ក្រុម​​ប្រឹក្សា​ឃុំ-សង្កាត់​របស់​បក្ស​ប្រឆាំង បារម្ភ​បាត់​បង់​សិទ្ធិ​ឈរ​ឈ្មោះបោះ​ឆ្នោត​ខាង​មុខ​ដោយ​សារ​សាល​ក្រម​ផ្តន្ទា​ទោស​ទាំង​អយុត្តិ​ធម៌​របស់តុលាការ​របប​លោក ហ៊ុន សែន ។ ពួក​គាត់ បន្ត​ថា អ្វី​ដែល​​គួរ​ឱ្យ​​​សោក​ស្តាយ​បំផុត​​នោះ គឺ​ការ​​បាត់​​បង់​​ឱកាស​​បញ្ចេញ​​សមត្ថ​ភាព និង​​ចូល​រួម​​ជួយ​​អភិវឌ្ឍ​សង្គម។ សង្គម​​ស៊ីវិល​​ជំរុញ​ឱ្យ​​រដ្ឋា​ភិបាល ផ្តល់​​​សិទ្ធិ​នយោ​បាយ​ដល់​អ្នកនយោ​បាយ​បក្ស​ប្រឆាំង​ឡើង​វិញ ដើម្បី​ផ្តល់​ឱកាស​ដល់​ពួក​គាត់ ចូល​រួម​បោះ​ឆ្នោតដោយ​សេរី​ត្រឹម​ត្រូវ និង​យុត្តិ​ធម៌​ខាង​មុខ​នេះ។

ពលរដ្ឋ​ និង​ពលករ​​មួយ​ចំនួន​ ស្នើសុំ​​ឲ្យ​រដ្ឋាភិបាល និង​កាកបាទ​ក្រហម​កម្ពុជា​​​ឧបត្ថម្ភ​ឲ្យ​ពលរដ្ឋ​ខ្លួន​ឯង​​ឲ្យ​ប្រសើរ​សិន ​​មុន​នឹង​​​យក​ថវិកា​​ជាតិ​ទៅ​ជួយ​ប្រទេស​វៀតណាម​​​​​។ ការ​ស្នើសុំ​នេះ​​ក្រោយ​ពេល​​​​​​​រដ្ឋាភិបាល​​ផ្ដល់​លុយ និង​​​បរិក្ខារ​​ពេទ្យ​​ជា​ច្រើន​ជូន​រដ្ឋាភិបាល​​​វៀតណាម ដើម្បី​ទប់​ស្កាត់​កូវីដ​១៩ (Covid-19)។

សាច់​ញាតិ​​អ្នក​​ជាប់​​ឃុំ​​នៅ​​ពន្ធនា​គារ​​ខេត្ត​សៀម​រាប បារម្ភ​​ពី​​ការ​​ឆ្លង​​រីករាល​ដាល​​ជំងឺ​​កូវីដ១៩ ខណៈ​​អាជ្ញាធរ​​រក​​ឃើញ​ជា​បន្ត​បន្ទាប់​ចំនួន​អ្នក​ឆ្លង​​ជំងឺ​នេះ​​ក្នុង​​ពន្ធនា​គារ។ មន្រ្តីសង្គម​ស៊ីវិល​យល់​ថា​មន្រ្តី​ពន្ធនា​គារ​គួរ​យកចិត្ត​ទុក​ដាក់​ពី​សុខ​ភាព​អ្នកជាប់​អំឡុង​ពេល​ផ្ទុះ​រាល​​ដាល​ជំងឺកូវីដ-១៩ ចំណែកតុលា​ការ​និង​​ស្ថាប័ន​​ពាក់​​ព័ន្ធ​​គួរ​ពន្លឿន​នីតិ​វិធី​​ដោះ​​​លែង​អ្នក​ជា​​​​​ជាប់​ឃុំ​ទោសស្រាលៗ​និង​អ្នក​ជាប់​ឃុំ​ជា​បណ្ដោះ​អាសន្ន។

