មន្ត្រី​អង្គការ​សង្គមស៊ីវិល ជំរុញ​ឲ្យ​រដ្ឋាភិបាល​អនុវត្ត​ច្បាប់​ប្រឆាំង​អំពើ​លាងលុយ​កខ្វក់​ឲ្យ​មាន​ប្រសិទ្ធភាព។ ការជំរុញ​នេះ​កើត​មាន​ឡើង​ស្របពេល​ដែល​កម្ពុជា​នៅតែ​បន្ត​ជាប់ឈ្មោះ​ក្នុង​បញ្ជី​នៃ​ក្រុម​ប្រទេស​ងាយរងគ្រោះ​បំផុត​ខាង​ឧក្រិដ្ឋកម្ម​លាង​លុយ​កខ្វក់​នៅលើ​ពិភពលោក។ មន្ត្រី​រដ្ឋាភិបាល​អះអាង​ថា ស្ថាប័ន​ជំនាញ​រដ្ឋាភិបាល​កំពុង​តែ​បន្ត​តាមដាន និង​ឃ្លាំមើល​យ៉ាង​សកម្ម​ក្នុងការ​ប្រយុទ្ធប្រឆាំង​នឹង​ឧក្រិដ្ឋកម្ម​លាងលុយ​កខ្វក់​នៅ​កម្ពុជា។

មន្ត្រី​អង្គការ​សង្គម​ស៊ីវិល​​​ព្រួយបារម្ភ​កាន់​តែ​ខ្លាំង​អំពី​ការ​រាតត្បាត​ជំងឺ​កូវីដ​១៩​ផ្ទុះ​​ឡើង​ច្រើន​​ឆ្លង​ចូល​នៅ​ក្នុង​ពន្ធនាគារ​។ ​​​ក្ដី​បារម្ភ​នេះ ​កើត​ឡើង​បន្ទាប់​ពី​សង្គម​ស៊ីវិល​តាមដាន​ឃើញ​ជន​ជាប់​ឃុំ​ចំនួន​២នាក់​ហើយ​​ ដែល​​បាន​ឆ្លង​ជំងឺ​កូវីដ​​ស្លាប់ ​ហើយ​អាជ្ញាធរ​មិន​បាន​បញ្ចេញ​​តួលេខ​​​​និង​វិធានការ​ជាក់លាក់​ ដើម្បី​ទប់​ស្កាត់​ជំងឺ​កាច​សាហាវ​នេះ​​នៅ​ក្នុង​មន្ទីរ​ឃុំឃាំង​នៅ​ឡើយ។

សាច់​ញាតិ និង​សង្គម​ស៊ីវិល ​សោកស្ដាយ​​​ចំពោះ​​ចៅក្រម​​សាលា​ដំបូង​រាជធានី​ភ្នំពេញ​ ដែល​​​សម្រេច​មិន​ព្រម​ដោះលែង សកម្មជន​ព្រំដែន​ និង​ជា​មេដឹកនាំសហជីព​​ លោក រ៉ុង ឈុន និង​​កញ្ញា ស កណិកា។​ក្រុម​មេធាវី​ ថា​ពួកគាត់​កំពុង​រក​វិធី​ជួប​កូន​ក្ដី​ដើម្បី​ដាក់​ពាក្យ​ប្ដឹង​ឧទ្ធរណ៍។

ក្រុម​តំណាង​សហជីព​ណាហ្គា​វើលដ៏ (NAGAWORLD) ដាក់​ពាក្យ​បណ្ដឹង​អម​ដោយ​ស្នាម​មេដៃ​បុគ្គលិក​ជាង​២​ពាន់​នាក់ ជូន​ក្រសួង​ការងារ ដើម្បី​ស្នើ​សុំ​កិច្ច​អន្តរាគមន៍ និង​ផ្ដល់​ដំណោះស្រាយ​ករណី​ខាង​ថៅកែ​ក្រុមហ៊ុន បញ្ឈប់​បុគ្គលិក​ទ្រង់​ទ្រាយ​ធំ ដោយ​​​រំលោភ​លើ​ច្បាប់​ស្ដី​ពី​ការងារ។ ពួកគាត់​រំពឹង​ថា ក្រសួង​ការងារ នឹង​ដោះស្រាយ​បញ្ចប់​បញ្ហា​ជូន​បុគ្គលិក​ជាង​១​ពាន់នាក់ ប្រកប​ដោយ​យុត្តិធម៌ និង​អាច​ទទួល​យក​បាន​គ្រប់​ភាគី។

