31 იანვარს ვისაუბრეთ პროპაგანდაზე, როგორც ძალაუფლების შენარჩუნებით დაინტერესებულ აქტორთა ხელში არსებულ მძლავრ ინსტრუმენტზე, რომელიც გადაცემის სტუმრის - სოციოლოგ იაგო კაჭკაჭიშვილის აზრით, "ვერ სჯობნის რეალობას". როდის და რა გარემოებებში ამარცხებს რეალობა პროპაგანდას?

30 იანვარს ვისაუბრეთ 29 იანვარს ევროსაბჭოს საპარლამენტო ასამბლეის სხდომაზე საქართველოს შესახებ მხარდაჭერილ რეზოლუციასა და შემდგომ დინამიკაზე. სტუმარი: ვანო ჩხიკვაძე, სამოქალაქო საზოგადოების ფონდის ევროინტეგრაციის პროგრამის მენეჯერი.

29 იანვარს - მზია ამაღლობელის შიმშილობის მე-18 დღეს ვისაუბრეთ იმ კრიტიკულ ეტაპზე, როცა ნებისმიერ გადაწყვეტილებას სასიცოცხლო მნიშვნელობა აქვს. სტუმრები: ნინო ზაუტაშვილი, "რეალური სივრცის" წამყვანი და თამარ მშვენიერაძე, ჟურნალისტი.

28 იანვარს ვისაუბრეთ "ქართული ოცნების" ხელისუფლების დელეგაციის ვიზიტზე არაბთა გაერთიანებულ საამიროებში და მათ მიერ "უპრეცედენტო" ინვესტიციაზე გავრცელებულ ინფორმაციაზე. ვუძღვებით: ნინო გელაშვილი, რადიო თავისუფლების ჟურნალისტი და გია ჯანდიერი, „ახალი ეკონომიკური სკოლა - საქართველოს“ ვიცეპრეზიდენტი.

27 იანვარს ვისაუბრეთ პატიმრობაში მყოფი ჟურნალისტის - მზია ამაღლობლის შიმშილობის კრიტიკულ ეტაპზე, როცა მისი ჯანმრთელობის მდგომარეობის შესახებ ინფორმაციული ვაკუუმია. გადაცემის ბოლოს კი უსაფრთხოების ექსპერტ ანდრო გოცირიძესთან ერთად ვისაუბრეთ საქართველოდან ფართო მასშტაბით გაჟონილ პირად მონაცემებზე.

მოგითხრობთ უკვდავების მაძიებლებზე და ვისაუბრებთ საპრეზიდენტო არჩევნებზე ბელარუსში.

24 იანვარს ვისაუბრეთ ხელისუფლების მიდგომაზე განათლების სისტემის მიმართ და ირაკლი კობახიძის მიერ გამოცხადებულ "საუნივერსიტეტო რეფორმაზე". სტუმარი: მანანა რატიანი, განათლების ექსპერტი. ვუძღვებით: ნინო გელაშვილი, რადიო თავისუფლების ჟურნალისტი და გოტა ჭანტურია, „განათლების პოლიტიკის ცენტრის“ დირექტორი.

23 იანვარს ვისაუბრეთ აშშ-ის პრეზიდენტის პრიორიტეტებზე, უკრაინის ომის დასრულების პერსპექტივაზე, ევროპის დინამიკასა და საქართველოს საგარეოპოლიტიკურ რესურსზე. სტუმარი: ალექსი (ბუკა) პეტრიაშვილი, რონდელის ფონდის უფროსი მკვლევარი.

22 იანვრის გადაცემის პირველ ნაწილში "მონიტორის" დამფუძნებელ ნინო ზურიაშვილთან ერთად ვისაუბრეთ მზია ამაღლობელის საქმეზე; მეორე ნაწილში კი მედიამკვლევარ ნინო გელაშვილთან ერთად მსმენელს გავაცანით MDF-ის მიერ მედიის ფინანსური გამჭვირვალობის შესახებ გამოკვლევის მიგნებები.

21 იანვარს ვისაუბრეთ დონალდ ტრამპის პრეზიდენტობის დასაწყისში გამოცხადებულ ეკონომიკური ხასიათის განზრახვებსა და გადაწყვეტილებებზე. ვუძღვებით: ნინო გელაშვილი, რადიო თავისუფლების ჟურნალისტი და გია ჯანდიერი, „ახალი ეკონომიკური სკოლა - საქართველოს“ დამფუძნებელი და

ვიცეპრეზიდენტი.