លោក​ ហ៊ុន ​សែន ​ប្រធាន​​ព្រឹទ្ធ​សភា​កម្ពុជា ​បាន​ប្រកាស​នៅ​ថ្ងៃ​ទី​៧​ខែ​មិថុនា​ថា​ ការ​សម្រេច​ចិត្ត​របស់​កម្ពុជា​មិន​ចូល​រួម​សន្និសីទ​សន្តិភាព​របស់​អ៊ុយ​ក្រែន​ ដែល​គ្រោង​ធ្វើ​នៅ​ប្រទេស​ស្វីស​នាពេល​ខាង​មុខ​ គឺ​ជា​សិទ្ធិ​របស់​កម្ពុជា ​ដោយ​កម្ពុជា​មើល​ឃើញ​ថា ​«វា​មិន​មាន​ជោគ​ជ័យ»​។​ តែ​ពី​ក្រសែ​ភ្នែក​របស់​ប្រទេស​លោក​ខាង​លិច​ ការ​សម្រេច​ចិត្ត​របស់​កម្ពុជា ​គឺ​ដូច​គ្នា​នឹង​ជំហរ​របស់​ចិន​។ ​ចិន​ដែល​ជា​សម្ព័ន្ធមិត្ត​ជា​មួយ​រុស្ស៊ី ដែល​ត្រូវ​បាន​អញ្ជើញ​ឲ្យ​ចូល​រួម​ដែរ​ តែ​ចិនខ្លួនឯង​បាន​បដិសេធ ​ដោយ​សំអាង​ថា​ មិន​មាន​តំណាង​រុស្ស៊ី​នៅ​ក្នុង​សន្និ​សីទ​នោះ​។​ តើ​កម្ពុជា​មាន​ហេតុ​ផល​គ្រប់​គ្រាន់​ទេ ​ដែល​សម្រេច​ចិត្ត​មិន​ចូលរួម​សន្និសីទ​សន្តិភាព​របស់​អ៊ុយ​ក្រែនដែរនោះ?