រះពុទ្ធសាសនាក្នុងខេត្តកំពង់ស្ពឺនាថ្ងៃទី៣០ ខែឧសភានេះ ប្រមុខរដ្ឋាភិបាលកម្ពុជាលោក ហ៊ុន ម៉ាណែត បានប្រកាសពីការបើកការដ្ឋានសាងសង់ព្រែកជីកហ្វូណនតេជោនៅខែសីហា ឆ្នាំ២០២៤ខាងមុខ។ តាមលោក ហ៊ុន ម៉ាណែត ទុនវិនិយោគភាគច្រើននៅក្នុងគម្រោងព្រែកជីកនេះជាទុនវិនិយោគខ្មែរ។ ចំណែកការហៅក្រុមហ៊ុនចិនឲ្យចូលរួមដាក់ទុនវិនិយោគត្រូវបានលោក ហ៊ុន ម៉ាណែត បញ្ជាក់ថា គឺមកពីក្រុមហ៊ុនចិនមានបច្ចេកទេស។ អ្នកតាមដាននយោបាយ និងសង្គមនានាយល់ថា វិនិយោគិនខ្មែររួមគ្នាអាចមានលទ្ធភាពធ្វើបាន ប្រសិនបើបរទេសមិនចូលរួម។
05.29.2024
តើការវិនិយោគច្រើនពីជប៉ុនអាចជួយឲ្យកម្ពុជាបន្ថយការពឹងលើវិនិយោគចិនបានដែរឬទេ?
លោកស៊ុន ចាន់ថុល អនុប្រធានទី១ក្រុមប្រឹក្សាអភិវឌ្ឍន៍ជាតិកម្ពុជាទើបបានបញ្ជាក់ប្រាប់កាសែតជប៉ុន Nikkie Asia ថា កម្ពុជាចង់ឱ្យមានការដាក់ទុនវិនិយោគចម្រុះពីប្រទេសផ្សេង ក្រៅពីចិន។ ប្រទេសផ្សេងត្រូវបានលោកស៊ុន ចាន់ថុលលើកឈ្មោះប្រទេសជប៉ុនដោយលោកចង់ឃើញក្រុមហ៊ុនវិនិយោគជប៉ុនកាន់តែច្រើនមកបណ្តាក់ទុនវិនិយោគនៅកម្ពុជាដើម្បីទប់ស្កាត់ការពឹងតែលើការវិនិយោគពីប្រទេសចិន។ អ្នកជំនាញសេដ្ឋកិច្ចខ្លះយល់ថា ការវិនិយោគច្រើនពីជប៉ុនជារឿងល្អសម្រាប់សេដ្ឋកិច្ចកម្ពុជា ហើយអ្នកខ្លះទៀតយល់ថា ការពឹងតែលើការបណ្តាក់ទុនពីប្រទេសចិនមិនល្អសម្រាប់កម្ពុជា ព្រោះវានឹងអាចធ្វើឱ្យកម្ពុជាងាយរងហានិភ័យ។
05.28.2024
លទ្ធភាពដែលគណបក្សប្រឆាំងអាចធ្វើបានជាមួយនឹងអាសនៈទទួលបាននៅថ្នាក់ក្រោមជាតិ?
គណបក្សប្រឆាំងចំនួន២ គឺគណបក្សឆន្ទៈខ្មែរ និងគណបក្សកម្លាំងជាតិចាប់ផ្តើមមានអាសនៈរបស់ខ្លួនឡើងវិញនៅក្រុមប្រឹក្សារាជធានី ខេត្ត ក្រុង ស្រុក ខណ្ឌ តាមរយៈលទ្ធផលបឋមនៃការបោះឆ្នោតថ្ងៃទី២៦ ខែឧសភាឆ្នាំ២០២៤។ គួររម្លឹកថា នៅក្រោយការរំលាយគណបក្សសង្គ្រោះជាតិក្នុងឆ្នាំ ២០១៧ គណបក្សប្រឆាំងត្រូវបានដកហូតអាសនៈនៅថ្នាក់ក្រោមជាតិ និងនៅរដ្ឋសភា។ ជាមួយនឹងអាសនៈដែលទទួលបានពេលនេះ តើគណបក្សប្រឆាំងទាំងពីរមានលទ្ធភាពធ្វើឲ្យប្រែប្រួលប្រជាធិបតេយ្យអ្វីខ្លះនៅថ្នាក់ក្រោមជាតិ?
05.27.2024
តើសមយុទ្ធយោធាកម្ពុជា-ចិន នឹងរុញឲ្យមានភាពតានតឹងផ្នែកភូមិសាស្ត្រនយោបាយ?
សមយុទ្ធ«នាគមាស»លើកទី៦រួមគ្នា រវាងកងទ័ពកម្ពុជា-ចិន បានបិទបញ្ចប់ហើយនៅថ្ងៃទី២៧ ខែឧសភា ឆ្នាំ២០២៤នេះ បន្ទាប់ពីបើកធ្វើអស់រយៈពេល២សប្តាហ៍។ សមយុទ្ធយោធារវាងប្រទេសទាំងពីរបានធ្វើឡើងនៅក្នុងកាលៈទេសៈមួយ ដែលមានភាពចម្រូងចម្រាសខាងភូមិសាស្ត្រនយោបាយរវាងមហាអំណាចចិន និងសហរដ្ឋអាមេរិក ជាពិសេសលើភាពមន្ទិលសង្ស័យជុំវិញមូលដ្ឋានកងទ័ពចិននៅកំពង់ផែរាម។ អ្នកតាមដាននយោបាយ និងភូមិសាស្ត្រនានាបានមើលឃើញផ្សេងៗគ្នា ជុំវិញសំណួរថាតើសមយុទ្ធយោធារួមគ្នាកម្ពុជា-ចិន នឹងធ្វើឲ្យភូមិសាស្ត្រនយោបាយកាន់តែឡើងកំដៅ ឬយ៉ាងណា?
05.26.2024
តើដំណើរទស្សនកិច្ចរបស់រដ្ឋមន្ដ្រីការពារជាតិអាមេរិកជាការព្រួយបារម្ភពីឥទ្ធិពលចិនលើកម្ពុជាឬ?
