अध्याय ८ - अधिक पशु संचार
- आउनुहोस, एकअर्कासंग कुरा गर्नको लागि अझ धेरै पशु सञ्चारको अन्वेषण गरौं।
पहिलो कुराकानीमा - केही थप प्रश्नहरू सोधौं
तपाई आफ्नो आँखा बन्द गरेर आफ्नो दिमागमा हामीलाई हेर्न सक्नुहुनेछ। केवल “नमस्कार” भन्नुहोस् र हाम्रो प्रतिक्रिया हेर्नुहोस् वा सुन्नुहोस्, टिभीमा हामीलाई हेर्दै हुनुन्छ भनेर सम्झनु होस् ।
यदि तपाई चाहनुहुन्छ भने, आफ्नो आँखा खुला राख्न सक्नुहुनेछ।
र अब, हामीलाई केहि प्रश्नहरू सोध्नुहोस् - तपाई हो / होइन प्रश्नहरूबाट सुरु गर्न सक्नुहुनेछ।
तपाईले हाम्रो खाना र पेय, हाम्रो घर, परिवार, अन्य घरपालुवा जनावरहरू, हामी संगै हिड्ने, हाम्रो बारेमा जान्न चाहनुहुने कुनै पनि कुराको बारेमा सोध्न सक्नुहुनेछ!
तपाईले आफ्ना भावनाहरू पनि प्रयोग गर्न सक्नुहुन्छ र हामीले विभिन्न स्थानहरू- घरमा, पैदल यात्रामा, अन्य व्यक्तिहरू र अन्य जनावरहरूसंग कस्तो महसुस गर्छौं भनेर ध्यान दिन सक्नुहुनेछ।
जब तपाई आफ्नो आँखा फेरि खोल्नुहुन्छ, तपाई यो सबै नबिर्सिकन लेख्न सक्नुहुनेछ।
आउनुहोस, दोस्रो वार्तालापमा - फेरि संगै जाऔं
तपाई फेरि आफ्नो आँखा बन्द गर्न सक्नुहुन्छ र हामीलाई आफ्नो दिमागको आँखा वा आफ्नो हृदयमा हेर्नुहोस। “नमस्कार” भन्नुहोस् र हामी कस्तो प्रतिक्रिया दिन्छौं हेर्नुहोस्। यदि तपाई चाहनुहुन्छ भने, आफ्नो आँखा खुला राख्न सक्नुहुन्छ।
अब तपाई हाम्रो शरीरमा हाम्रो कम्पनसंग सामेल भएर हामी जस्तो भएको महसुस गर्न ठीक छ या छैन भनेर हामीलाई सोध्न सक्नुहुन्छ।
जब तपाई हाम्रो कम्पन "भित्र" जडान गरेर कस्तो लागिरहेको छ भनेर बुझ्नुहोस्:
- हामी जस्तै खुट्टा र हातहरू भएकोमा
- हामी जस्तै हिडेकोमा
-हाम्रो जस्तै आँखाले - के देख्नुभयो?
-हाम्रो जस्तै कानले - के सुन्दै हुनुन्छ?
-हाम्रो स्पर्श र स्वादको भावना प्राप्त गरेर - हामी जस्तै हुन कस्तो महसुस भैरहेको छ?
-र यदि तपाईले हाम्रो वरिपरि ध्यान दिनुभयो भने - यो शरीरमा रहेर वरपरको सबै कुराको अनुभव कसरी गरिरहनु भएको छ ?
