22 ოქტომბერს ვისაუბრეთ საპარლამენტო არჩევნებზე, როგორც ქვეყნის ეკონომიკის პერსპექტივის განმსაზღვრელ არჩევანზე. ვუძღვებით: ნინო გელაშვილი, რადიო თავისუფლების ჟურნალისტი და გია ჯანდიერი, „ახალი ეკონომიკური სკოლა - საქართველოს“ დამფუძნებელი და

ვიცეპრეზიდენტი.

21 ოქტომბერს პირველ ნაწილში ვისაუბრეთ მოლდოვაში ჩატარებული საპრეზიდენტო არჩევნების პირველი ტურისა და რეფერენდუმის წინასწარ შედეგებზე; მეორე ნაწილში კი საქართველოში დაგეგმილი საპარლამენტო არჩევნების წინ არსებულ ვითარებაზე. სტუმარი: თეონა მაჭარაშვილი, "ღია სივრცე კავკასიის" მკვლევარი.

18 ოქტომბერს ვისაუბრეთ მასწავლებლების განათლების სისტემის პარტიული კონტროლის მიმართ დამოკიდებულებასა და მათ გამოცდილებაზე. ამ საკითხებზე ჩატარებული კვლევის შესახებ გვიამბო ილიას სახელმწიფო უნივერსიტეტის ასისტენტ-პროფესორმა მარიამ დალაქიშვილმა.

17 ოქტომბერს გადაცემის პირველ ნაწილში ვისაუბრეთ საქართველოს საპარლამენტო არჩევნების, როგორც "გადამწყვეტი მომენტის" მიმართ პარტნიორების მოლოდინებზე. მეორე ნაწილში, წინასაარჩევნო სერიაში ვუმასპინძლეთ პეტრე ცისკარიშვილს, "ერთიანობა - ნაციონალური მოძრაობის"(N5) გენერალურ მდივანს.

16 ოქტომბერს ვისაუბრეთ დეზინფორმაციის მიმღებლობის განმსაზღვრელ ფაქტორებსა და პოლიტიკურ გზავნილებში ტყუილ-მართლის შერევის ტექნიკაზე. განვიხილეთ კონკრეტული მაგალითებიც. ვუძღვებით: ნინო გელაშვილი, რადიო თავისუფლების ჟურნალისტი და "ფაქტ-მეტრის" რედაქტორები: მარიამ წიწიკაშვილი და მალხაზ რეხვიაშვილი.

15 ოქტომბერს ვისაუბრეთ საქართველოში დაგეგმილი საპარლამენტო არჩევნების მიმართ ქვეყნის შიგნით და მის გარეთ არსებულ მოლოდინებზე. გადაცემის მეორე ნაწილში ვუმასპინძლეთ საარჩევნო სუბიექტის წარმომადგენელს. სტუმარი: ალექსანდრე რაქვიაშვილი, "გირჩი" N36. ვუძღვებით: ნინო გელაშვილი და გია ჯანდიერი.

14 ოქტომბერს ვისაუბრეთ ადგილობრივი და საერთაშორისო დამკვირვებლების მიერ წინასაარჩევნო გარემოს შეფასებაზე. სტუმარი: ნანუკა ყრუაშვილი, საიას დემოკრატიული ინსტიტუტების მხარდაჭერის პროგრამის დირექტორი. ვუძღვებით: ნინო გელაშვილი, რადიო თავისუფლების ჟურნალისტი და ზაზა შენგელია, EPRC-ს უფროსი მკვლევარი.

შემოგთავაზებთ სტატიას თბილისის ისტორიის შესახებ; მოგითხრობთ ახლახან დაღუპულ რუს ოპოზიციონერ აქტივისტ ილდარ დადინზე, რომელიც უკრაინის მხარეს იბრძოდა.