សង្គម​ស៊ីវិល ​និង​អ្នក​ច្បាប់ ​ស្វាគមន៍​​ចំពោះ​គម្រោង​​​ដោះលែង​ទណ្ឌិត​ដោយ​មាន​​ភ្ជាប់​លក្ខខណ្ឌ​​។​ ប៉ុន្តែ​ពួកគាត់​​ជំរុញ​ឲ្យ​ការ​ដោះលែង​នោះ អនុវត្ត​ស្មើភាព​​​​គ្នា និងគ្មាន​អំពើ​ពុក​រលួយ ដើម្បី​​​ជៀសវាង​ការ​បង្ក​​ហានិភ័យ​​នៅ​ក្នុង​សង្គម។

អតីត​ប្រធាន​អង្គការ​សិទ្ធិ​មនុស្ស​មួយ​រូប បាន ចំណាយ​ពេល​​៣០​ឆ្នាំ ប្រឹងប្រែង​លើក​ស្ទួយ​វិស័យ​សិទ្ធិ​មនុស្ស​នៅ​កម្ពុជា។ លោក​ឲ្យ​ដឹង​ថា លោក​បាន​ឆ្លង​កាត់​នូវ​បទពិសោធន៍ និង​បញ្ហា​ប្រឈម និង​ការ​ធ្វើទុក្ខបុកម្នេញ​នានា​ជា​ច្រើន ក្នុង​ការងារ​នេះ​ដោយ​មិន​ចុះចាញ់​ទេ។ លោក​ជំរុញ​ឲ្យ​ពលរដ្ឋ​គ្រប់រូប​បន្ត​ដំណើរ​រួម​គ្នា​លើ​ផ្លូវ​លើក​ស្ទួយ​សិទ្ធិ​មនុស្ស​នេះ ដើម្បី​ជំរុញ​ឲ្យ​កម្ពុជា​ឆ្ពោះ​ទៅ​រក​លទ្ធិប្រជាធិបតេយ្យ និង​ការ​គោរព​សិទ្ធិ​មនុស្ស។

អង្គការ​ការពារ​សិទ្ធិ​ជន​ជាតិ​ភាគ​តិច​ឱ្យ​ដឹង​ថា​ ជន​ជាតិ​វៀតណាម​បាន​បណ្តែត​ផ្ទះ​ទឹក​ខ្នាត​ធំ​ដែល​មាន​បែ​​ចិញ្ចឹមត្រី​ផ្អឹប​ជាប់​ខាង​ក្រោម​ប្រមាណ ​១​រយ​ខ្នង​ ចេញ​ពី​តំបន់​ទន្លេសាប​ ក្នុង​ខេត្ត​កំពង់​ឆ្នាំង​ ឆ្ពោះ​ទៅ​ កាន់​ប្រទេស​វៀតណាម​ជា​បន្ត​បន្ទាប់​រយៈ​ពេល​ ៤​សប្តាហ៍​មក​ហើយ​ ប៉ុន្តែ​អាជ្ញាធរ​វៀតណាម​ មិន​អនុញ្ញាត​ឱ្យ​ចូល​ប្រទេស​វៀតណាម​វិញ​ទេ ។​ ពលរដ្ឋ​វៀតណាម​ឱ្យ​ដឹង​ថា​ អាជ្ញាធរ​វៀតណាម​បាន​ប្រាប់​ពួក​គាត់​ថា​ រដ្ឋាភិបាល​វៀតណាម​ជំរុញ​ឱ្យ​អ្នក​រស់​នៅ​លើ​ជម្រក​បណ្តែត​ទឹក​ទាំង​អស់​ ត្រូវ​វិល​ត្រឡប់​ទៅ​រស់​នៅ​លើ​ផ្ទៃ​ទន្លេសាប​វិញ។​

