បញ្ហា​ក្មេង​ទំនើង​នៅ​កម្ពុជា​មិន​មែន​ជា​រឿង​ថ្មី​ទេ​។​ តែ​ករណី​​​នេះ ទើប​​ត្រូវ​បាន​ប្រមុខ​រដ្ឋាភិបាល​​ដាក់​បញ្ជានៅថ្ងៃទី២៣​ខែឧសភា ឲ្យអាជ្ញាធរពាក់ព័ន្ធត្រូវមានវិធានការលុបបំបាត់ និងចាត់វិធានការផ្លូវច្បាប់​ឲ្យតឹងរឹង គ្រាដែល​សកម្មភាព​កាប់ចាក់​របស់ក្រុមនេះបានកើតឡើងនៅភ្នំពេញកាលពីពេលថ្មីៗ។ អ្នកតាម​ដាន​សង្គម កត់សំគាល់ថា បញ្ហាគ្រឿងស្រវឺង និងញៀនញៀន គឺជាដើម​ហេតុ​ចំបង​ដែលនាំឲ្យមានក្មេងទំនើងច្រើន​នៅក្នុង​សង្គម​ខ្មែរ​ ខណៈគ្រួសារ​និងអាជ្ញាធរខ្លះនៅខ្វះចន្លោះ​លើបញ្ហានេះ​។