រដ្ឋាភិបាល ព្រមាន​ថា នឹង​ចាត់​វិធានការ​ច្បាប់ ចំពោះ​ពលរដ្ឋ ដែល​ហ៊ាន​​ល្មើស​​បម្រាម​បិទ​ខ្ទប់​ តាម​ការ​អំពាវនាវ ​របស់​ប្រធាន​ស្ដីទី​គណបក្ស​សង្គ្រោះ​ជាតិ​ លោក សម រង្ស៊ី។ ​ការ​ព្រមាន​នេះ ក្រោយ​ពេល​ ​លោក សម រង្ស៊ី ​អំពាវនាវ ​​ឲ្យ​ពលរដ្ឋ ​ឈប់​​គោរព​​បម្រាម​បិទ​ខ្ទប់ ហើយ​ណាត់​គ្នា​ ចេញ​ពី​ផ្ទះ​ទាំង​អស់​គ្នា ដើម្បី​ប្រកប​មុខ​របរ​ឡើង​វិញ​។

គណៈកម្មាធិការជាតិ​ប្រឆាំង​ទារុណកម្ម​ បដិសេធ​បង្ហាញ​របាយការណ៍​ស៊ើប​អង្កេ​ត​ករណី​បុរស​ម្នាក់​ស្លាប់​ក្នុង​ពេលប៉ូលិស ​ចាប់ឃុំខ្លួន​សួរចម្លើយ​នៅខេត្ត​បាត់ដំបង​​។ សាច់ញាតិ​ជនរងគ្រោះ​អំពាវនាវឲ្យ​គណៈកម្មាធិការជាតិ​មួយនេះ ​ពន្លឿនផ្តល់​យុត្តិ​ធម៌​ដល់​ជនរងគ្រោះ ​ព្រោះពួកគាត់​ ជឿថា ​មូលហេតុ​នៃការស្លាប់នេះ ​ដោយសារ​មន្ត្រី​ប៉ូលិស​ធ្វើ​ទារុណកម្មធ្ងន់ធ្ងរ។មន្ត្រីសិទ្ធិមនុស្ស ​យល់ថា​ យុត្តិធម៌​សម្រាប់​ជនរង​គ្រោះ​មិនអាចពន្យា​ពេល​បានឡើយ។

ប្រជាពលរដ្ឋ​នៅក្នុង​តំបន់​ក្រហម រិះគន់​វិធានការ​របស់​អាជ្ញាធរ​រដ្ឋាភិបាល ដែល​តម្រូវ​ឲ្យ​ពួកគាត់​ទៅ​ធ្វើតេស្ត​សំណាក​រក​មេរោគកូវីដ-១៩ ក្នុងស្ថានភាព​ចង្អៀត​ណែន ដែល​នាំឲ្យ​មាន​ហានិភ័យ​ខ្ពស់​ឆ្លង​ជំងឺកូវីដ-១៩។ មន្រ្តី​​សហជីព ​​ទទូច​​ឱ្យ​អាជ្ញាធរ​​​ពិចារណា​ឱ្យបាន​គ្រប់​ជ្រុងជ្រោយ​​មុន​ប្រកាស​ឱ្យប្រជាពលរដ្ឋ​អនុវត្ត ​​ ដើម្បី​ធានា​​សុវត្ថិ​ភាព និង​​​​បង្កើន​​ទំនុក​ចិត្ត​​ដល់​ប្រជាពលរដ្ឋ ។

សហជីព ព្រួយ​បារម្ភ ​​ពី​ការ​ឆ្លង​រាល​ដាល​ជំងឺ​កូវីដ​១៩ (Covid-19) ក្នុង​រោងចក្រ នៅ​​តាម​បណ្ដា​ខេត្ត ដែល​នៅ​ក្រៅ​តំបន់​បិទ​ខ្ទប់​។ ការ​បារម្ភ​នេះ ដោយសារ​ ​មាន​កម្មករ​តាម​​រោងចក្រ កាន់​តែ​ច្រើន​ឡើង​ៗ ធ្វើតេស្ត​រក​ឃើញ​​មាន​ឆ្លង​ជំងឺ​កូវីដ​១៩។ កម្មករ​ និង​សហជីព​ ចង់​ឲ្យ​រដ្ឋាភិបាល និង​ថៅកែ​ ត្រៀម​កញ្ចប់​ថវិកា​សម្រាប់​ជំនួយ​ដល់​កម្មករ ក្នុង​ពេល​ព្យួរ​ការងារ ដោយសារ​វិបត្តិ​ជំងឺ​កូវីដ​១៩ រីក​រាល​ដាល​ខ្លាំង។

