Aro monarkiko batean sartzera doa Oroimen Histerikoa podcasta. Datozen bi saioetan monarkiari buruz ondo hitz egingo dugu. Zehazki, monarkiaren kide batzuei buruz: emakumeak. Edo agian, ondo hitz egin esatea gehiegi da; ez dugu ohi bezain gaizki hitz egingo. 

Sandra Diaz biologo argentinarraren ekarpen interesgarriekin hasi gara gaurkoan. Bide horretatik, etorkizunaz, gure zein landareen etorkizunaz, biodibertsitateari buruz eta kontsumokeriak eta ingurumen arazoek hartu duten larritasun mailaz ariko gara. Izan ere, berak ematen dituen datuak beldurtzekoak dira: munduko begetazioaren %40 arriskuan dago. Bake Nobel sariduna da Diaz, eta zientzian gehien axola duten hamar pertsonen artean dago.

Gaurko sendabelarrak bost izango dira, udazkeneko eroriera prestatzeko hautatu ditugunak. Eta zein eta nola erabili, hori izango da gomendioa. Oloa (Avena sativa), elorri zuria (Crataegus oxyacantha), jengibrea (Zingiber officinale), lapa-belarra (Arctium lappa) eta albaka sakratua edo tulsi (Ocimum sanctum) dira bost sendabelarrak eta udazkeneko aldaketak ongi eramaten lagunduko digute. Lapa-belar sustraiak eta olo malutak edo ale osoak erabiltzea da aukera bat; jengibre fresko birrindua irakin eta honi tulsi gehitzea da bigarren aukera; eta jengibre fresko birrindua eta lapa-belar sustraia batera egostea hirugarrena.

Zuzeneko emanaldia egin dugu azaroaren 8an Lurramatik, Kanalduderekin elkarlanean.

Laborantza herrikoiaren besta giroa eta puntako elkarrizketatuak ekarri dizkigute Mattin Jauregik eta Eli Pagolak:

Sor markez Panpi Olaizola (Ezpeletako biperra) eta Ximun Bergougnan (Irulegiko arnoa) Lurramaz Delia Delanne eta Julene Etcheverry Pacheco (Euskal Herriko Laborantza Ganbara) Erreleboaz Kleina Sallaberri laborari gaztea Laborarien lan baldintzez Felipe Maitia (Lagunak elkartea)

Urteurren bat hartuko dugu aitzakia gaurko saioan: 50 urte dira Islandiako emakumeen grebatik, eta honek, herrialdeaz hitz egiteko aukera eman digu. Islandiak, halako uharte txikiak, eta hain gutxi populatuak, munduan nolako eragina daukan aztertuko dugu.

Zer da ezkerra? Zer da eskuina? Zer da feminista? Zer da matxista? Non dago muga? Zein da Stalin?... Ez dira galdera soilak, Asier Arteaga gure gida espiritualak eman dizkigun irizpideak dira, eta guk fin jarraituko dugu gure coach-a. Errabia ematen badizu, zure arazoa da. Guk hautatu dugu gure bidea.

Eta entzule, zuentzat abisu bat dugu: zenbat eta gehiago kexatzen zareten Urnieta eta Legazpirekin sartzen garelako, orduan eta gehiago sartuko gara, oroitarazi egiten diguzue.

Saio amaieran jarri dugun kanta: Parquesvr - 'Bukele o Bukkake'

E! Gogoratu. Telegram kanala ere badugu.

Egin zure ekarpena

Proposamenen bat, kritikaren bat edo irainen bat baduzu guretzat idatzi edo kontaiguzu: 669 36 29 82 zenbakia Telegram edo WhatsApp bidez edo [email protected].

Azken saioan Batis izeneko komandante batez hitz egin zigun Nagore Irazustabarrenak. Enukoa zen Batis, hau da, barrabilak moztu zizkioten nerabetan. Gaiak gehiagorako ematen duela eta, gaur kastrazioaz hitz egingo dugu, eta horrek, Heaven's Gate sektaren historiara ekarriko gaitu. 