तपाई फेरि आफ्नो कम्पनमा फर्केर आफ्नो आँखा खोल्न सक्नुहुन्छ।
तपाईले अनुभव गरेको कुरा यहाँ लेख्न वा कोर्न सक्नुहुन्छ। तपाई हाम्रो जीवनको थप अनुभव गर्न हाम्रो कम्पनमा कुनै पनि समय फर्कन सक्नुहुन्छ।
तेस्रो वार्तालापमा - सबै प्रकारका चीजहरूको बारेमा कुरा गरौं
हामी तपाईसंग धेरै कुराहरूका बारेमा कुरा गर्न चाहन्छौं - जुन तपाईले सोच्नु पनि भएको छैन होला कि हामी जनावरहरूको रुचि यस कुराहरू पनि छ भनेर।
हामी वास्तवमा सबै प्रकारका विषयहरूमा चासो राख्छौं, त्यसैले कृपया हामीसंग तपाईका सबै चिन्ता, चासोका र तपाईलाई अचम्म लाग्ने चीजहरूको बारेमा कुरा गर्न नहिचकिचाउनुहोस्।
हामी विगत वा भविष्यको बारेमा, राजनीति वा विज्ञान, सामाजिक र धार्मिक प्रश्नहरूको बारेमा कुरा गर्न सक्छौं - र हामी तपाईसंग व्यक्तिगत सल्लाह पनि साझा गर्न सक्छौं।
यदि तपाईले आफ्नो आँखा बन्द गर्नुभयो भने, तपाईले हामीलाई आफ्नो दिमागको आँखामा देख्न सक्नुहुन्छ र हामी कुरा गर्न सुरु गर्न सक्छौं।
फेरि पनि , तपाई “नमस्कार” बाट सुरु गर्न सक्नुहुन्छ र हामी संगै हुँदा तपाईले के देख्नुहुन्छ भनेर ध्यान दिन सक्नुहुन्छ।
त्यसपछि तपाईको रुचिको बारेमा प्रश्न सोध्न सुरु गर्न सक्नुहुन्छ। हामी हाम्रो वार्तालापको लागि तत्पर छौं। यहाँ तपाईले देखेको र सुनेको कुरा लेख्न सक्नुहुन्छ।
चौथो वार्तालापमा - संगै कुनै काम गरौं
हामी तपाईका परियोजनाहरूमा पनि सहयोग गर्न चाहन्छौं।
हामी केवल एक मिलनसार साथी मात्र होइनौं -
हामी तपाईको साझेदार, तपाईको सहयोगी र काम को सह-सिर्जनाकर्ता हुन चाहन्छौं।
यो कसरी सम्भव छ ?
तपाई पशु सञ्चारको उपकरण प्रयोग गरेर तपाईको कामको कुनै पनि पक्षको बारेमा हामीसंग कुरा गर्न सक्नुहुन्छ।
हामीसंग धेरै ज्ञान छ र तपाईसंग साझा गर्न चाहन्छौं। हामी विशेष गरी तपाईसंग समस्याहरू समाधान गर्न मन पराउँछौं।
हुनसक्छ तपाईलाई रचनात्मक विचारहरू चाहिन सक्ला, वा सायद तपाईलाई थाहा छैन कसरी आफ्नो काम र गृह जीवनलाई कसरि सन्तुलन गर्ने।
तपाईलाई मनपर्ने कुनै पनि कुराको बारेमा हामीलाई सोध्नुहोस्, र हामीले सँगै काम गर्दा तपाईको काम धेरै सजिलो र रमाइलो भएको पाउनुहुनेछ।
केवल हाम्रो नाम भन्नुहोस्, प्रश्न सोध्नुहोस् र आफ्नो भित्र सुन्नुहोस्।
तपाईले तस्विर, शब्द, पूरै वाक्य वा गीत वा चलचित्रको सन्दर्भ पाउन सक्नुहुन्छ।
तपाईले जे सुन्नुहुन्छ त्यहिनै तपाईको उत्तर हो।
हामीलाई थाहा छ कि तपाईले आफ्नो टोलीको सदस्यको रूपमा हामीसंग काम सुरु गरेपछि तपाईले यो प्रक्रिया मन पराउनुहुनेछ - र तपाईले याद गर्नुहुनेछ:
तपाई कहिल्यै एक्लो हुनुहुन्न भनेर !
टोलीको रूपमा काम गर्ने परियोजनाहरूको बारेमा नोटहरू यहाँ टिप्नु होस् :