មន្ទីរបញ្ចកោណសហរដ្ឋអាមេរិកបានប្រកាសពីដំណើរទស្សនកិច្ចផ្លូវការរបស់រដ្ឋមន្ដ្រីការពារជាតិ លោកLloyd Austin មកកម្ពុជា នៅថ្ងៃទី៤ ខែមិថុនា ឆ្នាំ២០២៤។ អ្នកនាំពាក្យស្ថានទូតអាមេរិកប្រចាំកម្ពុជា ប្រាប់វិទ្យុបារាំងអន្តរជាតិRFIថា លោក Lloyd Austin នឹងជួបពិភាក្សាការងារជាមួយមេដឹកនាំថ្មីរបស់កម្ពុជា លោក ហ៊ុន ម៉ាណែត ពីបញ្ហាសន្ដិសុខ និងការពារជាតិ។ លោក Lloyd Austin ធ្លាប់មកកម្ពុជាកាលពីខែវិច្ឆិកា ឆ្នាំ២០២២ ក្នុងពេលកម្ពុជាធ្វើជាម្ចាស់ផ្ទះកិច្ចប្រជុំរដ្ឋមន្ដ្រីការពារជាតិអាស៊ានបូក។ តែដំណើរទស្សនកិច្ចផ្លូវការនៅពេលនេះ គឺធ្វើឡើង ខណៈកម្ពុជា និងចិន កំពុងធ្វើសមយុទ្ធយោធារួមគ្នា។ ការណ៍នេះនាំឱ្យមានសំណួរថា តើទស្សនកិច្ចរបស់ប្រមុខការពារជាតិអាមេរិក ជាការព្រួយបារម្ភពីឥទ្ធិពលចិនលើកម្ពុជាឬយ៉ាងណា?
05.25.2024
តើកត្តាអ្វីខ្លះដែលនាំឲ្យមានក្មេងទំនើងច្រើននៅក្នុងសង្គមខ្មែរ?
បញ្ហាក្មេងទំនើងនៅកម្ពុជាមិនមែនជារឿងថ្មីទេ។ តែករណីនេះ ទើបត្រូវបានប្រមុខរដ្ឋាភិបាលដាក់បញ្ជានៅថ្ងៃទី២៣ខែឧសភា ឲ្យអាជ្ញាធរពាក់ព័ន្ធត្រូវមានវិធានការលុបបំបាត់ និងចាត់វិធានការផ្លូវច្បាប់ឲ្យតឹងរឹង គ្រាដែលសកម្មភាពកាប់ចាក់របស់ក្រុមនេះបានកើតឡើងនៅភ្នំពេញកាលពីពេលថ្មីៗ។ អ្នកតាមដានសង្គម កត់សំគាល់ថា បញ្ហាគ្រឿងស្រវឺង និងញៀនញៀន គឺជាដើមហេតុចំបងដែលនាំឲ្យមានក្មេងទំនើងច្រើននៅក្នុងសង្គមខ្មែរ ខណៈគ្រួសារនិងអាជ្ញាធរខ្លះនៅខ្វះចន្លោះលើបញ្ហានេះ។
05.23.2024
អ្វីជាច្រកចេញសម្រាប់ក្តីក្តាំលោកកឹម សុខា ខណៈជំនុំជម្រះបន្តអូសបន្លាយនៅឧទ្ធរណ៍?
សំណុំរឿងលោកកឹម សុខាដែលរំពឹងត្រូវបិទបញ្ចប់នៅត្រឹមលើកទី៩នៅសាលាឧទ្ធរណ៍នាថ្ងៃទី២៣ឧសភានេះនឹងត្រូវបន្តទៀតនៅដើមខែមិថុនាខាងមុខ។ នេះបើតាមការបញ្ជាក់របស់សហមេធាវីលោកកឹម សុខា។ គួររំលឹកថាតាមគម្រោង សវនាការលោកកឹម សុខានៅសាលាឧទ្ធរណ៍ត្រូវធ្វើឡើងចំនួន៩ដងដែលថ្ងៃទី២៣ឧសភានេះជាសវនាការចុងក្រោយ។ ដូច្នេះសួរថា អ្វីទៅជាសេណារីយ៉ូច្រកចេញសម្រាប់ក្តីក្តាំលោកកឹម សុខា ខណ:ជំនុំជម្រះនៅឧទ្ធរណ៍បន្តអូសបន្លាយ?
05.22.2024
តើការស្នើច្បាប់ប្រឆាំងអ្នកមិនទទួលស្គាល់របបប្រល័យពូជសាសន៍ជាថ្មីមានអត្ថន័យយ៉ាងណា?
នៅថ្ងៃទី២២ ខែឧសភា ឆ្នាំ២០២៤ លោក ហ៊ុន សែន ប្រធានព្រឹទ្ធសភា និងជាប្រធានគណបក្សអំណាចបានស្នើឱ្យបង្កើតច្បាប់ប្រឆាំងអ្នកមិនទទួលស្គាល់របបប្រល័យពូជសាសន៍ជាថ្មី។ គោលដៅ គឺដើម្បីដាក់ទោសលើជនណានិយាយថាគ្មានរបបប្រល័យពូជសាសន៍នៅកម្ពុជា។ គួររម្លឹកថាកាលពី ១០ឆ្នាំមុន រដ្ឋសភាបានអនុម័តច្បាប់មួយប្រឆាំងនឹងការមិនទទួលស្គាល់ឧក្រិដ្ឋកម្មក្នុងរបបខ្មែរក្រហម។ ដូច្នេះតើច្បាប់ដែលលោកហ៊ុន សែនបានស្នើពេលនេះនឹងខុសគ្នាពីច្បាប់កាលពី ១០ឆ្នាំមុន ឬយ៉ាងណា?។ សម្រាប់អ្នកវិភាគខ្លះ ច្បាប់ដែលលោក ហ៊ុន សែនបានស្នើពេលនេះគ្រាន់តែគំរាមដល់ក្រុមប្រឆាំងប៉ុណ្ណោះ៕
05.21.2024
គម្រោងព្រែកជីកហ្វូណនកំពុងរុញកម្ពុជា និងវៀតណាមឲ្យកាន់តែមើលមុខគ្នាមិនចំ?
នៅថ្ងៃទី២០ ខែឧសភា ក្រសួងការបរទេសកម្ពុជាបានកោះហៅឯកអគ្គរដ្ឋទូតវៀតណាមប្រចាំកម្ពុជាទៅជួបដើម្បីពិភាក្សាជុំវិញសំណើរបស់កម្ពុជាដែលស្នើឱ្យរដ្ឋាភិបាលវៀតណាមសហការស្រាវជ្រាវកំណត់អត្តសញ្ញាណបុគ្គលដែលជេរប្រមាថលោក ហ៊ុន សែន ប្រធានព្រឹទ្ធសភាតាមបណ្តាញសង្គមតិកតុក។ ការជេរប្រមាថលោក ហ៊ុន សែនពីសំណាក់ពលរដ្ឋវៀតណាមធ្វើឡើង ក្រោយលោកហ៊ុន សែននិយាយរិះគន់វៀតណាមជុំវិញគម្រោងព្រែកជីកហ្វូណន។ អ្នកជំនាញការទូត និងទំនាក់ទំនងអន្តរជាតិយល់ឃើញថា ការកោះហៅឯកអគ្គរដ្ឋទូតវៀតណាមទៅជួប គឺដើម្បីលាងសម្អាតមន្ទិលសង្ស័យ និងបង្ការភាពប៉ះពាល់ដល់ទំនាក់ទំនងនៃប្រទេសទាំងពីរ។ តែអ្នកវិភាគនយោបាយខ្លះមើលឃើញពីភាពផលប៉ះពាល់ដែលនឹងអាចកើតមានចំពោះទំនាក់ទំនងកម្ពុជា-វៀតណាម៕