ពលរដ្ឋមានជម្លោះដីធ្លីនិងមន្ត្រីសង្គមស៊ីវិលជំរុញទៅអាជ្ញាធរនិងស្ថានប័នពាក់ព័ន្ធឱ្យដោះស្រាយបញ្ហាដីធ្លី និងមានវិធានការផ្លូវច្បាប់លើយោធាដែលបាញ់ពលរដ្ឋឱ្យរបួសក្នុងជម្លោះដីធ្លីនៅស្រុកអង្គស្នួល ខេត្ត កណ្ដាល។ ឆ្លើយតបការលើកឡើងនេះអភិបាលខេត្តកណ្ដាលថា​ អង្គភាពយោធាកំពុងមានវិធានការផ្លូវច្បាប់លើយោធាដែលបាញ់ពលរដ្ឋហើយអាជ្ញាធរពាក់ព័ន្ធកំពុងពន្លឿនដោះស្រាយគោលនយោបាយដីធ្លីជូនពលរដ្ឋ។

សហគមន៍​នេសាទ​នៅ​ស្រុក​ឯកភ្នំ​ ​ព្រួយបារម្ភ​អំពី​សកម្មភាព​​​​ជនល្មើស​លួច​ទន្ទ្រាន​ព្រៃ​លិច​ទឹក​នៅ​តំបន់​បឹង​ទន្លេសាប ​ខេត្ត​បាត់ដំបង ធ្វើ​ឱ្យ​​​ហិនហោច​​សម្បត្តិ​ធនធាន​ធម្មជាតិ​។ ក្ដី​បារម្ភ​នេះ​ កើត​ឡើង​បន្ទាប់​​​ពី​ក្រុម​សហគមន៍​ឃើញ​​ព្រៃ​លិចទឹក​​​រាប់​រយ​ហិកតារ​​ត្រូវ​បាន​ជនល្មើស​​ទន្ទ្រាន​យក​ដី​ធ្វើ​ជា​កម្មសិទ្ធិ​ ហើយ​អាជ្ញាធរ​មិន​ទាន់​ចាប់​ជនខិលខូច​ទាំង​នោះ​មក​ផ្ដន្ទាទោស​បាន​នៅ​ឡើយ។

តុលាការក្រុងភ្នំពេញ​ បន្ត​លើក​ពេល​សវនាការ​លើ​អង្គសេចក្តី​នៃ​សំណុំរឿង​លោក​ រ៉ុង ឈុន ​និង​ក្រុមសកម្មជន​សង្គម​ជិត១០ផ្សេងទៀត​ ដែលគ្រោង​ធ្វើ​នៅថ្ងៃ​ទី៨ ខែមិថុនា ​ទៅពេល​ក្រោយ​ទៀត ​ក្រោម​ហេតុផល​បង្ការ​ជំងឺកូវីដ-១៩ ​។ ទោះជាយ៉ាងណា​ តុលាការក្រុងភ្នំពេញ​ ​នឹង​​បន្ត​បើក​សវនាការ​លើ​បណ្តឹង​​សុំនៅ​ក្រៅឃុំ​បណ្តោះ​អាសន្ន​របស់​លោក​ រ៉ុង ឈុន និង​កញ្ញា ​ស កណិការ ​ដូចការគ្រោងទុកដដែល។ សាច់ញាតិ ​និង​មេធាវី​ការពារក្តី​ ​ទាមទារ​ឲ្យតុលាការ​ដោះ​លែង​សកម្មជន​សង្គម​ទាំងនោះ​ ព្រោះ​ការលើក​ពេល​បើក​សវនាការ​លើអង្គ​សេចក្តី​ម្តង​ហើយ​ម្តងទៀតនេះ ​នឹងធ្វើឲ្យ​ពួកគាត់​ បន្តជាប់​ឃុំ​ក្នុង​ពន្ធនាគារ​ដោយ​អយុត្តិធម៌។