ចៅក្រម​ស៊ើបសួរតុលាការក្រុងភ្នំពេញ ​សាកសួរ​សកម្មជនបក្ស​ប្រឆាំងពីរ​រូប​ដែល​កំពុងជាប់ឃុំ ​នៅថ្ងៃទី១៥​ ខែកក្កដា ​ជុំវិញ​សំណុំរឿង​រួមគំនិតក្បត់។មេធាវីការ​ពារក្តី​ និង​គ្រួសារ​ ស្នើសុំឲ្យ​តុលាការ​ ​ពិចារណា​ដោះលែង​សកម្មជន​ទាំង​ពីររូប​ឲ្យមាន​សេរី​ភាព​វិញ ​ព្រោះ​ពួកគាត់ ​គ្រាន់តែ​អនុវត្ត​សិទ្ធិ​នយោបាយ​ស្រប​តាមច្បាប់ ​ដើម្បី​ការពារ​ផល​ប្រយោជន៍​សង្គមជាតិ​ ដូច្នេះ​គ្មាន​គំនិត​ក្បត់ជាតិ​នោះទេ។

ពលករ​ខ្មែរ​​​មួយ​គ្រួសារ​​​ដែល​ឆ្លង​ជំងឺ​កូវីដ​១៩​នៅ​ប្រទេស​ថៃ​​ ​កំពុង​រស់​នៅ​បែក​បាក់​ពី​ប្រពន្ធ​កូន​​យ៉ាង​លំបាក​​ អំឡុង​ពេល​រដ្ឋាភិបាល​ថៃ​​បិទ​ខ្ទប់​ទី​ក្រុង​បាងកក​។​ ពលរដ្ឋ​ខ្មែរ​មួយ​គ្រួសារ​នេះ​​​មាន​ជីវភាព​ខ្វះខាត​​​ក្រោយ​​ពី​ពួកគេ​បាន​ឆ្លង​ជំងឺ​កូវីដ​១៩​​​អស់​​រយៈ​ពេល​ជិត​២​ខែ​មក​នេះ​។​​ពួកគាត់​ត្រូវ​បាន​ថៅកែ​ថៃ​បង្ខាំង​នៅ​​ក្នុង​បន្ទប់​តូច​មួយ​ដាច់​ដោយឡែក​ពី​គ្នា​នៅ​ទីក្រុង​បាងកក ដោយ​ផ្ដល់​ស្បៀង​អាហារ​បន្តិចបន្តួច​​ប៉ុណ្ណោះ។

មន្ដ្រីសហជីព ស្វាគមន៍គំរោងបើកសាខា ក្រុមហ៊ុកលក់សម្លៀកបំពាក់ម៉ាក អេច.អែន.អែម (H&M)នៅកម្ពុជានៅពេលខាងមុខនេះ។ ទោះបីយ៉ាងណា អ្នកធ្វើការផ្នែកសិទ្ធិការងារ ​ ជំរុញទៅក្រុមហ៊ុននេះចូលរួមការគោរពសិទ្ធិសហជីព និងសិទ្ធិកម្មករជាជាងគិតតែពីប្រាក់ចំណេញ។

ជនជាតិដើមភាកតិចព្នង ជិត ១រយគ្រួសារបានចេញសេចក្តីថ្លែងការណ៍រួមមួយ មិនខុសចិត្តចំពោះ សេចក្តីសម្រេចរបស់ ចៅក្រមនៃតុលាការ ទីក្រុង​ណង់ទែរ (The Tribunal of Nanterre) ប្រទេស​បារាំង បានសម្រេចឱ្យ ពួកគាត់ចាញ់ក្តី ក្នុងសំណុំរឿង ជម្លោះដីធ្លី។ កាលពីឆ្នាំ ២០១៥ ប្រជាសហគមន៍ប្តឹង ក្រុមហ៊ុន បូឡូរ៉េ (BOLLORE) ដែលមានស្នាក់ការនៅប្រទេសបារាំង ពាក់ព័ន្ធនឹងករណីបំផ្លាញ​ធនធាន​ធម្មជាតិ រំលោភ​ដីធ្លី និង​ ​មានពលរដ្ឋជាង ១០នាក់ បានក្លាយជាជនរងគ្រោះ ជាប់បណ្តឹងនៅតុលាការ នៅ