05.20.2024
តើការដាំដើមឈើឲ្យបានច្រើនជាងការកាប់អាចជួយការពារព្រៃឈើបានក្នុងកម្រិតណា?
យុទ្ធនាការដាំដើមឈើឲ្យបានយ៉ាងតិច ១លានដើមដែលដាក់ចេញដោយក្រសួងបរិស្ថានបានចាប់ផ្ដើមដំណើរការជាបណ្ដើរៗ។ តាមរដ្ឋមន្រ្តីក្រសួងបរិស្ថាន លោក អ៊ាង សុផល្លែត យុទ្ធនាការនេះមានគោលដៅដាំដើមឈើឲ្យបានច្រើនជាងការកាប់។ ក្រុមអ្នកធ្វើកិច្ចការងារបរិស្ថានបានគាំទ្រ និងសាទរចំពោះយុទ្ធនាការមួយនេះ។ តែក្នុងពេលជាមួយគ្នា ពួកគេក៏ចង់ឃើញឲ្យមានការអនុវត្តច្បាប់តឹងតែងដើម្បីការពារព្រៃឈើដែលនៅសេះសល់ពីការកាប់បំផ្លាញដែរ៕
05.19.2024
តើកម្ពុជានឹងទទួលផលអ្វីខ្លះពីការដំឡើងកម្រិតទំនាក់ទំនង“ភាពជាដៃគូយុទ្ធសាស្ដ្រ”ជាមួយកូរ៉េ?
កម្ពុជា និងកូរ៉េ បានឯកភាពគ្នាដំឡើងកម្រិតទំនាក់ទំនងរវាងប្រទេសទាំងពីរទៅជា“ភាពជាដៃគូយុទ្ធសាស្ដ្រ” បន្ទាប់ពីទស្សនកិច្ចរយៈពេល៤ថ្ងៃរបស់លោកនាយករដ្ឋមន្ដ្រី ហ៊ុន ម៉ាណែត នៅប្រទេសកូរ៉េ ដែលបញ្ចប់កាលពីថ្ងៃទី១៨ ខែឧសភា។ តាមសេចក្ដីប្រកាសព័ត៌មានរបស់អ្នកនាំពាក្យរដ្ឋាភិបាលបញ្ជាក់ថា ការឈានដល់កម្រិត ភាពជាដៃគូយុទ្ធសាស្ដ្រ ជាមួយកូរ៉េ នឹងនាំមកនូវការពង្រីកទំនាក់ទំនង និងកិច្ចសហប្រតិបត្តិការលើគ្រប់វិស័យរវាងប្រទេសទាំងពីរ។ តើក្រោយការតម្លើងកម្រិតទំនាក់ទំនងបែបនេះ កម្ពុជានឹងទទួលបានការជួយជ្រោមជ្រែងយ៉ាងណាពីកូរ៉េ?
05.18.2024
គ.ជ.ប៖ ការឃោសនាថ្ងៃដំបូង គឺគ្មានអំពើហិង្សា គ្មានការគំរាមកំហែង
គណៈកម្មាធិការជាតិរៀបចំការបោះឆ្នោត (គ.ជ.ប) បានវាយតម្លៃយុទ្ធនាការឃោសនានៃការបោះឆ្នោតក្រុមប្រឹក្សា រាជធានី ខេត្ត ក្រុង ស្រុក ខណ្ឌ នៅថ្ងៃដំបូងថា ពុំមានហេតុការណ៍អ្វីកើតឡើងគួរឲ្យកត់សំគាល់ទេ ពោលដំណើរការទៅដោយស្ងប់ស្ងាត់ គ្មានអំពើហិង្សា គ្មានការគំរាមកំហែង និងមានសន្តិសុខល្អ។ សម្រាប់អ្នកឃ្លាំមើលការបោះឆ្នោតវិញ ការឃោសនាបោះឆ្នោតអសកលនេះហាក់មិនបានទាក់ទាញចំណាប់អារម្មណ៍ពីពលរដ្ឋឡើយ។
05.17.2024
ព្រែកជីកហ្វូណន៖តើកម្ពុជាអាចទទួលបានឯករាជ្យភាពក្នុងវិស័យដឹកជញ្ជូនតាមផ្លូវទឹកកម្រិតណា?
នៅថ្ងៃព្រហស្បតិ៍ ទី១៦ ឧសភា លោកហ៊ុន សែន ប្រធានព្រឹទ្ធសភា និងជាប្រធានគណបក្សកាន់អំណាចបានថ្លែងសារពិសេសមួយស្តីពីគម្រោងព្រែកជីកហ្វូណនតេជោ។ គឺជាសារដែលលោកហ៊ុន សែនចង់ឆ្លើយតបនឹងការរិះគន់លើគម្រោងព្រែកជីកមួយនេះរបស់កម្ពុជា។ តាមលោកហ៊ុន សែន ព្រែកជីកហ្វូណនតេជោជាការដើរឆ្ពោះទៅរកឯករាជ្យភាពនយោបាយផ្នែកដឹកជញ្ជូនតាមផ្លូវទឹកដោយមិនពឹងដង្ហើមរបស់ប្រទេសណាមួយ។ អ្នកតាមដានភូមិសាស្ត្រនយោបាយយល់ថា វាជាការល្អសម្រាប់កម្ពុជាដើម្បីបញ្ចៀសបញ្ហាណាមួយកើតឡើងនៅពេលទំនិញរបស់កម្ពុជាត្រូវដឹកជញ្ជូនតាមផ្លូវទឹក។
05.16.2024
ហេតុអ្វីករណី ជា សារ៉ន និងហ៊ី គឹមហុង មិនត្រូវបានចាត់ការដូចករណី ឡេង ចាន់ណា?
កាលពីថ្ងៃទី១៥ ខែឧសភា ឆ្នាំ២០១៤ លោកនាយករដ្ឋមន្ត្រី ហ៊ុន ម៉ាណែត បានប្រគល់ភារកិច្ចឲ្យលោក គី តិច ប្រធានក្រុមមេធាវីរដ្ឋាភិបាលចេញមុខការពារពលរដ្ឋ និងធ្វើជាតំណាងពលរដ្ឋនៅក្នុងសំណុំរឿងទាំងឡាយ ដែលកំពុងចាត់ការដោយស្ថាប័នអយ្យការ និងស្ថាប័នតុលាការ។ ចំណាត់ការនេះត្រូវលោក ហ៊ុន ម៉ាណែត បញ្ជាក់ថា ជាការឆ្លើយតបទៅនឹងសំណូមពររបស់ប្រជាពលរដ្ឋរងគ្រោះក្នុងគម្រោងរបស់អតីតឧកញ៉ា ឡេង ចាន់ណា។ ប៉ុន្តែចំណាត់ការតែលើអតីតឧកញ៉ា ឡេង ចាន់ណា នេះ ត្រូវបានចោទសួរពីមហាជន និងអ្នកតាមដានសង្គមថា ហេតុអ្វីក៏រដ្ឋាភិបាលមិនចាត់វិធានការដូចគ្នាប្រឆាំងនឹងអតីតឧកញ៉ា ជា សារ៉ន និងហ៊ី គឹមហុង ដែលរងការចោទថាបានធ្វើឲ្យពលរដ្ឋទឹកភ្នែក និងរុញពួកគេឲ្យធ្លាក់ក្នុងជ្រោះនៃភាពក្រីក្រ។
