ពលរដ្ឋ​ជាង​១០០​គ្រួសារ​ (១១០)​ ភាគច្រើន​ជា​ជន​ជាតិ​ដើម​ភាគ​តិច​កួយ រស់​នៅ​ស្រុក​រវៀង បាន​ប្រមូល​ផ្តុំ​គ្នា​នៅ​តំបន់​ភ្នំ​លុង ដើម្បី​តវ៉ា​ទាមទារ​ឱ្យ​អាជ្ញាធរ​ខេត្ត​ព្រះវិហារ​ផ្តល់​ដំណោះ​ស្រាយ​សមរម្យ ​ករណី​ក្រុមហ៊ុន​ឌែលខម​ ខេមបូឌា​ (Delcom Cambodia) ​និងក្រុមហ៊ុន ​ស៊ឺន សាន ​បាន​ហ៊ុមព័ទ្ធនិង​ឈូសឆាយ​រំលោភ​យក​ដី​ស្រែ​ចម្ការ ​ច្បារ​ដំណាំ​ពួកគាត់​អស់​រាប់​រយ​ហិកតារ​ ជា​ថ្មី​ទៀត​។ អ្នកភូមិ​ថា ​រយៈ​ពេល ​៧ ​ថ្ងៃ​ មក​ហើយ ​ដែល​ពលរដ្ឋ​ស្រែក​តវ៉ា តែ​ពុំ​ឃើញ​អាជ្ញាធរ​ដោះស្រាយ​ក្តី​កង្វល់​រួម​របស់​ពួកគាត់​នោះទេ​។

ពលករ​ខ្មែរ​ជា​ច្រើន​នាក់​ដែល​ឆ្លង​ជំងឺ​កូវីដ​១៩​នៅ​ប្រទេស​ថៃ​ បន្ត​រស់​នៅ​​តាមយថាកម្ម​ ដោយ​គ្មាន​អាជ្ញាធរ​ណា​អើពើ​​បញ្ជូន​ពួកគាត់​ទៅ​ព្យាបាល​នៅ​មន្ទីរ​ពេទ្យ​ឡើយ។ មន្ត្រី​​ការពារ​សិទ្ធិ​ពលករ​ យល់​ថា ពលករ​ទាំង​នោះ​អាច​នឹង​ជួប​គ្រោះ​ធំ​​ប្រសិន​បើ​រដ្ឋាភិបាល​ខ្មែរ​និង​ថៃ​នៅ​តែ​​បណ្ដែតបណ្ដោយ​ឱ្យ​ពួកគាត់​រស់​នៅ​វេទនា​បែប​នេះ។

អង្គការ​សិទ្ធិមនុស្ស​អន្តរជាតិ និង​តំណាង​ទូត​ប្រទេស​ប្រជាធិបតេយ្យ ចាប់ផ្តើម​ថ្កោលទោស និង​បញ្ចេញប្រតិកម្ម​មិន​ពេញចិត្តចំពោះ​របបលោក ហ៊ុន សែន ដែលចាប់​ខ្លួន និង​ចោទ​ប្រកាន់​សកម្មជន​បរិស្ថាន​បីនាក់​ពី​បទល្មើស​ឧក្រិដ្ឋ។ ពួក​គេ ​រំឭក​របបនេះ​ថា ការងារ​ការពារ​បរិស្ថាន​មិន​មែន​ជាបទល្មើស​នោះទេ និង​ស្នើ​ឱ្យ​ទម្លាក់​ចោល​បទចោទ​ប្រកាន់​ទាំងឡាយ​លើសកម្មជន​វ័យ​ក្មេង​ទាំងនោះវិញ។ ប៉ុន្តែ​តំណាង​ស្ថាប័ន​សិទ្ធិមនុស្ស​របស់​រដ្ឋាភិបាល ​ឆ្លើយតបវិញថា នេះ​ជាការ​អនុវត្ត​ច្បាប់​របស់​កម្ពុជា។

ក្រសួង​មហាផ្ទៃ​បាន​យល់​ព្រម​អនុញ្ញាត​ឱ្យ​គណបក្ស​នយោបាយ​ថ្មី​មួយ​ទៀត​ ឈ្មោះ​ គណបក្ស​បេះ​ដូង​ជាតិ ដើម្បី​ចូល​រួម​ប្រកួត​ប្រជែង​សម្រាប់​ការ​បោះ​ឆ្នោត​នៅ​ពេល​ខាង​មុខ​ នេះ។​ មន្ត្រី​ជាន់​ខ្ពស់​ គណបក្ស​ប្រជាជន​កម្ពុជា​ គាំទ្រ​ចំពោះ​ការ​ចូល​រួម​ពី​ប្រជាពលរដ្ឋ​ក្នុង​ការ​បង្កើត​គណបក្ស​ថ្មី​ ហើយ​​ក៏​មិន​ព្រួយ​បារម្ភ​ថា​ គណបក្ស​ថ្មី​ដែល​បង្កើត​ឡើង​ បន្តបន្ទាប់​ អាច​ផ្ដួល​គណបក្ស​ប្រជាជន​ដែល​កំពុង​កាន់​អំណាច​បាន​ឡើយ។​

