Alvarpið

Alvarpið

Download on the App Store

Alvarpið episodes

  • Bíó Tvíó #115 – Bjarnfreðarson

    Punkturinn á eftir Vaktaseríunum vinsælu er tekinn fyrir í Bíó Tvíó þætti vikunnar! Andrea og Steindór horfðu á Bjarnfreðarson frá 2009 og ræddu þá hópa sem helst áttu skilið útreið í íslenskum kvikmyndum á því herrans ári. En hvað finnst stjórnendunum loksins um Despacito? Hvar í íbúðum eiga baðkör að vera staðsett Og er hægt að horfa á myndir upp úr sjónvarpsþáttum án samhengis? Allt þetta og kvennamorð í Bíó Tvíó vikunnar!

    1 hr 28 min
  • Bíó Tvíó #114 – Andið eðlilega

    Fátækt og landamæri, tvö eftirlætis þemu þáttarins Bíó Tvíó, eru leiðarstef kvikmyndarinnar Andið eðlilega frá 2018 í leikstjórn Ísoldar Uggadóttur. Andrea og Steindór ræddu lágan talsmáta leikaranna og plott í softcore klámmyndum. En hvernig breytir rakatæki lífi manns? Er verra að vera í vinnu sem tengist áhugamálinu manns? Og hvenær þarf maður að tilbiðja Hitler í matarboði? Allt þetta og Suðurnes í Bíó Tvíó vikunnar!

    1 hr 23 min
  • Glápið – S03E04 – ÁramótaGláp

    Glápið fagnar nýju ári (sem er samt orðið pínu gamalt) og gerir upp það síðasta. Hvað var best og verst (samt ekki verst, neikvæðni er svo 2018 eitthvað) og hvað er framundan sem vekur tilhlökkun? Nýtt ár, meira Gláp!

    1 hr 47 min
  • Bíó Tvíó #113 – Mamma Gógó

    Mynd Friðriks Þórs um sjálfan sig og mömmu sína og sína eigin mynd, Börn náttúrunnar, er til umfjöllunar í Bíó Tvíó þessa vikuna. Andrea og Steindór horfðu á Mamma Gógó frá 2010 og ræddu kunningjasamfélagið og sjálfsmeðvitund. En á hvaða tímalínu gerist Mamma Gógó? Hvernig er Entourage myndin? Og er Hótel Jörð gott ljóð? Allt þetta og skattamál í Bíó Tvíó vikunnar!

    1 hr 26 min
  • Bíó Tvíó #112 – Sumarbörn

    Kvikmynd Guðrúnar Ragnarsdóttur frá 2017, Sumarbörn, er tekin fyrir í Bíó Tvíó þætti vikunnar. Andrea og Steindór ræddu blöndu raunsæis og töfraraunsæis með hálf-munaðarlaus börn í aðalhlutverki. En mygla lík? Hversu langt líður þar til fólk fattar að maður sé dáinn? Og eiga skólar að vera til? Allt þetta og lyklabörn í Bíó Tvíó vikunnar!

    1 hr 18 min
  • Fillifjónkan 31. þáttur – Straumhvörf og snjóþotur

    Það er vetur í Múmíndal. Fillifjónkan gerir upp árið og öll þau gömlu með í nýárssprengju frúarinnar. Tarotspil ársins gefur von um mikil straumhvörf í lífi Fillifjónkunnar, spurningar vakna um hvort Siglufjörður sé enn draugabær eins og hann var árið 1994 og í fréttum af frægum kemur fram að Bogi Ágústsson sást versla sér snjóþotu í úthverfi Stokkhólms um hátíðirnar.

    Vakin er athygli á að þrátt fyrir að kviknað hafi í andlitsmaska sem óvart rataði í bakaraofninn í miðjum þætti – þá slasaðist enginn við gerð þáttarins.

    1 hr 11 min
  • Bíó Tvíó #111 – París norðursins

    Bókin um veginn og typpið á Helga Björns eru á milli tannanna á fólki í kvikmyndinni París norðursins frá 2014. Andrea og Steindór voru live á Bravó og töluðu um þunga mynd um kalla í krísu með óvenju hressu upphafslagi. En hvernig var kynningarherferð Coke Zero? Af hverju þykkna karlmenn um bringuna? Og er hægt að sleppa því að dömpa fólki? Allt þetta og fötukýling í Bíó Tvíó vikunnar!

    1 hr 5 min
  • Bíó Tvíó #110 – Lói – þú flýgur aldrei einn

    Teiknimyndin Lói – þú flýgur aldrei einn frá 2018 er tekin fyrir í síðasta Bíó Tvíó þætti þess herrans árs. Fuglastríð utan Lumbruskógar með skrítna kynjapólitík og – como se dice – undarlegan tón. En er vond lykt af Andreu og Steindóri? Hverjir eru bestu Looney Tunes karakterarnir? Og er Lói Liverpool aðdáandi? Allt þetta og aurora borealis í Bíó Tvíó vikunnar!

    1 hr 30 min
  • Bíó Tvíó #109 – Desember

    Jóladramað Desember frá 2009 er til umfjöllunar í Bíó Tvíó vikunnar. Andrea og Steindór ræddu skíthæls aðalpersónu og millistéttar fátækt á heilagasta tíma ársins. En hvort er verra, neysluhyggja eða stress? Hvernig er hægt að breyta eyðslunni í kringum jarðarfarir? Og hvernig er þarmaflóra vina þinna? Allt þetta og corazón í Bíó Tvíó vikunnar!

    1 hr 31 min
  • Fillifjónkan 30. þáttur – Karókí

    Í þrítugasta þætti Fillifjónkunnar, sem er afmælisþáttur tekinn upp á afmælisdegi tæknimannsinns, hringir Lára frá Stokkhólmi í Júlíu sem er stödd á Hvammstanga að passa. kött. Júlía viðrar alveg óumbeðið takmarkaða landafræði sína, Lára grefur upp gamla vinabók og les ljóð eftir Júlíu sem endar á orðunum: „afsakið hugmyndaleysið í ljóðinu.“

    Júlía gefur loforð um að enda öll ljóð héreftir á þessum fleygu orðum.

    Nýtt tarotspil er dregið fyrir þáttinn, en upp úr stokknum kemur mynd af Ragnari Hanssyni Alvarpsstjória í hásæti að horfa ákveðinn á svip á Fillifjónkuna. Spáð er í spilin.

    Niðurstaða þáttarins: Fillifjónkan er alltaf í slopp

    1 hr 19 min

About Alvarpið

From the publisher's feed

Varplendi raddbandanna