【阿门粤语课第100期】
今日句子/詞語：
今日系阿门粤语课嘅第100期，亦都係我27岁嘅生日。
系2016年嘅上半年，我开咗个粤语电台，其实我嘅初心好简单，就係惗住係喜马拉雅嗰度，传播一啲正确嘅粤语知识。
因为我发现喜玛拉雅有好多好多嘅粤语节目，粤语电臺，粤语专辑，粤语主播，但系佢地讲嘅内容绝大部分都系有错误嘅。
甚至好多教粤语嘅，根本上自己就唔识讲粤语嘅。
佢哋交嘅音唔咸唔淡，过年嘅时候，我听左d粤语主播嘅粤语专辑，佢地系度教“恭喜发财，利是逗来”。


但系佢地嘅发音係咁样嘎！
恭喜发财利是到来！
我听咗之后觉得非常之尴尬


所以，我嘅粤语节目，我嘅粤语电台，只有一个宗旨，哩个宗旨就系，我会搏命咁样去保证我嘅粤语发音标准，我嘅粤语嘅语法冇任何嘅错误，我嘅节目有料又有趣。
市面上其实都有人系度教紧粤语，但係都係比较碎片化嘅知识。例如教点样做自我介绍啊，点样讲一二三四五六七八九十啦，点样讲地铁站名喇，其实学哩啲咁样嘅简单嘅短语。
其实根本就唔俿喺度学紧粤语，只不过系喺度学紧粤语口头禅，基本上系冇乜卵用。
所谓嘅语言必须系要做一种表达嘅工具，所以你必须要学识哩种语言嘅内在嘅逻辑亦即系话语法，唔通你日日同你老细讲，一二三四五六七八九十咩。


哩个就系我提倡嘅系统性教程，哩个就係粤语学院正式会员设立嘅初衷。接下来我仲会继续完善粤语学院嘅粤语系统教程，除咗初级课程嘅55个系统粤语教程之外，仲会有日常会话，语法，声母韵母音调，仲会教粤语歌。


哩一年我教个粤语嘅学生超过一万个，我总结咗好多规律。所谓嘅发音唔标准或者话口音，其实归结起身有好多规矩，已经有好多同学通过我嘅纠正发音，讲得出比较纯正嘅粤语啦。


接下里我仲会推出，视频嘅粤语课程，我将佢叫做：
粤球人
我会推出“粤读一本书”，用粤语咁去读完一本书。希望大家通过评论或者私信讲比我地听你究竟想学啲乜嘢书。
我亦都会推出：
粤历
每一日都会有一个有粤语特色嘅日历。感兴趣嘅同学就关注我嘅个人微信公众平台——Amen脑狮。新嘅一年我仲会继续呈现最精彩最有文化嘅粤语课程比大家，希望大家可以多多支持我。
支持我嘅方式有好多种，你可以多啲点赞，评论，你都可以多啲将我嘅电台转发俾你身边嘅朋友，你都可以报名粤语学院嘅正式会员。
多谢大家支持，新嘅一年一齐进步学好粤语。
我係Amen。