05.14.2024
តើចាំបាច់ឬទេដែលគណបក្សប្រជាជនបន្តប្រើយុទ្ធសាស្រ្ត IF ខណៈបក្សប្រឆាំងសឹងអស់ឥទ្ធិពល?
យុទ្ធសាស្ត្រទុកឲ្យលោកសមរង្ស៊ីនៅឯកោរបស់ប្រធានគណបក្សប្រជាជនកម្ពុជា លោកហ៊ុន សែនត្រូវបានគេមើលឃើញកំពុងមានប្រសិទ្ធភាព និងឥទ្ធិពលដូចដែលលោកនៅធ្វើជានាយករដ្ឋមន្ត្រី។ ជាក់ស្តែងថ្មីៗនេះ មានថ្នាក់ដឹកនាំគណបក្សប្រឆាំងមួយចំនួន រួមនឹងសហជីពឯករាជ្យដែលធ្លាប់មានទំនាក់ទំនងជាមួយលោកសម រង្ស៊ីត្រូវបានអាជ្ញាធរចាប់ខ្លួន និងកំពុងរងពាក្យបណ្តឹងនៅតុលាការ។ រូបភាពនៃការបន្តចាប់ខ្លួន និងបំបិទសម្លេងអ្នកនយោបាយបក្សប្រឆាំងបែបនេះញ៉ាំងឱ្យមានប្រតិកម្មចម្រុះជុំវិញការប្រើយុទ្ធសាស្ត្រ IF របស់បក្សកាន់អំណាច។ អ្នកតាមដានសង្គមខ្លះយល់ថា បក្សកាន់អំណាចនៅតែព្រួយបារម្ភពីកម្លាំងអ្នកប្រជាធិបតេយ្យដែលមានលោកសម រង្ស៊ីនៅពីក្រោយ។ តែអ្នកវិភាគផ្សេងទៀតយល់ថា បក្សកាន់អំណាចគួរបញ្ឈប់ការប្រើយុទ្ធសាស្ត្រIFនេះ ត្បិតបក្សប្រឆាំងក្នុងស្រុកពុំមានលទ្ធភាពតទល់នឹងកម្លាំងរបស់បក្សកាន់អំណាចបានទៀតឡើយ។
05.13.2024
អ្នកឃ្លាំមើល៖ បាតុកម្មប្រឆាំងមេដឹកនាំខ្មែរនៅក្រៅប្រទេសគឺជួសឲ្យការសម្តែងមតិក្នុងស្រុក
នាយករដ្ឋមន្រ្តីកម្ពុជា លោក ហ៊ុន ម៉ាណែត នឹងផ្តើមទស្សនកិច្ចនៅកូរ៉េខាងត្បូងពីថ្ងៃទី១៥ ដល់ថ្ងៃទី១៩ ឧសភា។ វត្តមាន លោក ហ៊ុន ម៉ាណែត នៅកូរ៉េខាងត្បូង ក៏ត្រូវបានពលករខ្មែរប្រកាសធ្វើបាតុកម្មប្រឆាំង នៅថ្ងៃទី១៩ ខែឧសភា ឆ្នាំ២០២៤ ដែរ។ តាមអ្នករៀបចំកម្មវិធី បាតុកម្មនោះមានគោលបំណងជំរុញឲ្យរដ្ឋាភិបាលដោះស្រាយវិបត្តិសង្គម និងវិបត្តិនយោបាយនៅកម្ពុជា។ មន្ត្រីរដ្ឋាភិបាលចាត់ទុកគម្រោងធ្វើបាតុកម្មនោះ ជាសិទ្ធិរបស់ពួកគេ តែបញ្ជាក់ថា នៅក្នុងសម័យសេដ្ឋកិច្ច ការងារប្រជាធិបតេយ្យអាចដើរយឺត និងថា មានតែការរួមគ្នាបង្កើនសេដ្ឋកិច្ចពលរដ្ឋទេទើបការចូលរួមមានឥទ្ធិពល។
05.12.2024
តើការបើកថ្នាក់អក្សរផ្ចង់ចិននៅកម្ពុជាឆ្លុះបញ្ចាំងយ៉ាងណាពីឥទ្ធិពលចិន?
ក្រសួងអប់រំ យុវជន និងកីឡា នៅថ្ងៃទី១១ ខែឧសភា ឆ្នាំ២០២៤ បានបើក “ថ្នាក់អក្សរផ្ចង់ចិន មិត្តភាពកម្ពុជា-ចិន” នៅសាលារៀនចំនួន២ទៀត ដែលជាសាលារៀនជំនាន់ថ្មី ក្នុងក្រុងភ្នំពេញ។ នេះជាការបើកថ្នាក់សាភាចិនបន្ថែមទៀត ដែលកាលពីឆ្នាំ២០២៣ ក្រសួងអប់រំបានដាក់បញ្ជូលភាសាចិនសាកល្បងក្នុងសាលារដ្ឋចំនួន២០រួចមកហើយ។ សម្រាប់ថ្នាក់បើកថ្មីនោះ គឺនៅវិទ្យាល័យព្រះយុគន្ធរ និងសាលា Step Forward Abroad School ដោយមានការគាំទ្រពីសមាគមអប់រំ និងតម្រង់ទិសសិស្សមធ្យមសិក្សាកម្ពុជា និងសមាគមអ្នកសរសេរអក្សរផ្ចង់ខ្មែរ-ចិន។
05.10.2024
ហេតុអ្វីរបបសឹកភូមាបដិសេធសំណើរបស់លោក ហ៊ុន សែន សុំជួបលោកស្រី អ៊ុងសាន ស៊ូជី?
នៅទីបំផុតទៅ របបសឹកភូមាសម្រេចទាត់ចោលសំណើរបស់ប្រធានព្រឹទ្ធសភាលោក ហ៊ុន សែន ដែលចង់ជួបលោកស្រី អ៊ុងសាន ស៊ូជី តាមប្រព័ន្ធវីដេអូអនឡាញ។ ការទាត់ចោលសំណើរបស់លោក ហ៊ុន សែន ធ្វើឡើងតាមរយៈអ្នកនាំពាក្យរបបសឹកភូមា លោក ច មីនទុន Zaw Min Tun ដោយបញ្ជាក់ថា របបសឹកភូមា គ្មានហេតុផលចាំបាច់ ដែលត្រូវសម្របសម្រួលឱ្យមានជំនួបកើតឡើង។ ក្រុមអ្នកតាមដានព្រឹត្តិការណ៍អន្តរជាតិ យល់ថា របបសឹកទាត់ចោលសំណើរបស់ប្រធានព្រឹទ្ធសភាកម្ពុជាយ៉ាងដូច្នេះ ដើម្បីចង់បង្ហាញថា ខ្លួននៅតែមានឥទ្ធិពល និងមិនចង់ឲ្យមជ្ឈដ្ឋានខាងក្រៅមើលឃើញពីភាពចុះខ្សោយរបស់ខ្លួន។