មន្ត្រី​គណ​​បក្ស​ប្រឆាំង ​​​រិះគន់​​​​រដ្ឋសភា​ឯក​បក្ស​​ក្នុង​ការ​​​អនុម័ត​ឲ្យ​សមាជិក​គណ​បក្ស​​កាន់​អំណាច​​ លោក ប្រាជ្ញ ចន្ទ​ ក្លាយ​ជា​ប្រធាន​គណៈកម្មាធិការ​ជាតិ​រៀបចំ​ការ​បោះឆ្នោត​ ឬ​ហៅ​ថា​គ.ជ.ប​។​ តំណាង​​រដ្ឋ​សភា ​​​​ច្រាន​ចោល​ការ​រិះគន់​​​​និង​ជឿជាក់​ថា លោក ប្រាជ្ញ ចន្ទ មាន​សមត្ថភាព​គ្រប់គ្រាន់​​​ក្នុង​កិច្ចការ​ងារ​បោះឆ្នោត​​​។

អ្នក​វិភាគ​សង្គម​ និយាយ​ថា​ កិច្ច​សហប្រតិបត្តិ​ការ​ ខ្សែ​ក្រវាត់​ និង​ផ្លូវ​ គឺ​ប្រទេស​ចិន​ជា​អ្នក​ទទួល​បាន​ផល​ប្រយោជន៍​ច្រើន​ជា​ងកម្ពុជា​ ខណៈ​កិច្ច​សហប្រតិបត្តិ​ការ​នេះ​ កន្លង​មក​បាន​ធ្វើ​ឱ្យ​កម្ពុជា​បាត់​បង់​ធនធាន​ធម្មជាតិ​យ៉ាង​ច្រើន​។​ ប៉ុន្តែ មន្ត្រី​រដ្ឋាភិបាល​ថា​ រាល់​កិច្ច​សហប្រតិបត្តិ​ការ​ណា​មួយ​ដែល​នាំ​ឱ្យ​ប៉ះពាល់​ដល់​ប្រយោជន៍​ប្រទេស​ជាតិ​ និង​ពលរដ្ឋ​ នោះ​កម្ពុជា​មិន​ធ្វើ​ជា​ដាច់​ខាត។​

ពលរដ្ឋ​មួយ​ចំនួន​​មិន​ពេញ​ចិត្ត​​ចំពោះ​​ការ​ចាប់​ខ្លួន​ និង​ការ​​ចោទ​​សកម្មជន​បរិស្ថាន​​ទាំង​៣នាក់​ទេ។​​​​​ពួកគាត់​​​ទាមទារ​​ឲ្យ​​​មន្ត្រី​តុលាការ​ដោះលែង​សកម្មជន​​បរិស្ថាន​និង​​សកម្មជន​សង្គម​ទាំង​អស់​ឲ្យ​មាន​សេរីភាព​ឡើង​​វិញ។

តុលាការ​ក្រុងភ្នំពេញ ​នៅល្ងាចថ្ងៃអាទិត្យ ទី២០ ​ខែមិថុនា​ សម្រេច​ចោទប្រកាន់​សកម្មជន​បរិស្ថាន​៤នាក់ពី​បទ​ប្រមាថ​ព្រះមហាក្សត្រ​ និងរួមគំនិត​ក្បត់។ មន្ត្រី​សង្គមស៊ីវិល ​ហួសចិត្ត​​ដែល​តុលាការ ​មិនព្រម​ដោះលែង​និង​ថែមទាំង​រកនឹក​បទចោទប្រកាន់​ដ៏ធ្ងន់​ធ្ងរលើ​សកម្មជន​ទាំង៤នាក់ ​ខណៈ​ពួកគេ ​បានចូលរួម​ចំណែក​ជាច្រើន​​ក្នុងកិច្ចការពារ​បរិស្ថាន​និង​ធនធាន​ធម្មជាតិ។

មន្ត្រី​​គណ​បក្ស​ប្រឆាំង ​​សោកស្ដាយ​ចំពោះ​​​​រដ្ឋាភិបាល​​​ក្នុង​ការ​បង្កើត​ព្រឹត្តិការណ៍​​នានា​ ​មក​​​​​​ពង្វក់​ពលរដ្ឋ​​ខ្មែរ​ ឲ្យ​ដឹង​គុណ​វៀតណាម​មិន​ចេះ​ចប់​។​ការ​លើក​ឡើង​នេះ ​ក្រោយ​​ពេល​​របប​ក្រុង​ភ្នំពេញ អញ្ជើញ​យោធា​វៀតណាម​មក​ប្រារព្ធ​ទិវា​ចងចាំ​​​ថ្ងៃ​​​​ ​លោក ហ៊ុន សែន ចេញ​​​ដំណើរ​​ឆ្ពោះ​​ទៅ​ប្រទេស​វៀតណាម​ ឆ្នាំ​​១៩៧៩ ដើម្បីសុំជំនួយកងទ័ពវៀត​ណាមមកវាយរលំរបបខ្មែរក្រហម។

ព្រះ​សង្ឃ​គង់​នៅ​វត្ត​ ចង្ក្រាន​តាព្រហ្ម​ហៅ​វត្ត​ស្ទឹង​មាន​ជ័យ​ប្រឈម​ដាច់​ចង្ហាន់ បន្ទាប់​ពី​ផ្ទុះ​រាត​ត្បាត​ជំងឺ​កូវីដ​១៩​ខ្លាំងនៅ​ក្នុង​វត្ត ។ មន្រ្តី​​សង្គម​ស៊ីវិល​​​យល់​​ថា​អាជ្ញា​ធរ​ពាក់​ព័ន្ធ​គួរ​យក​ចិត្ត​ទុក​លើ​ព្រះ​សង្ឃ​បន្ថែម​ទៀត​ ព្រោះ​ពេល​កំពុង​ធ្វើ​ចត្តា​ឡី​ស័ក​ដូច្នេះ​ព្រះ​អង្គ​មិន​អាច​ចេញ​បិណ្ឌ​បាត្រ​ពី​ពុទ្ធ​បរិស័ទ​នោះ​ទេ។