អ្នក​ធ្វើ​ការងារ​ផ្នែក​ប្រព័ន្ធ​ផ្សព្វផ្សាយ​ចង់​ឃើញ​ក្រសួង​ព័ត៌មាន​អប់រំ​ណែនាំ ​និង​ពង្រឹង​សមត្ថភាព អ្នកសារព័ត៌មាន​ជាជាង​ដើរ​តួ​ជា​អ្នក​ប្ដឹង​អ្នក​កាសែត និង​ស្ថាប័ន​ព័ត៌មាន​។

អ្នកជំនាញ​កិច្ចការ​អន្តរជាតិ លើកឡើង​ថា ការប្រកាស​ជាថ្មី​របស់​កម្ពុជា​គាំទ្រ​ការលើកកម្ពស់​ចិន​ឱ្យ​ក្លាយទៅជា​ដៃគូ​យុទ្ធសាស្ត្រ​គ្រប់ជ្រុងជ្រោយ​ជាមួយ​តំបន់​អាស៊ាន នឹង​ធ្វើ​ឱ្យ​ក្រុមប្រទេស​លោក​សេរី បន្ត​រិះគន់​កម្ពុជា​រឿង​លម្អៀង​ទៅរកចិន​កាន់តែខ្លាំង ស្របពេល​ដែល​កម្ពុជា​កំពុង​ត្រៀមខ្លួន​ធ្វើ​ជា​ប្រធាន​ប្តូរវេន​របស់​អាស៊ាន​នៅ​ឆ្នាំ២០២២ ខាងមុខនេះ។

ពលករ​ខ្មែរ​​ជា​ច្រើន​នាក់​ធ្វើ​ការ​នៅ​ប្រទេស​ថៃ​​ដង្ហោយ​ហៅ​រដ្ឋាភិបាល​ខ្មែរ​ឱ្យ​ជួយ​​បញ្ជូន​ពួកគេ​ត្រឡប់​ទៅ​កម្ពុជា​វិញ​ ​ដោយសារ​ការ​រាតត្បាត​ជំងឺ​កូវីដ​១៩​ផ្ទុះ​ឡើង​ខ្លាំង​នៅ​ក្នុង​ប្រទេស​ថៃ។ ​ជា​មួយ​គ្នា​នេះ ​មាន​ពលករ​មួយ​ចំនួន​​​បាន​ជាប់​គាំង​នៅ​តំបន់​ព្រំដែន​កម្ពុជា​និង​ថៃ​ អស់​ជា​ច្រើន​ថ្ងៃ​មក​ហើយ​ ដោយ​សារ​អាជ្ញាធរ​ខ្មែរ​​ហាមឃាត់​មិន​ឱ្យ​ពួកគាត់​ចូល​ប្រទេស​​អំឡុង​ពេល​នេះ​។

គណបក្ស​ថ្មីៗ​មួយ​ចំនួន​ ដែល​បង្កើត​ឡើង​ដោយ​ក្រុម​អតីត​មន្ត្រី​គណបក្ស​សង្គ្រោះ​ជាតិ​នោះ​ កំពុង​ស្វះស្វែង​បំពេញ​តាម​លក្ខខណ្ឌរបស់​ក្រសួង​មហាផ្ទៃ ដើម្បី​ក្លាយ​ជា​គណបក្ស​នយោបាយ​ស្រប​ច្បាប់។

ពលរដ្ឋ​មាន​ជម្លោះ​ដីធ្លី​ជាមួយ​ក្រុមហ៊ុន​ អូ.ស៊ី.អាយ.ស៊ី (OCIC) នៅ​ស្រុក​កណ្ដាល​ស្ទឹង អះអាង​ថា អាជ្ញាធរ​ចាប់​បង្ខំ​មនុស្ស​៤​នាក់ ​ឲ្យ​ទៅ​ធ្វើ​ចត្តាឡីស័ក​រយៈពេល​១៤​ថ្ងៃ ដោយ​មិន​បាន​បង្ហាញលទ្ធផល​សំណាក​រក​វីរុស​កូវីដ​ឲ្យ​ឃើញ​​ជា​មុន​នោះ​ទេ។ ក្រុម​គ្រួសារ​ស្នើ​សុំ​អាជ្ញាធរ​ដោះលែង​ពួកគាត់​ឲ្យ​មក​ជួប​ជុំ​គ្រួសារ​វិញ បើ​ក្រុម​គ្រូពេទ្យ​រក​មិន​ឃើញ​មាន​ផ្ទុក​វីរុស​កូវីដ១៩។

