Emil Alig, in musicist grischun en la Bassa.  L'Artg musical sa regorda d'Emil Alig, il cumponist da Sursaissa che ha vivì a Zug. Emil Alig ch'era musicist, pedagog da musica, expert, dirigent e cumponist, è mort ils 23 da mars 2009 en la vegliadetgna dad 84 onns.

Il docter Emil, co el vegniva era numnà, ha cumponì circa 30 chanzuns rumantschas e bleras en tudestg e latin, sis messas, chanzuns da solo e cantatas. El è stà magister da musica al seminari scolastic a Zug, commember da la cumissiun d'experts da l'Uniun svizra da chant e fundatur dal chor da dirigents dal chantun da Turitg Pro Cantu. El ha era dirigì chors e musicas a Sursaissa, Glion, Zug e Cham.

redacziun: Giusep G. Decurtins