ពលរដ្ឋ​ខ្មែរ​ក្រោម​នៅ​លើ​ទឹក​ដី​កំណើត​និង​នៅ​តាម​ប្រទេស​មួយចំនួន​​​ជុំវិញ​ពិភព​លោក​បាន​ប្រារព្ធ​ខួប​បាត់​បង់​ទឹកដី​ខ្មែរក្រោម​ កាល​ពីចុង​សប្តាហ៍​នេះ ​តាម​រូបភាព​ផ្សេងៗ​គ្នា ​ដើម្បី​ឲ្យ​ពលរដ្ឋខ្មែរជំនាន់​ក្រោយ​បាន​យល់​ដឹងពី​ប្រវត្តិ​សាស្រ្ត​ពិត ​និងសំដែងការដឹងគុណដល់​វីរបុរសខ្មែរ​ដែលបាន​បូជា​និង​លះបង់​ជីវិត​ដើម្បី​​ បុព្វ​ហេតុជាតិ ​និងមាតុ​ភូមិ​។ ​ក្នុង​ខួប​លើ​ទី​៧២​ឆ្នាំ​នៃ​ការ​បាត់​បង់​ទឹក​ដី​នៅឆ្នាំនេះ មេ​ដឹក​នាំ​អង្គការ​ខ្មែរ​ក្រោម​បាន​ប្រើប្រាស់​ពាក្យ​ស្លោក "ក្រោកឈរដើម្បីសិទ្ធិសម្រេច​វាសនា​ដោយ​ខ្លួន​ឯង"។​

ប្រពលរដ្ឋ​​ជាង១រយ(១២៨)​គ្រួសារ​​មាន​ជម្លោះដីធ្លី​ជា​មួយ​ក្រុមហ៊ុន​ចិន យូ​ញៀន​ ឌីវ៉ែលឡុបម៉ិន​គ្រុប ​ (Union​ Development​ Group​) ឬ យូ​ឌី​ជី​ (UDG) ក្នុង​ខេត្ត​កោះ​កុង​ ចោទថារដ្ឋាភិបាលថាអសត្ថភាពក្នុងការដោះស្រាយ​ជម្លោះ​ដីធ្លី​ជូនពួកគាត់ ប្រកបដោយ​យុត្តិធម៌​ ព្រោះ​រដ្ឋាភិបាលលំអៀងទៅខាង​ក្រុមហ៊ុន​ចិន។ ការអះអាង​បែប​នេះ ធ្វើឡើង​ដោយសារតែ​ពួ​កគាត់​នៅតែ​ទន្ទឹង​រង់ចាំដំណោះ​ស្រាយបញ្ហាវិវាទដីធ្លីនេះជាង ១ទស​វត្សរ៍​មកហើយ តែ​អាជ្ញាធរ​​គ្មាន​ភាព​ច្បាស់​លាស់​ក្នុង​ការ​ដោះស្រាយ​ទាល់​តែសោះ ​ហើយនៅពេលដែលពលរដ្ឋចេញតវ៉ាងម្តងៗ អាជ្ញាធរតែងតែប្រើហិង្សា និងធ្វើទុក្ខបុកម្នេញលើពលរដ្ឋជាបន្តបន្ទាប់។

ជន​ចាស់​ជរា​មួយ​ចំនួន​ត្អូញត្អែរ​ថា​ អំឡុង​ពេល​មាន​វិបត្តិ​ជំងឺ​កូវីដ​១៩​​នេះ​បាន​ប៉ះពាល់​យ៉ាង​ខ្លាំង​ដល់​ជីវភាព​រស់​នៅ​របស់​ពួកគាត់ ហើយ​រដ្ឋាភិបាល មិន​បាន​យក​ចិត្ត​ទុកដាក់ ​ចំពោះ​ពួកគាត់​នោះ​ទេ​​។​​ស្ថានភាព​បែប​នេះ​​ធ្វើ​ឱ្យ​​មនុស្ស​ចាស់​ខ្លះ​មាន​​​សុខភាព​ទ្រុឌទ្រោម​ និង​​ខ្លះ​ធ្លាក់​ខ្លួន​ឈឺ​​ដេក​នៅ​នឹង​កន្ទេល​ ដោយសារ​ដោយ​​សារ​ពួកគាត់​ហូប​អាហារ​មិន​គ្រប់​គ្រាន់​​។ មន្ត្រី​សង្គម​ស៊ីវិល​ យល់​ថា រដ្ឋាភិបាល​គួរតែ​​​​ដាក់​ចេញ​គោលនយោបាយ​​​​គាំពារ​សង្គម​ជួយ​ដល់​មនុស្ស​ចាស់ ដើម្បី​​សម្រួល​ដល់​ការ​រស់​នៅ​របស់​ពួកគាត់​​​នៅ​ក្នុង​​វ័យ​ជរា​នេះ​។