05.09.2024
តើការចាប់ខ្លួនប្រធានបក្សប្រឆាំងបានក្លាយជាទំលាប់ មុនការបោះឆ្នោតនៅកម្ពុជា?
លោក ស៊ុន ចន្ធី ប្រធានគណបក្សកម្លាំងជាតិត្រូវអាជ្ញាធរក្រុងភ្នំពេញចាប់ខ្លួន នៅព្រលានយន្តហោះភ្នំពេញ នៅព្រឹកថ្ងៃទី០៩ ខែឧសភា ឆ្នាំ២០២៤នេះ បន្ទាប់ពីលោកត្រឡប់មកពីបេសកកម្ម ធ្វើការងារគណបក្ស នៅប្រទេសជប៉ុន។ លោក ស៊ុន ចន្ធី ជាប្រធានគណបក្សប្រឆាំងចុងក្រោយគេ ដែលត្រូវបានចាប់ខ្លួន បន្ទាប់ពីមេដឹកនាំសហជីព លោក ម៉ម រិទ្ធី និងថ្នាក់ដឹកនាំបក្សប្រឆាំងនៅតាមបណ្តាខេត្ត រាជធានីជាច្រើននាក់ផ្សេងទៀត។ ការចាប់ខ្លួនមេដឹកនាំបក្សប្រឆាំងរូបនេះ ធ្វើឡើងប្រមាណជាង២សប្តាហ៍មុនការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌអាណត្តិទី៤ ដែលការបោះឆ្នោតនេះនឹងប្រព្រឹត្តទៅ នៅថ្ងៃ២៦ ខែឧសភា ឆ្នាំ២០២៤នេះ។
05.08.2024
ទំនាក់ទំនងកម្ពុជា និងអាមេរិកក្នុងអាណត្តិ ៥ឆ្នាំរបស់លោក Patrick Murphy ជាឯកអគ្គរដ្ឋទូតអាមេរិក
ឯកអគ្គរដ្ឋទូតអាមេរិកប្រចាំនៅកម្ពុជាលោក W.Partic Murphy បញ្ចប់អាណត្តិរយៈពេល ៥ឆ្នាំ នឹងត្រូវវិលត្រឡប់ទៅសហរដ្ឋអាមេរិកវិញក្នុងខែឧសភានេះ។ តែមុននឹងចាកចេញពីកម្ពុជា លោកបានផ្តើមមានជំនួបលាថ្នាក់នាំជាន់ខ្ពស់ និងមន្ដ្រីកម្ពុជា។ ជាក់ស្ដែងក្នុងថ្ងៃទី៧ ឧសភា លោកបានជួបពិភាក្សា និងជម្រាបលានាយករដ្ឋមន្រ្តីកម្ពុជាលោក ហ៊ុន ម៉ាណែត។ គួរជម្រាបថា លោក Partic Murphy ត្រូវបានគេចាត់ទុកជាអ្នកការទូតដ៏មានបទពិសោធន៍មួយរូបក្នុងចំណោមឯកអគ្គរដ្ឋទូតអាមេរិកដែលបានមកបំពេញបេសកម្មនៅកម្ពុជា។ ដូច្នេះសួរថា តើអ្វីទៅជាទំនាក់ទំនងកម្ពុជា និងអាមេរិកក្នុងអាណត្តិ ៥ឆ្នាំរបស់លោក Patrick Murphy?។
05.07.2024
អ្នកតាមដានសង្គម៖«ប្រព័ន្ធបញ្ជរតែមួយជាតិ»ជួយកាត់បន្ថយ«ការិយាធិបតេយ្យ»
នៅថ្ងៃអង្គារ ទី៧ ឧសភានេះ រដ្ឋាភិបាលកម្ពុជាបានប្រកាសដាក់ឲ្យអនុវត្តជាផ្លូវការ «ប្រព័ន្ធបញ្ជរតែមួយជាតិ»។ តាមរដ្ឋាភិបាល «ប្រព័ន្ធបញ្ជរតែមួយជាតិ» នឹងអនុញ្ញាតឲ្យអ្នកវិនិយោគអាចស្នើសុំ អាជ្ញាបណ្ណ លិខិតអនុញ្ញាត វិញ្ញាបនបត្រ និងឯកសារតម្រូវផ្សេងទៀតពាក់ព័ន្ធនឹងការនាំចេញ នាំចូលទំនិញទៅកាន់ស្ថាប័នមានសមត្ថកិច្ចតែមួយលើករួមគ្នាសម្រាប់បំពេញបែបបទបញ្ចេញទំនិញពីគយតាមមធ្យោបាយអេឡិចត្រូនិក។ ក្រុមអ្នកតាមដានបញ្ហាសង្គមគាំទ្រចំពោះប្រព័ន្ធថ្មីនេះ ព្រោះវាជួយកាត់បន្ថយ«ការិយាធិបតេយ្យ»។
05.05.2024
តើរដ្ឋាភិបាលមានសិទ្ធិផ្ទេរទ្រព្យសម្បត្តិរបស់រដ្ឋទៅជាកម្មសិទ្ធិរបស់គណបក្សនយោបាយឬទេ?
មានការផ្សព្វផ្សាយអនុក្រឹត្យមួយចុះថ្ងៃទី២២ ខែមីនា ឆ្នាំ២០២៤ ដោយមានហត្ថលេខារបស់លោក ហ៊ុន ម៉ាណែត ដោយបានផ្ទេរដីមួយកន្លែងដែលជាទ្រព្យសម្បត្តិសាធារណៈរបស់រដ្ឋ ឱ្យក្លាយជាកម្មសិទ្ធិរបស់គណបក្សប្រជាជនកម្ពុជា។ ក្នុងទំហំផ្ទៃដីជិត១០ម៉ឺនម៉ែត្រការ៉េនោះ ប្រមុខរដ្ឋាភិបាលកម្ពុជា បានបញ្ជាក់ថា ត្រូវធ្វើអនុប្បយោគទៅជាទ្រព្យសម្បត្តិឯកជនរបស់រដ្ឋ និងផ្ទេរការកាន់កាប់ជូនគណៈកម្មាធិការបក្សប្រជាជនកម្ពុជា ជាម្ចាស់កម្មសិទ្ធិវិញ។ បន្ទាប់ពីការផ្សព្វផ្សាយនៅតាមបណ្តាញសង្គមបែបនេះ នាំឲ្យមានសំណួរចោទឡើងថា តើរដ្ឋាភិបាលមានសិទ្ធិផ្ទេរទ្រព្យសម្បត្តិរបស់រដ្ឋទៅជាកម្មសិទ្ធិរបស់គណបក្សនយោបាយឬទេ?
