【阿门粤语课零基础版第187期】

今日词语/句子：

明清时期，华南海盗众多。喺一般人睇嚟，海盗係男性所从事嘅冒险活动。但係清嘉庆年间，广东海盗出咗一位女首领，佢个名叫做郑一嫂，佢同个老公郑一，出身海盗世家。佢协助老公将华南零散嘅海盗组成海盗大联盟，高峰嘅时候有五万人，大约两千个船只，实现咗对珠江出海口嘅控制权。郑一死咗之后呢，佢亲自掌握海盗联盟霸主嘅领导权，被称为“龙嫂”。后嚟佢同养子张保仔结为夫妻，纵横南中国海。喺1809年郑一嫂领导嘅海盗大联盟喺中外势力联合围剿之下发生分化。佢决定带领部下归顺朝廷，并且为部下谋得前途发展。张保仔升为守备后，因破获鸦片走私重案有功，荣升副将。

今日俗语：

“得戚”——用來形容有所恃而行为过分的人。 　　

得戚的正确写法应该是「得敕」----「敕」是皇帝的命令，「得敕」等于奉圣旨而行，喻其得意洋洋、蛮横无理，旁人莫可奈何。这个用语十分传神，谁说粵語尽是粗俗？