ពេលព្រឹក

ជន​ភៀស​ខ្លួន​នយោបាយ​​មួយ​គ្រួសារ ប្ដេជ្ញា​ចិត្ត​បន្ត​ចូល​រួម​​ជា​មួយ​ថ្នាក់​ដឹក​នាំ​គណបក្ស​សង្គ្រោះ​ជាតិ ដើម្បី​​ស្ដារ​ប្រជាធិបតេយ្យ​នៅ​កម្ពុជា​ដោយ​មិន​ងាករេ​ឡើយ​ ក្រោយ​ពេល​ពួកគេ​បាន​​ទៅ​តាំង​ទីលំនៅ​ថ្មី​នៅ​ប្រទេស​ទី​៣​។ ​បក្ស​ប្រឆាំង​មួយ​គ្រួសារ​នេះ មាន​សមាជិក​៤នាក់ ពួកគេ​​បាន​តស៊ូ​ភៀស​ខ្លួន​នៅ​ក្នុង​ប្រទេស​ថៃ​​​​អស់​រយៈ​ពេល​ជាង​២​ឆ្នាំ​។ តើ​មួល​ហេតុ​អ្វី​បាន​ជា​សកម្មជន​មួយ​គ្រួសារ​នេះ​នៅ​តែ​ប្រកាន់​ជំហរ​បន្ត​ជីវភាព​នយោបាយ​បែបនេះ​?

មេធាវី​ការពារ​ក្ដី​ឱ្យ​មេបក្សប្រឆាំងលោក កឹម សុខា ​គ្រោង​ជួបគ្នានៅសប្ដាហ៍ក្រោយដើម្បីពិនិត្យខ្លឹមសារនៃលិខិតដែលពួកគេនឹង​ដាក់ទៅ​​តុលាការក្រុងភ្នំពេញស្នើទម្លាក់​ចោល​បទ​ចោទប្រកាន់លើលោក កឹម សុខា។ ​អ្នកវិភាគមិនសង្ឃឹមថា​ តុលាការយល់ព្រមទម្លាក់ការចោទប្រកាន់លើករណី​នេះទេ ខណៈសហគមន៍អ​ន្តរជាតិ មិនទាន់បញ្ចេញទណ្ឌកម្មធ្ងន់ៗលើរដ្ឋាភិបាលលោក ហ៊ុន សែន។

ក្រុម​មេធាវី​គ្រោង​ដាក់​ពាក្យ​ស្នើ​សុំ​​ទៅ​តុលាការ​ក្រុងភ្នំពេញ​ អនុញ្ញាត​ឲ្យ​យុវជន​មាតា​ធម្មជាតិ​ទាំង​បី​នាក់ គឺកញ្ញា ស៊ុន រដ្ឋា លោក យឹម លាងហ៊ី និងលោកលី ចាន់ដារ៉ាវុត បាន​នៅ​ក្រៅ​ឃុំ​បណ្ដោះ​អាសន្ន។ ជាមួយ​គ្នានេះ ក្រុម​គ្រួសារ​ ​សកម្មជន​បរិស្ថាន​ទាំងនោះ ថ្លែង​ថា​ពួកគាត់​ព្រួយ​បារម្ភ​ពី​សុខទុក្ខ​របស់​ពួក​គេ នៅ​ក្នុង​ពន្ធនាគារ​ជា​ខ្លាំង​ ព្រោះ​មន្ត្រី​ពន្ធនាគារ​ មិនទាន់​អនុញ្ញាត​ឱ្យ​ជួប​សួរ​សុខទុក្ខ​នៅឡើយទេ។

សកម្មជន​បរិស្ថាន​ម្នាក់​​​​​​​ក្នុង​ចំណោម​៣នាក់​ដែល​អាជ្ញាធរ​​​ចាប់​ឃុំ​ខ្លួន​ កាលពីពាក់កណ្តាល ខែមិថុនា គឺ លោក យឹម លាងហ៊ី ​​​បាន​ចូលរួម​ការ​ពារ​បរិស្ថាន​​ជាមួយ​ចលនា​មាតា​ធម្មជាតិ​​​ កាល​ពី​ខែ​តុលា​​​ឆ្នាំ​២០២០​​​​​​។ ស្ថាបនិក​អង្គការ​មាតា​ធម្មជាតិ​ អះអាង​ថា​ លោក យឹម លាងហ៊ី ​ចង់​បន្ត​​​សកម្ម​​ភាព​​​​ថែរក្សា​បរិស្ថាន​​ពី​​​សកម្មជន​មុនៗ​ព្រោះ​លោក​មិន​ចង់​ឲ្យ​​​យុវជន​​​​បាក់​ទឹក​​ចិត្ត ហើយ​លែង​​នាំគ្នាចូលរួម​ការពារ​បរិស្ថានល្អនៅកម្ពុជា។

មន្ត្រី​បក្ស​ប្រឆាំង ​និង​មន្ត្រី​សង្គម​ស៊ីវិល​លើក​ឡើង​ថា​ ការ​បង្ក្រាប​គ្រឿង​ញៀន​មិនមែន​ត្រឹម​តែ​នាយក រដ្ឋ​មន្ត្រី​ចេញ​អនុសាសន៍​ទេ តែ​ត្រូវ​ទាមទារ​ឱ្យ​បង្ក្រាប​លើ​ឈ្មួញ​ធំៗ​ និង​អ្នក​មាន​អំណាច​ដែល​នៅ​ពី​ក្រោយ​នៃ​ការ​ជួញ​ដូរ​នេះ។ ការ​ថ្លែង​បែប​នេះ គឺ​បន្ទាប់​ពី​មេដឹកនាំ​របប​ក្រុង​ភ្នំពេញ លោក ហ៊ុន សែន ណែនាំ​ទៅ​មន្ត្រី​របស់​លោក​មិន​ត្រូវ​ធ្វើ​ខ្នង​បង្អែក​ឈ្មួញ​គ្រឿងញៀន​ និង​កុំ​បន្ធូរបន្ថយ​ការ​អនុវត្តច្បាប់​ ចំពោះ​ឧក្រិដ្ឋជន​គ្រឿងញៀន​។

