គណៈ​កម្មា​ធិ​ការ​ជាតិ​រៀប​ចំ​ការ​បោះ​ឆ្នោត​ (គ.ជ.ប) ​បាន​វាយ​តម្លៃ​យុទ្ធនា​ការ​ឃោសនានៃការបោះឆ្នោត​ក្រុម​ប្រឹក្សា​ រាជធានី ខេត្ត ក្រុង ស្រុក ខណ្ឌ នៅ​ថ្ងៃ​ដំបូង​​ថា ​ពុំ​មាន​ហេតុ​ការណ៍អ្វី​កើត​ឡើង​គួរ​ឲ្យ​កត់​សំ​គាល់​ទេ​ ពោល​ដំណើរ​ការ​ទៅ​ដោយ​ស្ងប់​ស្ងាត់ ​គ្មាន​អំពើ​ហិង្សា ​គ្មាន​ការ​គំរាម​កំហែង​ និង​មាន​សន្តិ​សុខ​ល្អ។​ សម្រាប់​អ្នក​ឃ្លាំ​មើល​ការ​បោះឆ្នោត​វិញ​ ការ​ឃោ​សនា​បោះ​ឆ្នោត​អសកល​នេះ​ហាក់​មិន​បាន​ទាក់​ទាញ​ចំណាប់​អារម្មណ៍​ពី​ពលរដ្ឋ​ឡើយ​។