តុលាការ​ក្រុង​ភ្នំពេញ សម្រេច​ឃុំខ្លួន ​​សកម្មជន​គណបក្ស​សង្គ្រោះជាតិ​២រូប ពាក់​ព័ន្ធនឹង​ការ​​​បង្ហោះ​សារ​រិះគន់​លើ​បណ្តាញ​សង្គម​ហ្វេសប៊ុក​(Facebook) រឿង​ជំងឺ​កូវីដ-១៩និង​ការ​ចាក់​វ៉ាក់សាំង​របស់ចិន។ មន្ត្រីសិទ្ធិ​មនុស្ស ​​ យល់​ថា ការ​ចាប់​ឃុំខ្លួន​​សកម្មជន​​​នយោបាយ​​ជាបន្ត​បន្ទាប់​នេះ គឺ​ជា​ការ​​គំរាម​​កំហែង​ បំភិត​បំភ័យ​ មិន​ឲ្យ​ពួកគេ​ងើប​ឡើងតស៊ូ​សម្តែងមតិ​ ឬ​ចូលរួម​សកម្មភាព​សង្គម។​

អ្នកវិភាគ​ ​និង​ម​ន្រ្តី​សង្គម​ស៊ីវិល​ធ្វើការងារ​បោះឆ្នោត​ថា​ ​វិបត្តិ​ជំងឺ​កូ​វី​ដ​១​៩​ធ្វើ​ឱ្យ​លោក​ កឹ​ម​ ​សុខា​ ​រង​ភាព​អយុត្តិធម៌​កាន់តែ​យូរ​ ​និង​ខាត​ប្រយោជន៍​នយោបាយ​ធ្ងន់ធ្ងរ​ ​ខណៈ​ការបោះឆ្នោត​កាន់តែ​ខិតចូល​មកដល់​។​ ​អ្នកនាំពាក្យ​បក្ស​កាន់អំណាច​ ​ថា​ ​សំណុំរឿង​នេះ​ស្ថិត​ក្នុង​ដៃ​តុលាការ​ ​ដូច្នេះ​គេ​លែងនិយាយ​ពី​ ​តួនាទី​ ​និង​ភារៈ​កិច្ច​របស់​ ​លោក​ កឹ​ម​ ​សុខា​ ​ទៀតហើយ​។​

អ្នកតាមដាន​ស្ថានការណ៍​កម្ពុជា​លើក​ឡើងថា ការ​តែងតាំង​លោក ហ៊ុន ម៉ាណែត ឱ្យ​ធ្វើ​ជាប្រធានគ្រប់គ្រង​សន្តិសុខសណ្តាប់​ធ្នាប់​តាម​គោល​ដៅ​ចត្តាឡីស័កនោះ គឺ​ជា​ការ​ពង្រីក​ឥទ្ធិពល​របស់​លោក​បន្ថែម​ទៀត។ ប៉ុន្តែ គណបក្ស​កាន់​អំណាច​ថា នេះជាការយល់​ឃើញ​មិន​ត្រឹម​ត្រូវ។

លោក​ ​សម​ ​រ​ង្ស៊ី ​ប្រធាន​ស្តីទី​គណបក្ស​សង្គ្រោះ​ជាតិ​ ​ដែល​កំពុង​និ​រ​ទ្ទេ​ស​ខ្លួន​នៅ​ក្រៅ​ប្រទេស​រម្លឹក​ថា​ ​លោក​ ​ហ៊ុន​ ​សែន​ ​ខ្លាច​ការ​រួបរួម​អ្នក​ប្រជាធិបតេយ្យ​ណាស់​។​ ​អ្នកនាំពាក្យ​បក្ស​កាន់អំណាច​ឆ្លើយតប​វិញ​ថា​ថា​ ​ការ​បែកបាក់​របស់​អ្នក​ប្រជាធិបតេយ្យ​មិនមែន​ដោយសារ​លោក​ ​ហ៊ុន​ ​សែន​ ​បំបែក​ទេ​ ​ប៉ុន្តែ​ដោយសារ​អ្នក​ទាំង​ឈ្លោះ​គ្នា​ដណ្ដើម​ផលប្រយោជន៍​ពី​គ្នា​ទៅវិញទៅមក​។​

​មេធាវី​ការពារ​ក្ដី​ឱ្យ​សកម្មជន​គណបក្ស​ស​ង្រ្គោះ​ជាតិ​ជាង​១​០​នាក់​ដែល​ត្រូវ​អាជ្ញាធរ​ចាប់ខ្លួន​គ្រោង​ស្នើ​ទៅ​តុលាការ​ឱ្យ​ពួកគេ​អាច​នៅ​ក្រៅ​ឃុំ​។​ ​ម​ន្ដ្រី​សង្គម​ស៊ីវិល​សង្កេតឃើញ​ថា​ ​រឿង​នេះ​ជា​រឿង​នយោបាយ​និង​ចង់​ឃើញ​អាជ្ញាធរ​ ​ឬ​តុលាការ​ផ្ដល់​សិទ្ធិ​សេរី​ភាពដល់​អ្នក​ទាំងនោះ​វិញ​។​

