In sguard en l'istorgia dal chor che ha festivà ses grond giubileum cun ina festa pompusa ed in concert da gala.

Il Chor viril Salouf è vegnì fundà il 1872 da pader Donatus da Vaz e dal magister Stefan Antona Sonder. L'um, ch'ha dentant furmà ferm il chor, saja stà Giatgen Peder Demarmels, uschia vegni scrit en la cronica. Il «Giatgen da Ziteil», sco ch'el vegniva numnà, ha dirigì il chor dal 1880 fin il 1915 – e quai senza avair ina scolaziun da musica u enconuschientschas da notas. Era Roland Capeder, il dirigent actual, ha dirigì il chor bunamain 30 onns ed ha uss demissiunà.

L'emissiun lascha resunar registraziuns dal chor giubilar e discurra er cun il president Adrian Demarmels davart lavegnir.