05.04.2024
២០២៤៖ ឆ្នាំផ្លាស់ប្តូរប្រជាជនកម្ពុជា-ចិន នឹងហុចផលវិជ្ជមានទេដល់ទេសចរណ៍កម្ពុជា?
ប្រទេសកម្ពុជា និងចិន បានកំណត់យកឆ្នាំ២០២៤នេះ ជាឆ្នាំនៃការផ្លាស់ប្តូររវាងប្រជាជន និងប្រជាជននៃប្រទេសទាំងពីរ។ តាមរយៈព្រឹត្តិការណ៍នេះ ប្រទេសកម្ពុជារំពឹងថានឹងអាចស្រូបទាញទេសចរចិន កាន់តែច្រើនបន្ថែមទៀត ខណៈទេសចរចិនបច្ចុប្បន្នបានឈរនៅលំដាប់ទី៣នៅឡើយ។ អ្នកជំនាញខាងវិស័យទេសចរណ៍នានាមើលឃើញថាទេសចរចិនមានការកើនឡើងពិតមែន តែនៅមិនទាន់បង្ហាញថាជាលទ្ធផលនៃព្រឹត្តិការណ៍ផ្លាស់ប្តូរប្រជាជននិងប្រជាជន រវាងកម្ពុជា និងចិននោះទេ។
05.03.2024
ផលវិជ្ជមាន និងអត្ថន័យនៃជំនួបរវាងនាយករដ្ឋមន្រ្តី និងអ្នកសារព័ត៌មាន?
05.02.2024
តើដល់ពេលដែលរដ្ឋត្រូវលើកទឹកចិត្តឲ្យប្រជាជនប្រើរថយន្តថ្មីដើម្បីកាត់បន្ថយរថយន្តជជុះ?
រដ្ឋាភិបាលកម្ពុជាបានប្រាប់ឲ្យដឹងថា ប្រទេសកម្ពុជាមានរោងចក្រតម្លើងរថយន្តចំនួន៦ ក្នុងនោះក៏មានក្រុមហ៊ុនយក្សផលិតរថយន្តតូយ៉ូតារបស់ជប៉ុនមួយដែរ។ វត្តមានរបស់ក្រុមហ៊ុនតម្លើងរថយន្តនៅក្នុងប្រទេសកម្ពុជាពេលនេះសមល្មមនឹងដល់ពេលដែលរដ្ឋាភិបាលមានវិធានការកាត់បន្ថយការនាំចូលរថយន្តជជុះ ឬរថយន្តមួយទឹកពីបរទេស និងលើកទឹកចិត្តប្រជាជនឲ្យប្រើរថយន្តថ្មីដែលតម្លើងក្នុងស្រុកឬយ៉ាណា?
05.01.2024
ហេតុអ្វីរដ្ឋាភិបាល និងសង្គមស៊ីវិលវាយតម្លៃខុសគ្នាពីសេរីភាពសារព័ត៌មាននៅកម្ពុជា?
នៅក្នុងរបាយការណ៍លើកដំបូងរបស់ខ្លួន ចុះផ្សាយនៅថ្ងៃអង្គារទី ៣០មេសា ក្រសួងព័ត៌មានបានបង្ហាញថា ស្ថានភាពសេរីភាពសារព័ត៌មាននៅកម្ពុជាមានភាពល្អប្រសើរ។ បើតាមក្រសួងព័ត៌មាន អ្នកកាសែតចំនួន៣៤១នាក់ ដែលចូលរួមនៅក្នុងការស្ទង់មតិ យល់ឃើញថា ពួកគេមានសេរីភាពពេញលេញក្នុងការប្រកបអាជីពមួយនេះ។ តែរបាយការណ៍ពីសង្គមស៊ីវិលរកឃើញផ្ទុយពីរបាយការណ៍របស់ក្រសួងព័ត៌មាន ដោយថា នៅកម្ពុជាសេរីភាពសារព័ត៌មានមិនទាន់ល្អប្រសើរនៅឡើយទេ។ អង្គការអ្នកកសែតគ្មានព្រំដែនវិញ ដែលមានទីតាំងនៅប្រទេសបារាំង បានសម្លឹងឃើញភាពដុនដាបនៃសេរីភាពសារព័ត៌មាននៅកម្ពុជា និងបានចាត់ថ្នាក់កម្ពុជាឲ្យឈរនៅលេខរៀងទី១៤៧ ក្នុងចំណោម១៨០ប្រទេស នាឆ្នាំ២០២៣។ ហេតុអ្វីបានជាមានការវាយតម្លៃខុសគ្នា រឿងសេរីភាពសារព័ត៌មាននៅកម្ពុជា?
04.30.2024
អ្នកការពារបរិស្ថាន៖ការចាក់ទប់ច្រាំងទន្លេគួរមានយន្តការជាក់លាក់ដើម្បីបញ្ចៀសការយកសម្បត្តិរដ្ឋ
ការចាក់ដីលុបចូលទន្លេបានកើតឡើងជាថ្មីទៀតនៅខេត្តកំពង់ចាមដោយអាជ្ញាធរខេត្តបញ្ជាក់ថា សកម្មភាពនេះធ្វើឡើងដោយគ្មានច្បាប់អនុញ្ញាត។ តែនៅពេលមន្ត្រីចុះត្រួតពិនិត្យនៅថ្ងៃទី២៩ ខែមេសាបែរជារដ្ឋបាលខេត្តអះអាងថា ការវាយតម្លៃបឋមលើការចាក់ថ្មនៅច្រាំងទន្លេប្រវែង១៦៥ម៉ែត្រក្នុងឃុំមានជ័យ ស្រុកស្រីសន្ធរ មិននាំឲ្យមានការខូចខាតច្រាំងទន្លេ ឬប៉ះពាល់លំហូរទឹកឡើយ។ ទោះជាយ៉ាងណា អាជ្ញាធរខេត្តបានបញ្ជាឲ្យផ្អាកសកម្មភាពនេះសិនដោយរង់ចាំការវាយតម្លៃពីក្រសួងធនធានទឹក។ តែអ្នកការពារបរិស្ថានចង់ឃើញរដ្ឋាភិបាលមានយន្តការជាក់លាក់ក្នុងរឿងចាក់ដីទប់ច្រាំងទន្លេដើម្បីជៀសវាងការរំលោភយកសម្បត្តិរដ្ឋធ្វើជាកម្មសិទ្ធិឯកជន។
04.29.2024
តើរដ្ឋាភិបាលគួរមានវិធានការបង្ការអ្វីខ្លះដើម្បីបញ្ចៀសករណីផ្ទុះឃ្លាំងគ្រាប់?

