Baliwag Bible Christian Church [sermons]

May ilang mga pagkakataon sa relasyon ng mag-asawa na talagang nasusubok ang commitment sa isa’t isa. walang perfect marriage. Ang kumpiyansa dapat ng bawat kristiyano ay sa Diyos sa pagpreserve ng relasyon, wala sayo, wala sa asawa mo, kundi nasa Diyos. Kaya mas kumapit pa tayo sa Diyos at humingi ng tulong sa kanya para panatilihing kapit-kamay ang mga mag-asawa, lalo na ang mga nasa bingit ng paghihiwalay o nagkahiwalay na, sapagkat walang imposible sa Diyos.

Ang usaping pamilya patungkol sa pag-aasawa ay isang bagay na dapat maunawaan nating mabuti dahil sa kagandahan at hiwaga ng disenyo ng Diyos sa pag-aasawa, kung paano ito sumasalamin sa Diyos na meron tayo, kung paano nito sinasalamin ang mabuting balita ni Cristo at kung paanong ang gospel ay bumabago at dapat na bumago sa relasyon natin sa pamilya. Let us bring the gospel home.

Makinig ka at maniwala ka sa pahayag ng Diyos, itabi mo ang lahat ng kabigatan at kasalanang bumibitag sayo, remember that you are forgiven, tumakbo ka at magtiis knowing  that Jesus is for you, and with your local church remind each other na sapat si Cristo. Patuloy nating pagmasdan si Jesus for His infinite glory and for our eternal good.

Ang Diyos ang lumikha sa atin, nag-imbita at tumawag sa atin para lumapit sa kanya. Siya rin ang bumaba at nagligtas sa atin, para ilapit ang sarili niya sa atin. Patuloy din tayong binabago ng Espiritu for God himself. Ang Diyos ang punto ng lahat. Siya ang ending ng kuwento ng buhay natin.
He is our highest good, our greatest joy, our everlasting treasure. 

Sino ang dapat mong pakinggan kung saan ka pupunta o kung paano tayo dapat mamuhay? Kung ano dapat ang misyon at ambisyon mo sa buhay? Hindi ikaw siyempre. Kundi si Cristo. Ang makita natin siya nang mukhaan ang pinaka-destinasyon na patutunguhan nating lahat na nakay Cristo. Si Cristo ang pinakapunto ng lahat ng paglilingkod at pagpapagal na ginagawa natin. Christ alone—hindi ang mga idols sa puso natin—is worthy of our exclusive service and devotion.

Dito sa Hebrews chapter 1 nakita natin yung assurance sa ginawa ng Panginoong Hesus at pinatibay nito ang katagaumpayan kanyang sakripisyo, ang kanyang pagkamatay para sa ikapag-papatawad ng ating mga kasalanan at yung pagiging Diyos ni Cristo na may kakayahan at authority na gawin lahat ng iyon, dahil Siya ay higit sa lahat, at higit maging sa mga anghel.

God knows all things, God is everywhere at all time, and God is supremely powerful. Sama-sama natin itong pagbulayan sa ating puso, pagtiwalaan ang mga katotohanang ito at patuloy nawang maitanghal ang Diyos sa ating buhay bilang mga taong tinubos ni Cristo not individually but as a church.

Si Cristo ay higit sa lahat. Sobrang laking katotohanan nito, na ang ating Panginoong Jesu-Cristo ang katuparan ng lumang tipan. Si Cristo ang anak ng Diyos ay dakila sa lahat, ang kapahayagan ng kapangyarihan at kaluwalhatian ng Diyos.

Remember the two greatest commandments, love God and love your neighbor. ‘Yan ang summary ng mga utos ng Diyos. Hindi natin pwedeng paghiwalayin ang relasyon natin sa Diyos sa relasyon sa ibang tao na nilikha rin sa larawan ng Diyos. Hindi natin pwedeng paghiwalayin ang ginagawa natin kapag Linggo sa ginagawa natin mula Lunes hanggang Sabado. Ang mga utos ng Diyos na nakapaloob dito ay may kinalaman sa bawat bahagi ng buhay natin. Siya ang Diyos at Hari ng bawat bahagi ng buhay natin.

Mahalaga ang Old Testament law para sa ating mga Christians ngayon, hindi by way of direct application. Siyempre hindi ganun. Kundi dapat makita natin na ito ay tungkol unang-una sa relasyon ng Diyos sa kanyang redeemed people, kung ano ang gusto niyang gawin nila in response sa pagliligtas na ginawa sa kanila ng Diyos, kung paano sila mamumuhay para sila’y maging “kingdom of priests” at “holy nation” (Ex. 19:5-6).