Lögreglukona rannsakar stóð barnaníðinga í scandi-noir þrillernum Grimmd frá 2016. Andrea og Steindór ræddu betrun, klisjur og alla leikarana sem Steindór hefur unnið með. En hvað kom fyrir ImdB-skúrkinn? Hvað finnst Andreu um Svílendinga? Og hvernig er söguþráður lagsins Regulate? Allt þetta og kærur og ákærur í Bíó Tvíó vikunnar!

Laxness myndin Atómstöðin frá 1984 er til umfjöllunar í Bíó Tvíó vikunnar! Andra og Steindór horfðu á mynd um kapítalisma vs. kommúnisma, austur vs. vestur og Arnar Jónsson vs. Gunnar Eyjólfsson í baráttunni um hjarta Tinnu Gunnlaugsdóttur. En hvernig er ferill Mariah Carey? Af hverju er Steindór ekki meira eins og afi sinn? Og hvernig á maður að gera sig stóran og fá útrás? Allt þetta og íslensk skömm í Bíó Tvíó vikunnar!

Krakkarnir fóru yfir hvað er búið að gerast hjá þeim síðan þau hittust síðast. Óli fer yfir hvað hann er búinn að vera að bralla. Natalie opnar sig aðeins um kulnunina. Óli segir loks frá hvernig málið með sokkaperran fór. Farið var yfir mál líðandi stundar og var klausturfökkið ekki skilið útundan. Stórir skilnaðir á árinu voru gerð skil. Þetta og margt margt fleira í lokaþætti ársins.

Pómó meta mynd Þráins Bertelssonar frá 1995, Einkalíf, sem ekki er hluti af Líf-þríleiknum, er til umfjöllunar í Bíó Tvíó vikunnar. Andrea og Steindór pældu í hversu viðeigandi hún er miðað við atburði síðustu viku og ræddu #KlausturFokk og kúkafullan kött. En hvað var sagt um Þráin í tölvupósti? Hvernig má tala um hávaxið fólk? Og af hverju skar Van Gogh af sér eyrað? Allt þetta og nema hvað í Bíó Tvíó vikunnar!

Skammdegið hefur hertekið Glápið og við sjáum ekki út úr augum fyrir hryllingi. Sem betur tekur Hill House okkur opnum örmum með snarbröttum stigum, undarlegum ljósum og rauða herberginu sem alltaf er læst. Rare Find á Airbnb!

Bíó Tvíó fagnar tveggja ára afmæli þessa vikuna! Í tilefni af því fjölluðu Andrea og Steindór um tímamótamynd Friðriks Þórs, Engla Alheimsins. En hverjir eru áhugaverðustu vessarnir? Hvernig kynntist Steindór Bam Margera? Og hverjar eru bestu plötur Nýrrar danskrar? Allt þetta og músaralegur pési í Bíó Tvíó vikunnar!

Dramafarsi um þrjár kynslóðir, tilhugalíf aldraðra, barnalán ungra og djöfullegan predikara í Bíó Tvíó þessa vikuna. Andrea og Steindór horfðu á fyrstu mynd Ragnars Bragasonar, Fíaskó, og ræddu grínferil Björns Jörundar. En hvernig frjóvgar maður blóm? Hvernig er Kalla í sælgætisgerðinni lífstíllinn? Hver eru skattalagabrot Sigur Rósar? Allt þetta og Alvarpið í Bíó Tvíó vikunnar!

Sóley, Sóley, mín von og trú! Kvikmynd Rósku og félaga hennar úr sósíalistahreyfingu kaldastríðsáranna um huldufólk, stéttabaráttu og frelsi er tekin fyrir í Bíó Tvíó vikunnar. Andrea og Steindór ræddu feril Rósku, rok og róttækni á óræðum tíma. En hvernig hljómar Eurovision lagið Sóley? Hvernig verður maður pólitískur? Og hvernig er Tom Cruise myndin Jack Reacher? Allt þetta og kengúrupíkur í Bíó Tvíó vikunnar!

Hippar reyna að sjá um heimili fyrir vandræðaunglinga í kvikmynd vikunnar í Bíó Tvíó. Andrea og Steindór horfðu á Veðramót, kvikmynd Guðnýjar Halldórsdóttur um Breiðavíkur-esque harmleik og öfugt #metoo mál fyrir áratugum síðan. En hvað er málið með morgunkorn? Er dýraníð í lagi? Og hafa stjórnendur þáttarins reykt hass? Allt þetta og tvær Tinnur í Bíó Tvíó vikunnar!

Langþráður draumur Ísfólksins að setja upp barnaheimili fyrir óhamingjusöm börn rætist loksins. Stelpurnar komast að því að maður þarf ekki stór brjóst, þau þurfa bara að fylla í lófa. Þær aðstoða líka fólk í ástarleit: ef þú ert á ættarmóti, mundu þá eftir að hækka kílómetra fjöldann á Tinder. Í þættinum kemur í ljós að Kristín er spennt fyrir pene, Birna er spennt fyrir draugum og Helga er með hlutfallslegu minnstu brjóstin. En hvað er eðlileg þarmaflóra? Hvað er dúnhár? Munu Caleb og Gabríella banga fyrir lok bókarinnar? Hvað í fjandanum er í gangi í húsinu?

Ískisur — trúarlegt og reglulegt hlaðvarp!