Txondor plaza prestatzetik ikatza atera bitarteko pausoak ikusgai ditugu Egonarria saio honetan.

Udalbiltzaren Geuretik sortuak bekari esker, Colladok Txondor plaza antzezlana sortu du Berriatuako egonaldian eta txondorra egin dute aurten. Ikazkintzari buruzko ezagutza bildu dute: "Nafarroan oraindik ere ikatza egiten duten jendea badago".

Lehen aldiz txondorra egiten nola moldatu diren kontatu dute: "Lehen aldiaren ilusioa indartsua izan da, baina ezjakintasunaren nekea ere bai. Eskerrak Goizuetatik, Eltzaburutik eta Oñatitik laguntza ematera etorri zaizkigun".

https://www.argia.eus/multimedia/egonarria/4x01-txondorra-artea-ere-bada-i-joseba-goienola-eta-txetxu-collado

Ingalaterrako lorategiak maite ditugu. The poison garden lorategiari buruz aritu ginen podcasteko hamargarren saioan eta gaur Kew Gardens lorategiari buruz arituko gara. Londresen dago kokatua eta munduan dagoen landare bilduma handiena dago bertan. Hango lorezainen artean dago Carlos Magdalena asturiarra. Bere lanaren berezitasunak aipatu ditugu, nola aditua den desagertutako landareak, batez ere tropikalak, berpizten. Berpizteaz gain jatorrizko ekosistemetan nola txertatzen dituen ere kontatu dugu. Bere lana ezagutarazteko eta omentzako asmoz ekarri dugu, hemen duzue albistea.

Gaurko sendabelarra birika-belarra (Pulmonaria officinalis) izango da, askorentzat oraindik ere ezezaguna den landarea. Urte sasoi honetan arnas-bideetarako sendabelar ezberdinak erabiltzen ditugu, bakarrik edo nahasian. Birika-belarra udazkenean bil dezakegu eta bera hutsik hartzea ere ideia ona da.

Gomendioa birika-belarrarekin egin dugu. Aplikazio asko ditu, baina akaso infusioa eta xarabea izango dira erabilgarrienak. Udazkenean goizean baraurik infusioa hartuz gero, birikak indartuko ditugu, gaitzen aurre zaintza eginez. Sortzetiko gaitza duenak edo arrazoiren batengatik birikak ahulduak dituenak epe luzeagoan hartu behar luke, sei edo zortzi hilabetean jarraian. Infusiotarako zein xarabea egiteko, une hauetan bildu eta etxeko botikinean eduki behar genuke, ez baitakigu nolako negua etorriko zaigun.

Orain dela aste batzuk ARGIAk kaleratu zuen Palestinari buruzko ale berezirako K.a. 232ko Gazako setioari buruz idatzi zuen Nagore Irazustabarrenak. Bertan, Gazako biztanleak aipatu zituen hainbatetan, eta galdera bat buruan zuela geratu omen zen: garai hartan nor ziren gazatarrak? Nondik zetozen? Zein jatorri zuten? Erantzuna luzea da, eta noski, podcast baterako eman digu.

Gaur ere jostari gatoz, eta asmatu nor den nor: gutako batek ligatu egin du, beste bat haurdun geratzen saiatzen dabil, hirugarrena Oñatiko batzokiko talo zalea da, eta Hedoi Etxarterekin laurok liatuko ginatekeen arren, batek gogo berezia du. Entzun eta jakingo dituzue erantzun zuzenak. 

Saio amaieran jarri dugun kanta: Monsieur Lecrêpe x YPSEN - 'Handsome Izzy'

E! Gogoratu. Telegram kanala ere badugu.

Egin zure ekarpena

Proposamenen bat, kritikaren bat edo irainen bat baduzu guretzat idatzi edo kontaiguzu: 669 36 29 82 zenbakia Telegram edo WhatsApp bidez edo [email protected].