What's ព្រឹត្តិការណ៍​កម្ពុជា​ប្រចាំថ្ងៃ about?

Download our free app to listen on your phone

ព្រឹត្តិការណ៍​កម្ពុជា​ប្រចាំថ្ងៃ episodes:

តើសេវាធ្វើលិខិតឆ្លងដែនតាមអនឡាញអាចបង្កើនប្រសិទ្ធភាព និងបញ្ជៀសអំពើពុករលួយបាន ឬទេ?

តើ​ប្រព័ន្ធ​ដឹកនាំ​កម្ពុជា​បច្ចុប្បន្ន​នឹង​ជួយឲ្យ​ប្រទេស​នេះ​រុងរឿង​ដូច​សិង្ហបុរី​បាន​ឬ​ទេ​?

តើកម្ពុជាទទួលបានប្រយោជន៍អ្វីខ្លះ ពីគម្រោងផ្លូវសមុទ្រកម្ពុជា-ថៃ-វៀតណាម?

ច្បាប់ធូររលុងពេកឬយ៉ាងណា ទើបករណីបាញ់សម្លាប់គ្នាកាន់តែកើនឡើងខ្លាំងក្នុងសង្គមខ្មែរ?

វិបត្តិ​អចលនទ្រព្យ​ខ្មែរ​ តើ​ជាការ​ជាប់គាំង ​ឬជាការ​ផ្គត់ផ្គង់​លើស​តម្រូវការ​?

តើការតវ៉ាប្រឆាំងអង្គការសង់ត្រាល់ ជា«សេណារីយ៉ូ» កម្ទេចសហជីពឯករាជ្យ?

តើកំណើនអ្នកជាប់ឃុំជាសញ្ញាអាសន្ននៃបញ្ហាគ្រឿងញៀន?

ហេតុអ្វីការផ្សព្វផ្សាយគ្រឿងស្រវឹងកំពុងបន្តមានយ៉ាងគគ្រឹកគគ្រេង និងហាក់កើនខ្លាំង?

តើកំណែទម្រង់រដ្ឋបាលសាធារណៈនៅតាមក្រសួង-ស្ថាប័នអាចធ្វើទៅរួចបានកម្រិតណា?

តើកម្ពុជាបានធ្វើអ្វីខ្លះក្នុងរយៈពេល ២៣ឆ្នាំកន្លងទៅដើម្បីប្រឆាំងពលកម្មកុមារ?

ហេតុអ្វីករណីជីក កាយផ្លូវដើម្បីដាក់លូនៅតែបន្តកើតមាន?

តើការប្រលងជ្រើសរើសមន្ត្រីរាជការមានតម្លាភាព និងយុត្តិធម៌កំរិតណា?

ករណីលិចទូកស្លាប់សិស្សនាំឱ្យមានការចោទសួរពីទំនួលខុស​ត្រូវរបស់ក្រសួងអប់រំ

តើការមិនចូលរួមរបស់កម្ពុជាក្នុងសន្និសីទសន្តិភាពអ៊ុយក្រែនឆ្លុះបញ្ចាំងយ៉ាងដូចម្តេច?

តើរដ្ឋាភិបាលគួរបន្ថែមម៉ោងសិក្សា ឬបង្កើនគុណភាពសិក្សា?

តើ​កម្ពុជា​អាចជា​សមរភូមិ​ភូមិសាស្ត្រនយោបាយ​ឬ​ទើប​ចិន​ដាក់​អ្នក​ការទូត​ខ្លាំង​ប្រចាំ​កម្ពុជា​?

ហេតុអ្វីលោកហ៊ុន សែនស្នើឲ្យមហាអំណាចដកកម្ពុជាចេញពីជម្លោះភូមិសាស្រ្តនយោបាយ?

តើនឹងមានការប្រែប្រួលអ្វីខ្លះនៃទំនាក់ទំនងកម្ពុជា-អាមេរិក ក្រោយទស្សនកិច្ចរបស់ លោក ឡយ អូស្ទីន?

តើ​សន្ទុះ​នៃ​ការ​ទាមទារ​សិទ្ធិ​របស់​ពលរដ្ឋ​ខ្មែរ​ក្រោម​អាច​ធ្វើឲ្យ​ក្រុង​ហាណូយ​ដូរ​ឥរិយាបទ​ឬ​ទេ​?

តើគោលនយោបាយរបស់គណបក្សអាចចូលរួមចំណែកអ្វីខ្លះដល់បរិស្ថាន?

តើករណីលក់ទូរស័ព្ទគ្មានពន្ធជាកំហុសអ្នកណា?

ឈប់ប្រើរថយន្តដឹកទំនិញដើម្បីដឹកកម្មកររោងចក្រនៅឆ្នាំ ២០២៧ តើអាចទៅរួចឬទេ?

តើ​ចាំបាច់​ឬទេ​ដែល​កម្ពុជា​ឲ្យ​ក្រុមហ៊ុន​បរទេស​ដាក់ទុន​នៅក្នុង​គម្រោង​ព្រែកជីក​ហ្វូណន​?

តើការវិនិយោគច្រើនពីជប៉ុនអាចជួយឲ្យកម្ពុជាបន្ថយការពឹងលើវិនិយោគចិនបានដែរឬទេ?

លទ្ធភាពដែលគណបក្សប្រឆាំងអាចធ្វើបានជាមួយនឹងអាសនៈទទួលបាននៅថ្នាក់ក្រោមជាតិ?

តើ​សមយុទ្ធ​យោធា​កម្ពុជា-​ចិន ​នឹង​រុញ​ឲ្យ​មាន​ភាព​តានតឹង​ផ្នែក​ភូមិសាស្ត្រ​នយោបាយ​?

តើដំណើរទស្សនកិច្ចរបស់រដ្ឋមន្ដ្រីការពារជាតិអាមេរិកជាការព្រួយបារម្ភពីឥទ្ធិពលចិនលើកម្ពុជាឬ?

តើកត្តាអ្វីខ្លះដែលនាំឲ្យមានក្មេងទំនើងច្រើននៅក្នុងសង្គមខ្មែរ?

