Fjölþættar og persónulegar deilur hafa verið innan Háskólans á Bifröst síðastliðið ár á milli stjórnenda og hluta kennaraliðsins. Hluti kennaraliðsins hefur sakað Margréti Jónsdóttur Njarðvík rektor um ógnarstjórn.

Þessar deilur leiddu til þess að Margrét Jónsdóttir sagði frá því í beinni útsendingu í Kastljósi í gær að hún hefði sagt starfi sínu lausu með erindi til stjórnar skólans fyrr um daginn.

En um hvað snúast þessar deilur annað en stjórnunarhætti Margrétar?

Deilurnar hafa meðal annars snúist um verktakagreiðslur sem hluti kennara við skólann hefur fengið frá skólanum um árabil ofan á föst laun sín. Dæmi eru um einstaka kennarar hafi drýgt árstekjur sínar um meira en 10 milljónir króna með þessum hætti.

Í fyrra ákvað framkvæmdastjórn skólans að banna kennurum að stunda slíka verktakavinnu við skólann.

Þetta bann og kjaraskerðing hleypti illu blóði í hluta kennaraliðsins.

Umsjón: Ingi Freyr Vilhjálmsson