ពលរដ្ឋ​ជិត ​១ពាន់​គ្រួសារ ​នៅ​ខេត្តបន្ទាយ​មានជ័យ ​កំពុង​ស្វែង​រកការ​ជ្រួយ​ជ្រោមជ្រែង​ពី​រដ្ឋាភិបាល ​និង​ស្ថាប័នពាក់ព័ន្ធ ​ករណី​មេឃុំ​ភ្នំលៀប ​លោក អែម ណុយ ​បាន​ឈូសឆាយ​ដី​ព្រៃ​លិច​ទឹក​អស់​ជាង ​១រយ​ហិកតារ ​(១២០) ​ដើម្បី​ លក់​ឱ្យ​ឈ្មួញ​ដោយ​ខុសច្បាប់។​ ចំណែក​មេឃុំ​ភ្នំលៀប ​បដិសេធការ​ចោទ​ប្រកាន់​នេះ។​

អាជ្ញាធរ​វៀតណាម​​នៅ​តែ​បន្ត​​បិទ​ព្រំដែន​ទឹក​ និង​រារាំង​មិន​ឲ្យ​ចល័ត​​​បែ​ចិញ្ចឹម​ត្រី និង​ផ្ទះ​បណ្ដែត​ទឹក​​ឆ្លង​​​ចូល​​ប្រទេស​វៀតណាមដដែល។ ​​សង្គម​ស៊ីវិល​ជំរុញ​ឲ្យ​រដ្ឋាភិបាល​ចរចា​ជាមួយ​វៀតណាម​​​​ឲ្យ​ទទួល​យក​ជនជាតិ​ខ្លួន​ត្រឡប់ទៅ​ប្រទេស​​របស់​ពួកគេ​វិញ​។

ប្រពល​រដ្ឋ​រិះ​គន់​រដ្ឋា​ភិបាល​ជុំវិញ​តម្លៃ​សេ​វា​ធ្វើ​តេស្ត​រហ័ស​រក​មេ​រោគ​ជំងឺកូវីដ-១៩ (Covid-19 Rapid Antigen Test) នៅ​តាម​មន្ទីរ​ពេទ្យ​រដ្ឋ​និង​ឯក​ជនដែល​កំពុង​គំរាម​កំហែង​ដល់​ជីវ​ភាព​ពល​រដ្ឋ ក្នុង​ពេល​វិបត្តិ​ជំងឺ​កូវីដ​១៩​បន្ត​អូស​បន្លាយ។ ការ​លើក​ឡើង​នេះ គឺ​​បន្ទាប់​ពី​មន្ទីរ​ពេទ្យ​រដ្ឋ​មួយ​​ចំនួន​កំណត់​តម្លៃ​សេវា​តេស្ត​រហ័ស​ថ្លៃ​ហួស​ពី​តម្លៃ​ដើម។

សកម្មជន​បក្ស​ប្រឆាំងម្នាក់​​នៅ​ខេត្ត​កំពង់ធំ គឺលោក ស៊ុន ប៊ុនថុន បាន​ធ្លាក់​ខ្លួន​ឈឺ​​រ៉ាំរ៉ៃ​​រហូត​ដល់​ស្លាប់​​ ក្រោយ​​​ពេល​ជាប់​ពន្ធនាគារ​កាល​ពី​ឆ្នាំ​២០១៩​​។​ សាច់​ញាតិ​សោក​ស្ដាយ​​ចំពោះ​ការ​ឃុំ​ខ្លួន​លោកកន្លង​មក ដែល​ជាដើម​ហេតុ​ធ្វើ​ឱ្យ​គាត់​ធ្លាក់​ខ្លួន​ឈឺរហូតមក​​។​ តែ​អាជ្ញាធរ​អះអាង​ថា​ការ​ស្លាប់នេះ គឺ​ដោយសារ​បញ្ហា​សុខ​ភាព​ផ្ទាល់​ខ្លួន ​មិន​ពាក់ព័ន្ធ​នឹង​​ស្ថានភាព​ការ​ឃុំ​ខ្លួន​កន្លង​មក​​​នោះទេ។

នេះគឺជាព័ត៌មានទូទៅរបស់អាស៊ីសេរី ដែលផ្ដោតទៅលើនយោបាយ សិទ្ធិមនុស្ស សង្គម បញ្ហាដីធ្លី បរិស្ថាន សុខភាព ប្រវិត្ដិសាស្ដ្រ ច្បាប់ និងព័ត៌មានមួយចំនួនទៀត។

