En sia patria aveva el gia in num sco cumponist cura ch'el ha pudì festivar success internaziunal cun sia retscha da «Danzones» l'entschatta dals onns 1990. En spezial la Danzón nr. 2 ha procurà per attenziun internaziunala. Ozendi vegn la musica da Márquez preschentada sin l'entir mund da numerus orchesters ed ensembles da chombra sco era da solistas e solists. In da quests solists è il trumbettist Pacho Flores che preschenta en l'emissiun il «Concierto de Otoño», in concert per trumbetta en trais parts.