សហរដ្ឋ​អាមេរិក​ជំរុញ​ឱ្យ​រដ្ឋាភិបាល​កម្ពុជា ប្រឹង​ប្រែង​លើកស្ទូយ​សិទ្ធិការងារ និង​អនុវត្ត​ច្បាប់តឹងរ៉ឹង​​ទៅលើ​ជន​ល្មើសពាក់ព័ន្ធនឹង​អំពើ​​ជួញដូរ​កម្លាំង​ពលកម្ម និង​ជួញដូរ​មនុស្ស។ ការ​លើក​ឡើង​នេះ គឺនៅស្របពេល​ដែល​សហរដ្ឋ​អាមេរិក​មិន​ទាន់​បន្ត​សុពលភាព​ប្រព័ន្ធអនុគ្រោះពន្ធទូទៅ (GSP) ដល់កម្ពុជានៅឡើយ។ សហជីពជឿថា សារ​​របស់​សហរដ្ឋ​អាមេរិក​ អាចមាន​ជាប់ទាក់ទង​នឹង​រឿង​ប្រព័ន្ធអនុគ្រោះពន្ធ GSP។

ស្ថាប័ន​សារព័ត៌មាន​ឯករាជ្យ​ថា វិធានការ​ក្រសួង​ព័ត៌មាន​ដែល​តម្រូវ ជូនដំណឹង​ទៅ​ក្រសួង មុន​​រៀប​ចំសិក្ខា​សាលា ឬបើក​វគ្គ​បណ្តុះបណ្តាល​​ពី​វិស័យសារ​ព័ត៌មាន។ ពួកគេ​ថា វិធាន​ការ​នេះ បង្កផល​ប៉ះពាល់​ដល់​អ្នកសារព័ត៌មាន​ឯករាជ្យ និង​ជា​សម្ពាធ​លើ​ដំណើរ​ការ​របស់​ក្រុម​សង្គមស៊ីវិល ដែលកំពុង​បណ្តុះបណ្តាល​វិស័យ​ព័ត៌មាន។

អង្គការលើកលែងទោសអន្តរជាតិ (Amnesty International ) រកឃើញថា ដែនជម្រកសត្វព្រៃឡង់ឋិតក្នុងស្ថានភាពគ្រោះថ្នាក់ ក្រោយពីអាជ្ញាធរហាមពលរដ្ឋមិនឱ្យចុះល្បាតព្រៃ។ មន្ត្រីជាន់ខ្ពស់ក្រសួងបរិស្ថាន បានច្រានចោលរបាយការណ៍នេះ និងចាត់ទុកថា ជាចេតនាអាក្រក់។

កម្ពុជាបន្តរកឃើញករណីឆ្លងជំងឺកូវីដ១៩ថ្មី ៦៥ករណីបន្ថែមទៀតនៅថ្ងៃទី២៥កុម្ភៈនេះ។ អាជ្ញាធរ​ ក៏បាន​បញ្ជូន អ្នកដែលពាក់ព័ន្ធ និង​ប៉ះ​ផ្ទាល់​ជាមួយអ្នកជំងឺទៅ​ពិនិត្យ និង​ធ្វើចត្តាឡីស័ក​ជាបន្តបន្ទាប់ផង​ដែរ។ មន្ត្រីឃ្លាំមើល​សង្គម​យល់ថា ពលរដ្ឋ​គួរ​ប្រុង​ប្រយ័ត្នឲ្យ​បាន​ខ្ពស់ និង​អនុវត្តវិធានការសុខាភិបាល ​ឲ្យ​បាន​ត្រឹម​ត្រូវ​ ដើម្បី​ការពារ​នូវ​ជំងឺ​នេះ។

អាជ្ញាធរកម្ពុជានិងថៃ អនុញ្ញាត​​ឱ្យ​ឡាន​ដឹក​ទំនិញ​របស់​​ខ្មែរ ​​ឆ្លង​ដែនចេញ​ចូល​​ទៅ​ប្រទេស​ថៃ​បាន​ជា​ធម្មតា​ឡើង​វិញ​ បន្ទាប់​ពី​​ផ្អាក​មួយ​រយៈ​ដោយសារ​វិបត្តិ​ជំងឺ​កូវីដ​១៩​។ មន្ត្រី​សង្គម​ស៊ីវិល ​ស្នើ​ឱ្យ​អាជ្ញាធរ​​ជួយ​សម្រួល​ឱ្យ​ឡាន​ដឹក​ទំនិញ​​​ខ្មែរ​ចូល​​ទៅ​ប្រទេស​ថៃ​​បាន​ច្រើន​ដូច​ពេល​មុន។