Við hófum þáttinn á því að senda beint út upphafið á upplýsingafundi Almannavarna, þáttur dagsins var því styttri sem því nemur.

Þjóðleikhúsið bryddar upp á ýmsum skemmtilegum nýjum verkefnum á meðan sýningarhald liggur niðri vegna kórónuveirufaraldursins til að gleðja landsmenn og stytta biðina þar til leikhúsið getur opnað á ný. Eitt þessara verkefna er „Samt koma jólin“, aðventuvagn Þjóðleikhússins sem ferðast um og færir fólki jólaandann og fer á milli dvalarheimila aldraðra á aðventunni. Við heyrðum í dag í Erni Árnasyni sem hefur umsjón með þessu verkefni.

Lesandi vikunnar í þetta sinn var Kristinn Árnason, hjá bókaútgáfunni Páskaeyjan. Við fengum að vita hvaða bækur eru á náttborðinu hans, hvað hann hefur verið að lesa undanfarið og hvaða bækur og höfundar hafa haft áhrif á hann í gegnum tíðina.