អ្វីជាច្រកចេញសម្រាប់ក្តីក្តាំលោកកឹម សុខា ខណៈជំនុំជម្រះបន្តអូសបន្លាយនៅឧទ្ធរណ៍?

តើការស្នើច្បាប់ប្រឆាំងអ្នកមិនទទួលស្គាល់របបប្រល័យពូជសាសន៍ជាថ្មីមានអត្ថន័យយ៉ាងណា?

គម្រោងព្រែកជីកហ្វូណនកំពុងរុញកម្ពុជា និងវៀតណាមឲ្យកាន់តែមើលមុខគ្នាមិនចំ?

តើការដាំដើមឈើឲ្យបានច្រើនជាងការកាប់អាចជួយការពារព្រៃឈើបានក្នុងកម្រិតណា?

តើកម្ពុជានឹងទទួលផលអ្វីខ្លះពីការដំឡើងកម្រិតទំនាក់ទំនង“ភាពជាដៃគូយុទ្ធសាស្ដ្រ”ជាមួយកូរ៉េ?

គ.ជ.ប៖ ការឃោសនាថ្ងៃដំបូង គឺគ្មានអំពើហិង្សា គ្មានការគំរាមកំហែង

ព្រែកជីកហ្វូណន៖តើកម្ពុជាអាចទទួលបានឯករាជ្យភាពក្នុងវិស័យដឹកជញ្ជូនតាមផ្លូវទឹកកម្រិតណា?

ហេតុអ្វី​ករណី ​ជា សារ៉ន ​និង​ហ៊ី គឹមហុង​ មិនត្រូវ​បាន​ចាត់ការ​ដូច​ករណី ​ឡេង ចាន់ណា​?

តើចាំបាច់ឬទេដែលគណបក្សប្រជាជនបន្តប្រើយុទ្ធសាស្រ្ត IF ខណៈបក្សប្រឆាំងសឹងអស់ឥទ្ធិពល?

អ្នកឃ្លាំមើល៖ បាតុកម្មប្រឆាំងមេដឹកនាំខ្មែរនៅក្រៅប្រទេសគឺជួសឲ្យការសម្តែងមតិក្នុងស្រុក

តើការបើកថ្នាក់អក្សរផ្ចង់ចិននៅកម្ពុជាឆ្លុះបញ្ចាំងយ៉ាងណាពីឥទ្ធិពលចិន?

ហេតុអ្វីរបបសឹកភូមាបដិសេធសំណើរបស់លោក ហ៊ុន សែន សុំជួបលោកស្រី អ៊ុងសាន ស៊ូជី?

តើការចាប់ខ្លួនប្រធានបក្សប្រឆាំងបានក្លាយជាទំលាប់ មុនការបោះឆ្នោតនៅកម្ពុជា?

ទំនាក់ទំនងកម្ពុជា និងអាមេរិកក្នុងអាណត្តិ ៥ឆ្នាំរបស់លោក Patrick Murphy ជាឯកអគ្គរដ្ឋទូតអាមេរិក

អ្នកតាមដានសង្គម៖«ប្រព័ន្ធបញ្ជរតែមួយជាតិ»ជួយកាត់បន្ថយ«ការិយាធិបតេយ្យ»

តើរដ្ឋាភិបាលមានសិទ្ធិផ្ទេរទ្រព្យសម្បត្តិរបស់រដ្ឋទៅជាកម្មសិទ្ធិរបស់គណបក្សនយោបាយឬទេ?

២០២៤៖ ឆ្នាំផ្លាស់ប្តូរប្រជាជនកម្ពុជា-ចិន នឹងហុចផលវិជ្ជមានទេដល់ទេសចរណ៍កម្ពុជា?

ផលវិជ្ជមាន និងអត្ថន័យនៃជំនួបរវាងនាយករដ្ឋមន្រ្តី និងអ្នកសារព័ត៌មាន?

តើដល់ពេលដែលរដ្ឋត្រូវលើកទឹកចិត្តឲ្យប្រជាជនប្រើរថយន្តថ្មីដើម្បីកាត់បន្ថយរថយន្តជជុះ?

ហេតុអ្វីរដ្ឋាភិបាល និងសង្គមស៊ីវិលវាយតម្លៃខុសគ្នាពីសេរីភាពសារព័ត៌មាននៅកម្ពុជា?

អ្នកការពារបរិស្ថាន៖ការចាក់ទប់ច្រាំងទន្លេគួរមានយន្តការជាក់លាក់ដើម្បីបញ្ចៀសការយកសម្បត្តិរដ្ឋ

តើរដ្ឋាភិបាលគួរមានវិធានការបង្ការអ្វីខ្លះដើម្បីបញ្ចៀសករណីផ្ទុះឃ្លាំងគ្រាប់?

Other shows like ព្រឹត្តិការណ៍​កម្ពុជា​ប្រចាំថ្ងៃ:

What's ព្រឹត្តិការណ៍កម្ពុជាប្រចាំថ្ងៃ about?

ព្រឹត្តិការណ៍កម្ពុជាប្រចាំថ្ងៃ episodes:

តើប្រព័ន្ធដឹកនាំកម្ពុជាបច្ចុប្បន្ននឹងជួយឲ្យប្រទេសនេះរុងរឿងដូចសិង្ហបុរីបានឬទេ?

វិបត្តិអចលនទ្រព្យខ្មែរ តើជាការជាប់គាំង ឬជាការផ្គត់ផ្គង់លើសតម្រូវការ?

ករណីលិចទូកស្លាប់សិស្សនាំឱ្យមានការចោទសួរពីទំនួលខុសត្រូវរបស់ក្រសួងអប់រំ

តើកម្ពុជាអាចជាសមរភូមិភូមិសាស្ត្រនយោបាយឬទើបចិនដាក់អ្នកការទូតខ្លាំងប្រចាំកម្ពុជា?

តើសន្ទុះនៃការទាមទារសិទ្ធិរបស់ពលរដ្ឋខ្មែរក្រោមអាចធ្វើឲ្យក្រុងហាណូយដូរឥរិយាបទឬទេ?

តើចាំបាច់ឬទេដែលកម្ពុជាឲ្យក្រុមហ៊ុនបរទេសដាក់ទុននៅក្នុងគម្រោងព្រែកជីកហ្វូណន?

តើសមយុទ្ធយោធាកម្ពុជា-ចិន នឹងរុញឲ្យមានភាពតានតឹងផ្នែកភូមិសាស្ត្រនយោបាយ?

ហេតុអ្វីករណី ជា សារ៉ន និងហ៊ី គឹមហុង មិនត្រូវបានចាត់ការដូចករណី ឡេង ចាន់ណា?

Other shows like ព្រឹត្តិការណ៍កម្ពុជាប្រចាំថ្ងៃ: