Alhoebekker

Jason de Vries van Happy Valley op die Kaapse vlakte het in Mei 2020 op Facebook gesmeek dat mense hom help met kos, maar hy het nie in sy wildste drome gedink dat dit sy swaarkry sal wees wat ander se swaarkry sal verlig nie. Jason het soos baie ander mense sy werk tydens die inperking verloor en moes noodgedwonge bakhand staan om sy gesin se mae vol te maak. ‘n Skenking van R10 000 het nie net 'n ommeswaai in Jason se lewe beteken nie, maar ook in dié van vele ander mense. Jason het 'n projek begin waar hy kospakkies aan behoeftiges uitdeel. Hy het intussen ook 'n gedeelte van sy huis in ‘n biblioteek omskep waar kinders ook breinkos kan kry.

Aubrey Springveldt, 'n voormalige Duitse onderwyser, is sedert 1996 'n toergids in die Wes-Kaap. Hy doen stamboomnavorsing oor Suid-Afrikaanse vanne en die herkoms van daarvan. Hierdie week kyk hy na die van Johnson.

Bart en Colette is in hulle noppies met hulle nuwe huis, wanneer Colette se rug weer probleme gee. Intussen daag Abel op en vertel dat hy daarvan bewus is dat Bart Die Volkskombuis verkoop het.

Antropoloog Casper Dreyer van Noordwes-Universiteit verduidelik die verband tussen antropologie en sport.

Hannon Bothma gee wenke vir grimering met ‘n klein begroting.

Veearts dr. Gerhardus Scheepers van die Zodiac Dierekliniek op Brits in Noordwes verduidelik hoe renosters met mekaar kommunikeer.

Abel en Alida gaan kyk na die nuwe vyeplaas, maar daar vind ‘n onverwagse drama plaas.

Lourens en Nicole besoek antie Mavis. Die antie pak Lourens se kaarte uit en sien groot probleme kom...

Antoinette Pienaar vertel hoe Moeder Natuur ons help om kop te hou in moeilike tye.

Kliniese Sielkundige Thea Smith is besig met haar doktorgraad in verhoudingsterapie. Sy verduidelik oor hoe om dinge met ander mense uit te praat.