សង្គម​ស៊ីវិល​​ជំរុញ​រដ្ឋា​ភិបាល​ពិនិត្យ​មើល​យន្ត​ការ​បើក​​ជំនួយ​​សាច់​​ប្រាក់​ក្រោម​ជំនួយ​សង្គម​ឡើង​វិញ ដើម្បី​ធានា​ថា​ពលរដ្ឋ​រង​គ្រោះ​ទទួល​បាន​ជំនួយពិត​ប្រាកដ។ ការ​ស្នើ​ឡើង​នេះ ស្រប​ពេល​ដែល​ពលរដ្ឋ​មួយ​ចំនួន​ដែល​​​ប៉ះពាល់​​​ដោយ​​ការ​​​បិទ​​ខ្ទប់​និង​​ឆ្លង​​​ជំងឺ​​កូវី​ដ​១៩ ​អះ​អាងថាពួកគាត់ពុំទាន់ទទួលបានប្រាក់ឧបត្ថម្ភពីរដ្ឋនៅឡើយ។

ម្ដាយ​របស់​យុវជនកាក់ សុវណ្ណច្ឆ័យ យល់ថា តុលាការ​សម្រេច​ចោទ​កូនប្រុស​លោកស្រី ​យុវជន អាយុ​១៦​ឆ្នាំ ពីបទ ញុះញង់​បង្ករ​ភាព​វឹកវរ​ដល់​សន្តិសុខ​សង្គម និង​បទ​ប្រមាថ ​ជា​ការ​ធ្វើ​ទុកបុកម្នេញ និង​បំបាក់​ស្មារតី​ដល់​ក្រុម​គ្រួសារ​របស់​គាត់។

ក្រុម​ប្រពន្ធ​របស់​មន្ត្រី​បក្សប្រឆាំង​កំពុង​ជាប់ឃុំ ​នាំគ្នាដាក់​ញត្តិជូន​ស្ថានទូត​អង់​គ្លេស​ដើម្បីស្នើ​សុំឲ្យ​ជួយ​អន្តរាគមន៍​ទៅរបប​លោក ហ៊ុន សែន​ ឲ្យ​ដោះលែងប្តី​ពី​ក្នុង​ពន្ធនាគារ ​និង​កូនប្រុស​ម្នាក់​ឈ្មោះ ​កាក់ សុវណ្ណច្ឆ័យ ​ដែល​ទើប​ត្រូវ​បាន​សមត្ថកិច្ច​ចាប់​ខ្លួនកាល​ពី​យប់ថ្ងៃ​ព្រហស្បតិ៍។

សមត្ថកិច្ច​ក្រុងភ្នំពេញ​ចាប់​ខ្លួន​កូនប្រុស​សមាជិក​ក្រុម​ប្រឹក្សា​រាជធានី​ភ្នំពេញ​ជាប់​ឆ្នោត​គណបក្ស​សង្គ្រោះ​ជាតិ ដែល​កំពុង​ជាប់​ឃុំ​នៅ​ពន្ធនាគារ គឺ​កុមារា កាក់ សុវណ្ណច្ឆ័យ អាយុ​១៦​ឆ្នាំ កាល​ពី​យប់​ថ្ងៃទី២៤ ខែមិថុនា។ គ្រួសារ​និង​មន្ត្រី​សង្គម​ស៊ីវិល យល់​ថា ការ​ចាប់ខ្លួន​នេះ គឺ​ជា​ការ​គំរាមកំហែង បំបាក់​ស្មារតី គ្រួសារ​មន្ត្រី​បក្ស​ប្រឆាំង និង​មិន​ត្រឹមត្រូវ​តាម​នីតិវិធី​ច្បាប់។

អាជ្ញាធរ​គ្រោង​នឹង​ដុត​បំផ្លាញ​ចោល​គ្រឿង​ញៀន​ចំនួន​ជាង​ ៥​ តោន​ នៅ​ក្នុង​ទិវា​​ប្រឆាំង​គ្រឿង​ញៀន​អន្តរជាតិ​ពិភព​លោក​ដែល​គ្រឿង​ធ្វើ​នៅ​ថ្ងៃ​ទី​ ២៦​ មិថុនា​ខាង​មុខ​នេះ។មន្ត្រី​សង្គម​ស៊ីវិល​ដែល​ឃ្លាំ​មើល​ការ​អភិវឌ្ឍន៍​សង្គម​ស្វាគមន៍​ ចំពោះ​វិធានការ​នេះ​ ប៉ុន្តែ​បាន​ស្នើ​សុំ​ឱ្យ​អាជ្ញាធរ​គួរ​តែ​ស្វែង​រក​ប្រភព​នៅ​ពី​ក្រោយ​ខ្នង​ ការ​ជួញ​ដូរ​ថ្នាំ​ញៀន​នេះ​ ដើម្បី​យក​មក​កាត់​ទោស​តាម​ច្បាប់​។​