L'ALVA numnan Alexi e Marcus lur 5avel disc cumpact cun sias 15 istorgias pachetadas en chant e musica. Tematicamain mainan questas 15 chazuns nus siadora en las muntognas, en temps passads, ma er en il profund da noss intern. Plaschair e tristezza, amur e gritta, melanconia e protest stattan datiers in da l'auter. Ed adina e surtut dominescha la speranza! Forsa pon questas chanzuns leventar tscha e là in surrir, dar mintgatant da pensar, ma ellas vulan surtut far plaschair ed ir a cor. Musicalmain schlargian Alexi e Marcus sin quest album lur spectrum cun collavurar cun 14 musicists e musicistas rumantschas. Differents instruments portan uschia novas colurs viaden en las chanzuns – ma adina restan las duas vuschs en il center. L'ALVA – in album ch'è vegnì producì en collavuraziun cun RTR.