ក្រុម​គ្រួសារ ​និង​មេធាវីការ​ពារ​ក្តី ​រំពឹងថា ​សា​លា​ឧទ្ធរណ៍​ព្រះសីហនុ​ នឹង​ច្រាន​ចោល​សេចក្តី​សម្រេច​របស់​សាលា​ដំបូងខេត្ត​កំពត ​ដែល​ផ្តន្ទា​ទោស​អ្នកស្រី ​ប៉ែន មុំ​ ឲ្យ​ជាប់​ពន្ធនាគារ​៥ឆ្នាំ ​ពី​បទ’’​រួមគំនិតក្បត់’’​ទាំង​អយុត្តិ​ធម៌​។ ការ​រំពឹងទុក​បែបនេះ ​គឺបន្ទាប់ពី​សាលា​ឧទ្ធរណ៍​ព្រះសីហនុ បើក​សវនាការ​លើបណ្តឹង​ឧទ្ធរណ៍​របស់​សកម្មជន​បក្ស​ប្រឆាំង​រូបនេះ ​កាលពី​ថ្ងៃទី៤ ខែសី​ហា ​ហើយ​គ្រោង​ប្រកាស​សាលដីកា ​នៅថ្ងៃទី​១៩ ​ខែសីហា ​ខាងមុខ។

អាជ្ញាធរ​ស្រុក​ស្វាយជ្រំ​ ផាក​ពិន័យ​តំណាង​ពលរដ្ឋ​២នាក់​ ដោយ​បង្គាប់​ឲ្យ​បង់​ប្រាក់​ម្នាក់​២​លាន​រៀល (២.០០០.០០០)​ ករណី​ប្រមូល​ផ្ដុំ​ពលរដ្ឋ​លើក​បដា​តវ៉ា​រក​ដំណោះស្រាយ​ដី​ធ្លី នៅ​ទីតាំង​មាន​ជម្លោះ។

អ្នកសារព័ត៌មាន​លើក​ឡើង​ថា​ គណៈកម្មការ​ដែល​បង្កើត​ដោយ​ក្រសួង​ព័ត៌មាន​ជា​ការ​ដាក់​បន្ទុក​បន្ថែម លើ​អ្នក​សារព័ត៌មាន​ឯករាជ្យ។ ការ​ព្រួយ​បារម្ភថា​ ក្រោយ​ពេល​ក្រសួង​ព័ត៌មាន​បង្កើត​គណៈកម្មការ​សរសើ និង​ដាក់​វិន័យ​អ្នក​សារព័ត៌មាន។

ប្រជាសហគមន៍ ​និង​ក្រុម​យុវជន​ខកចិត្ត​ចំពោះ​ទង្វើ​របស់​ អាជ្ញាធរ​ខេត្តក្រចេះ​ដែល​ព្រងើយ​កន្តើយ មិន​ដោះស្រាយ ​សកម្មភាព​កាប់​ទន្ទ្រាន​ព្រៃ​សហគមន៍​ភ្នំសេះ​អស់​ជិត​ ២ ​ពាន់​ហិកតារ។

សកម្មភាព​កាប់​បំផ្លាញ​ដើមឈើ​ផលិត​ជ័រទឹក ​ដើម្បី​អារ​ច្រៀក​ធ្វើ​អាជីវកម្ម​ ឋិត​ក្នុង​ដែន​ជម្រក​សត្វព្រៃ​ព្រះ​រកា ​បាន​បំផ្លាញ​ប្រភព​ចំណូល​សេដ្ឋកិច្ច​យ៉ាង​សំខាន់​របស់​ប្រជា​សហគមន៍ ​ជន​ជាតិ​ដើម​ភាគ​តិច​កួយ​ជាច្រើន​គ្រួសារ ​ក្នុង​ឃុំ​ប្រមេរ​ របស់​ខេត្ត​ព្រះវិហារ​។ ​ការ​លើក​ឡើង​នេះ ​ក្រោយ​ពី​យុវជន​មួយ​ក្រុម ​បាន​ចុះ​ស្រាវជ្រាវ​ និង​ប្រមូល​ពត៌​មាន ​ពី​ជីវភាព​រស់​នៅ​របស់​ជន​ជាតិ​ដើម​កួយ ​ដែល​អាស្រ័យ​ផល​ព្រៃឈើ​ កាល​ពី​សប្តាហ៍​មុន​។