ប្រមុខ​រដ្ឋាភិបាល​កម្ពុជា​លោក​ ហ៊ុន ម៉ាណែត ​ទើប​បញ្ចប់​ទស្សនកិច្ច​នៅ​សិង្ហបុរី​កាលពី​ថ្ងៃ​ពុធ ​ទី​១៩ ​ខែមិថុនា​ម្សិលមិញ​។ ជាទស្សនកិច្ច​ផ្លូវការ​ដែល​រដ្ឋាភិបាល​កម្ពុជា​ប្រកាសថា ​ទទួលបាន​ជោគជ័យ​ដ៏​ត្រចះត្រចង់​។ ​ត្រចះត្រចង់ ​ដោយសារ​តែ​កម្ពុជា​បានស្វែងយល់​ពី​គំរូ​ដឹកនាំ​ប្រទេស​ប្រកបដោយ​ភាពរុងរឿង​របស់​សិង្ហបុរី​ ហើយ​រំពឹងថា​កម្ពុជា​នឹងឈានទៅ​ដល់​កំរិត​ជឿនលឿន​ដូច​សិង្ហបុរី​ នាថ្ងៃ​អនាគត​។ ​ក៏ប៉ុន្តែ​បរិបទ ​និង​ប្រព័ន្ធ​ដឹកនាំ​ប្រទេស​របស់​កម្ពុជា​ត្រូវគេ​មើលឃើញថា ​នៅមាន​ទម្លាប់​ចាស់ ​ស្មុគ្រស្មាញ ​និង​ពិបាក​ដោះស្រាយ​។ តើអាច​ទេ​ថា ​កម្ពុជា​នឹងមាន​ភ័ព្វសំណាង​ដូច​សិង្ហបុរី​នៅថ្ងៃ​អនាគត​?