Á slóðum fullveldis er yfirskrift kvöldgöngu sem Gunnar Þór Bjarnason sagnfræðingur mun leiða á fimmtudagskvöldið um miðbæ Reykjavíkur. Gunnar mun rifja upp atburði hins viðburðarríka árs 1918, þar sem meðal annars frostaveturinn mikli, Kötlugos, jökulhlaup og spænska veikin koma við sögu. Gunnar kom í þáttinn í dag.

Við slógum á þráðinn til Magnúsar Más Þorvaldssonar á Vopnafirði og spjölluðum við hann um veðrið,fótbolta,vertíð og fleira.

Kristín Einarsdóttir, okkar kona á Ströndum, fór í heimsókn í Steinshús við Ísafjarðardjúp þar sem starfrækt er safn og sýning um ævi skáldsins Steins Steinar. Hún spjallaði þar við Þórarinn Magnússon og Sigurð Sigurðsson.

Umsjón: Guðrún Gunnarsdóttir og Gunnar Hansson