អ្នកឃ្លាំមើល​នយោបាយ​លើកឡើង​ថា​ ​លោក​ ​ហ៊ុន​ ​សែន​ ​មេដឹកនាំ​ក្រាញ​អំណាច​នៅតែ​ព្យាយាម​ចិញ្ចឹម​ចិត្ត​ផ្ទេ​អំណាច​ទៅ​ឲ្យ​កូនប្រុស​ច្បង​របស់​ខ្លួន​លោក​ ​ហ៊ុន​ ​ម៉ា​ណែ​ត​។​ ​ការ​លើកឡើង​បែប​នេះ​ជា​ថ្មីទៀត​ ​ក្រោយ​ពី​លោក​ ​ហ៊ុន​ ​សែន​ ​បាន​ ​ព្យាយាម​ឡង់​សេលោ​ក​ ​ហ៊ុន​ ​ម៉ា​ណែ​ត​ ​ទៅ​មេដឹកនាំ​វៀតណាម​តាមរយៈ​លិខិត​មួយ​ច្បាប់​ដោយ​សរសើរ​ថា​ ​កូនប្រុស​ច្បង​របស់​លោក​កំពុង​ធ្វើការ​យ៉ាងសកម្ម​ក្នុង​ការទប់ស្កាត់ជំងឺកូវីដ១៩។

អ្នកវិភាគនយោបាយ​ លើកឡើងថា​ វត្តមាន​របស់​មេដឹកនាំ​របបក្រុងភ្នំពេញ ​ក្នុង កិច្ចប្រជុំ​កំពូលអាស៊ាន​ (ASEAN) ​ដែលផ្តោតសំខាន់លើវិបត្តិនយោបាយភូមា​ ឬមី​យ៉ាន់ម៉ា​ (Myanmar)នោះ​ គ្រាន់តែ​ជាការ​យកមុខ​ប៉ុណ្ណោះព្រោះ ​​​លោក ហ៊ុន សែន ​គ្មាន​ឆន្ទៈពិត​ប្រាកដ​ចូល​រួមដោះ​ស្រាយ​វិបត្តិនយោបាយ​នៅភូមា​ឡើយ។ការលើក​ឡើងនេះ ​គឺបន្ទាប់ពី​លោក ហ៊ុន សែន ​បញ្ជាក់ជំហរជាថ្មី​ក្នុង​កិច្ចប្រជុំកំពូលនោះថា ​កម្ពុជា ​មិនលូកដៃ​ចូលកិច្ច​ការ​ផ្ទៃក្នុងរបស់ភូមា​នោះទេ។

គណបក្សប្រជាធិបតេយ្យ​មូលដ្ឋាន​ប្រកាស​ថា​ ​គណបក្ស​ ​មិន​យក​បញ្ហា​វៀតណាម​និង​ការវាយប្រហារ​លោក​ ​ហ៊ុន​ ​សែន​ ​ដើម្បី​ប្រកួតប្រជែង​ជាមួយ​បក្ស​កាន់អំណាច​ទេ​។​ ​អ្នកវិភាគ​យល់ថា​ ​ជំហរ​របស់​គណបក្ស​នេះ​មិន​អាច​ទទួលការ​គាំទ្រ​ពី​ពលរដ្ឋ​ ​ជាពិសេស​យុវជន​នោះ​ទេ​។​

ភរិយា​អ្នក​គាំទ្រ​បក្ស​ប្រឆាំង​​លោក​ ភុន យុទ្ធ​ ទទូច​ឱ្យ​​សមត្ថកិច្ច​ដោះលែងប្តី​គាត់​ឱ្យ​សេរីភាពវិញ។ មន្រ្តី​​សង្គម​ស៊ីវិល​ថា ប្រទេស​ប្រកាន់​លទ្ធិ​ប្រជាធិបតេយ្យ​គឺ​ពលរដ្ឋ​មាន​សិទ្ធិ​បញ្ចេញមតិ។

