RTR festivescha 35 onns producziun da chant e musica ed Artg musical. L'entschatta 1984 ha RTR surpiglià la producziun da chant e musica che vegniva fatga fin là dal Studio da radio DRS Turitg. Il medem mument ha il Radio Rumantsch engrondì ses program da 40 minutas al di sin 6 uras ed uschia stgaffì novas emissiuns. Ina - l'Artg musical!

Producziun da musica ed Artg musical èn schumellins. Il 2019 èn plirs Artgs deditgads a quest giubileum e laschan reviver «bels muments» da questa lavur.

L'emprim tracta ils onns 1984–1990. Nus dudin ils chors: Lumnezia, Suraua, Seminari Cuira, Ils Urlauns Vella, Ils Cantins Mustér, Chor maschdo Surmir, Scolars Sent, lura l'Orchester instrumental grischun, Musica da giuvenils Vaz-Lai e Steilalva Sevgein, Peder Rizzi, Retuorn 85, Ils Furbazs, Benedict Stecher, Werner Frey, Jachen e Curdin Janett ed Alvin Muoth cun Claudio Simonet.