ក្រុមយុវជន ​និង​ប្រជាសហគមន៍​ដែល​អាស្រ័យផល​ពី​ព្រៃឈើ​ជិត​២រយនាក់​ (២០០) បង្ហោះសារ​អំពី​គុណ​ប្រយោជន៍​នៃ​ព្រៃឈើ ​និង​អំពាវនាវ​ឱ្យ​សាធារណជន​ចូល​រួម​ការពារ​ព្រៃឈើ​ទាំងអស់គ្នា។ ពួកគាត់​ធ្វើ​យុទ្ធនាការ​នេះ​នៅ​ជុំវិញ​ព្រៃ​ព្រះរកាក្នុងខេត្ត​ព្រះវិហារ​ ដើម្បី​អបអរ​សាទរ​បុណ្យ​រុក្ខទិវា ០៩កក្កដា ក្នុង​បំណង ​ផ្ញើសារ​ទៅ​អ្នក​ដែល​បំផ្លាញ​ភោគផល​ព្រៃឈើ​ ឱ្យ​ភ្ញាក់​ខ្លួន​ឡើង ហើយ​ងាក​មក​ចូល​រួម​ការពារ​ព្រៃឈើ និង​ស្តារ​ព្រៃឈើ​ឡើង​វិញ​។

អ្នកវិភាគ និង​មន្ត្រី​បក្ស​ប្រឆាំង​លើក​ឡើង​ថា​ បើ​រដ្ឋាភិបាល​លោក ហ៊ុន សែន ចង់​បាន​អ្នក​វិនិយោគ​បរទេស​ចម្រុះ​ជាតិ​សាសន៍នោះ​ គឺ​ត្រូវ​វិល​មក​ដើរ​ផ្លូវ​ប្រជាធិបតេយ្យ​ឡើង​វិញ​ ទើប​ប្រទេស​សេរី​ហ៊ាន​មក​រក​ស៊ី​នៅ​ស្រុក​ខ្មែរ​បន្ត​ទៀត​។ ការ​លើកឡើង​បែបនេះ​ គឺ​ក្រោយ​ពេល​គណៈរដ្ឋ​មន្ត្រីរបស់​លោក​ ហ៊ុន សែន​ បាន​អនុម័ត​សេចក្តី​ព្រាង​ច្បាប់​ស្តីពី​វិនិយោគ​ នៅ​ថ្ងៃ​ទី​០៩ ខែ​កក្កដា​នេះ។

សហជីពនិងសង្គមស៊ីវិលរម្លឹកពីទស្សនៈរបស់បណ្ឌិត កែម ឡី និងគ្រោងប្រារព្ធខួបលើកទី៥តាមពិធីសាសនានៅតាមស្នាក់ការស្ថាប័នពួកគេរៀងៗខ្លួននៅថ្ងៃទី១០កក្កដា ខាងមុខ។ ក្រៅពីពិធីសាសនា ក៏មានកម្មវិធីជជែកគ្នាតាមអនឡាញ(Online)ដោយផ្សាយផ្ទាល់តាមហ្វេសប៊ុកលើប្រធានបទ យុត្តិធម៌សម្រាប់ទាំងអស់គ្នា(Justice For All) ។

ពលករខ្មែរធ្វើការនៅប្រទេសថៃ និងបណ្ដាញពលករនៅប្រទេសនេះបានរៃអង្គាសប្រាក់តាមលទ្ធភាពដើម្បីទិញគ្រឿងបរិភោគផ្ដល់ឱ្យពលករដែលបាត់បង់ការងារ ​និងពលករដែលកំពុងស្ថិតក្នុងតំបន់ដែលអាជ្ញាធរថៃរាំងខ្ទប់។ ការជួយគ្នារបស់ពលករខ្មែរពេលនេះ ពួកគេរំពឹងថា នឹងអាចជួយដោះទាល់ដល់ពលករដែលជួបការលំបាកក្នុងគ្រានៃការរីករាលដាលវិបត្តិជំងឺកូវីដ១៩ ។

​ក្រុម​អង្គការ​សង្គម​ស៊ីវិល​លើក​ឡើង​ថា ​ប្រការ​ដែល​អាជ្ញាធរភូមិ/ឃុំ​ចុះហត្ថ​លេខា​លើលិខិត​ស្នើ​សុំ​កាន់កាប់​ដីធ្លី​ ក្នុង​តំបន់​ព្រៃ​ការពារ​ធម្មជាតិ​ដែល​គ្រប់គ្រង​ដោយ​ក្រសួង​បរិស្ថាននោះ ​គឺជាទង្វើខុសច្បាប់ ​។ ការ​លើក​ឡើង​នេះ​ បន្ទាប់​អាជ្ញាធរភូមិ/ឃុំ នៅ​តាម​បណ្តា​ខេត្ត​មួយ​ចំនួន​កំពុង​មោឃភាព​ពាក្យ​ស្នើសុំ​កាន់​កាប់​ដី​ក្នុង​តំបន់​ការពារ​ធម្មជាតិ និង​របៀង​អភិរក្ស​ជីវចម្រុះ​ ស្រប​តាម​គោលការណ៍​ណែនាំ​របស់​ក្រសួង​បរិស្ថាន​។