327.þáttur. Mín skoðun. Heil og sæl og velkomin til leiks. Í þætti dagsins fer ég yfir gang mála í Lengjudeild karla með Andra Steini Birgissyni en nú er fjórum umferðum lokið þar og mikið gekk á um helgina.  Ég hringi svo í Þórhall Dan og við förum yfir Meistaradeildina þar sem Chelsea varð meistari. Landsliðið okkar í fótbolta er tekið fyrir sem og PepsiMax karla og Tóti tjáir sig vel um það mál og körfubolti og handbolti koma líka við sögu. Þá ræðum við sérstaklega um leiki í Lengjudeildinni sem voru leiknir þrátt fyrir ofsaveður. Þættinum barst bréf úr Grindavík vegna fyrirkomulags fyrir leik Vestra og Grindavíkur og við Tóti fjöllum um það og leik Fjölnis og Fram. Njótið elskurnar.