«በሴቶች ላይ የሚደርሰዉን ጥቃት አይቶ፤ ሕግ ይከበርላቸዉ፤ መንግሥት ተገቢዉን ትኩረት ይስጣቸዉ ብዬ አንድ ሺ ጊዜ ስናገረዉ የነበሩትን ነገሮች መድገም አልፈልግም። የሚያዋጣዉ ራስዋን ያበቃች ሴት የሚፈጥሩ ተምረናል የሚሉ፤  ሰብዓዊነት ግድ ይለናል የሚሉ፤ ፖለቲከኛ ነን የሚሉ፤ በጋራ ብቁ ሴትን የመፍጠር፤ አቅም ቢኖራቸዉ ጥሩ ነዉ።»

«ይሄ በመላዉ ዓለም የሚገኙ ኢትዮጵያዉያንን ያሳሰበ ጉዳይ ነዉ። ቅርስ ማለት ዉርስ ነዉ። ታሪክ ነዉ።  የማነነት መገለጫ ነዉ። የአንድ ሃገር ቅርስ ሲዘረፍ ፤ ማንነትን ለማሳጣት የተካሄደ ድርጊት ነዉ። ይህ የቅርስ ዘረፋ የጦሩነቱ አንድ አካል ሆኖ መታየት አለበት። »

«ኢትዮጵያዉያን በአሁኑ ወቅት ብዙ ችግሮች አሉብን። ይሁንና የጋራ ራዕይ እንዲኖረን ብንጥር ጥሩ ነዉ።  የነበሩንን ሁሉን ነገሮች አጥፍተን ብሔርተኝነት ላይ ብቻ በማተኮር ነጋችንን ማጥፋት የለብንም። የሚያራርቁንን ነገሮች ገታ እያደረግን የጋራ ራዕይ መፍጠር አለብን። መጓተቱን ቀንስ አድርገን ካለንበት ቀፎ ወጣ ብለን መመልከት መቻል አለብን።»