អតីត​និស្សិត​អាហារូបករណ៍ និង​​ជា​ពលរដ្ឋ​ដើម​កំណើត​ខ្មែរ​អូស្ត្រាលី​ម្នាក់​រស់​នៅ​ទីក្រុង​មែលប៊ន (Melbourne) ប្តេជ្ញា​យក​ចំណេះដឹង​ផ្នែក​ច្បាប់​របស់​លោក​ទៅជួយ​សហគមន៍​ខ្មែរ ​ដើម្បី​ឲ្យ​ពួកគេ​បាន​យល់ដឹង​ច្បាស់​អំពី​បញ្ហា​ផ្លូវ​ច្បាប់​ ជាពិសេស​ពាក់ព័ន្ធនឹង​បញ្ហា​អន្តោប្រវេសន៍ បញ្ហា​គ្រួសារ និង​ពាណិជ្ជកម្ម។ ស្ថិតក្នុង​វ័យ៤២ឆ្នាំ លោក យន់ ជាតិ ដែល​ទើប​ប្រឡង​ជាប់​ធ្វើ​ជា​មេធាវី​ រៀបរាប់​ថា លោក​បាន​តស៊ូ​រៀនសូត្រ​យ៉ាង​ស្វិតស្វាញ​អស់​រយៈពេល​ជាង ៥ឆ្នាំ ទម្រាំ​ប្រឡង​ជាប់​អាច​ធ្វើ​ជា​មេធាវី​នៅ​ប្រទេស​អូស្ត្រាលី​បាន។ លោក​កត់សម្គាល់​ថា សហគមន៍​ខ្មែរ​​នៅទីនោះ​មាន​ការយល់ដឹង​ទាប​នៅឡើយ​ជុំវិញ​បញ្ហា​ផ្លូវ​ច្បាប់ ហើយ​ពេលខ្លះ​ពួកគេ​ពិបាក​ស្វែងរក​ជំនួយ​ផ្លូវ​ច្បាប់​ពី​អ្នក​ដែល​មាន​ចំណេះដឹង​ច្បាស់លាស់​ផ្នែកច្បាប់ និង​ចេះ​និយាយ​ភាសាខ្មែរ។

សូម​អញ្ជើញ​លោកអ្នកនាង​ស្តាប់​បទសម្ភាសន៍​រវាង​លោក មាន ឫទ្ធិ និង​លោក យន់ ជាតិ ជុំវិញ​រឿងបញ្ហា​នេះ​ដូចតទៅ៖

តុលាការខេត្តស្វាយរៀង នឹងបន្តសាកសួរម​ន្រ្តី​យោធា​ផ្កាយ​ពីរម្នាក់ ​និង​បក្ខពួក​៦នាក់ផ្សេងទៀត​​ នៅថ្ងៃសុក្រទី ២៤ខែមេសានេះ ពីបទជាប់ពាក់ព័ន្ធ​រត់​ពន្ធ​ជនជាតិ​ចិនជិត៣០នាក់ ដឹកតាមរថយន្តពីខេត្តស្វាយរៀងមកទីក្រុងភ្នំពេញ។

ម​ន្រ្តី​សង្គម​ស៊ីវិល​ជំរុញ​ទៅ​តុលាការ​អនុវត្ត​ច្បាប់​ឱ្យ​បាន​តឹងរ៉ឹង​ ​និង​ម៉ឺងម៉ាត់ ​លើ​ម​ន្រ្តី​យោធា​ជាន់ខ្ពស់​ ​និងក្រុម​បក្ខ​ពួកនេះ ដែលយកតួនាទី​របស់​ខ្លួន ​ប្រព្រឹត្ត​បទល្មើស ស្របពេលដែលរដ្ឋាភិបាលកំពុងចាត់វិធានការទប់ស្កាត់ការរាលដាលខ្លាំងនៃជំងឺកូវិត ១៩។ ​មន្ត្រីយោធាជាន់ខ្ពស់ ឧត្តមសេនីយ៍​ផ្កាយ​ពី​រលោក​ ​ស៊ុំ​ ​ពៅ​ ​ត្រូវ​បាន​បណ្តេញ​ចេញពី​ក្របខណ្ឌ​ហើយ​នៅ​ថ្ងៃ​ទី​២​៣​ ​មេសា​ ​នេះ​ ​តាមរយៈ​ព្រះរាជក្រឹត្យ​របស់​ព្រះមហាក្សត្រ​។​