ក្រុម​អង្គការ​សង្គម​ស៊ីវិល​ផ្នែ​ក​សារព័ត៌មាន​ ស្នើយ៉ាង​ទទូ​ច​ឱ្យ​មាន​ការ​ទម្លាក់ចោល​​បណ្តឹង​ឧទ្ធរណ៍ ដែល​ព្រះរាជអាជ្ញា បាន​ប្តឹង​ទាស់​នឹងការទម្លាក់​ចោល​​បទចោទ​ប្រកាន់​លើ​អតីត​អ្នកកាសែត​ខេមបូឌាដេលី (The Cambodia Daily) ពីរនាក់។ ​ក្រុម​សង្គម​ស៊ីវិល​ថា ការ​អូស​បន្លាយ​សំណុំ​រឿង​ជាង​៣ ឆ្នាំមក​នេះ បង្កផល​ប៉ះពាល់​ដល់​ការងារ និង​ការរស់​នៅរបស់​អ្នក​កាសែត​ទាំងពីររូប។

អាជ្ញាធរ​ក្រុង​ប៉ោយប៉ែត​ ខេត្ត​បន្ទាយមានជ័យ​រឹតត្បិត​​មន្ត្រី​អង្គការ​សង្គម​ស៊ីវិល​ ដែល​យក​​​ស្បៀង​អាហារ​ចែក​ជូន​ដល់​ប្រជាពលរដ្ឋ​ក្រីក្រ​​នៅ​តំបន់​ព្រំដែន​កម្ពុជា​និង​ថៃ​នៅ​ព្រឹក​ថ្ងៃ​ទី​១៧​កុម្ភៈ។ មន្ត្រី​សង្គម​ស៊ីវិល​ ចាត់​ទុក​រឿង​នេះ​ថា ជា​ការ​រឹតត្បិត​សិទ្ធិ​សេរីភាព​ការ​បំពេញ​ការងារ​របស់​អង្គការ​សង្គម​ស៊ីវិល​​។

នគរបាល​ ជំរុញ​ឲ្យ​​​សកម្មជន​បក្ស​ប្រឆាំង​ ដែល​រង​ការ​លប​វាយ​ពីសំណាក់​ជន​មិន​ស្គាល់​មុខ​ ​​​ដាក់​ពាក្យ​ប្ដឹង និង​ សហការ​ជាមួយ​កង​កម្លាំង​មាន​សមត្ថកិច្ច ដើម្បី​ស្រាវជ្រាវ​ រក​មុខជនល្មើស​អ្នក​​។

មន្ត្រីសង្គម​ស៊ីវិល យល់​ថា អាជ្ញាធរ​គួរ​តែ​ ​​បង្ហាញ​របាយការណ៍​​​ស៊ើប​អង្កេត​​ ដើម្បី​ឲ្យ​ពលរដ្ឋ​​ មាន​ភាព​ជឿជាក់​។

ក្រុម​អង្គការសង្គម​ស៊ីវិល​ចំនួន​៧​៤​ស្ថាប័ន​ ​ចេញ​សេចក្តីថ្លែង​ការណ៍​រួម​ ​ទាមទារ​ឱ្យ​ក្រសួង​បរិស្ថាន​បញ្ឈប់​ការ​ចាប់ខ្លួន​ ​និង​ការ​ធ្វើទុក្ខបុកម្នេញ​ ​លើ​សកម្មជន​ការពារ​ព្រៃឈើ​ ​និង​ប្រជា​សហគមន៍​មូលដ្ឋាន​។​ ​សំណើ​នេះ​ធ្វើឡើង​ ​ក្រោយ​ពី​ក្រសួង​បរិស្ថាន​ ​បាន​ចាប់​ចង់​សកម្មជន​ការពារ​ព្រៃឈើ​ ​៥​នាក់​យកទៅ​ឃុំ​ខ្លួន​ ​និង​សាកសួរ​រយៈពេល​ ​៣​យប់​ ​និង​ ​៤​ថ្ងៃ​ ​បន្ទាប់ពី​ពួកគេ​បាន​ចុះ​ឃ្លាំមើល​បទល្មើស​ព្រៃឈើ​ ​ក្នុង​តំបន់​ព្រៃ​ឡង់​ខេត្ត​ក្រចេះ​។​

សាលាដំបូង​រាជធានី​ភ្នំពេញ​បន្ត​ជំនុំជម្រះ​កំបាំងមុខសំណុំរឿង​ឧបឃាត​​របស់​ក្រុម​មេដឹកនាំ​គណបក្ស​សង្គ្រោះ​ជាតិ​៩​នាក់​ នៅ​ថ្ងៃ​ទី​៩​កុម្ភៈ​។​ ​ជា​មួយ​គ្នា​នេះ​អាជ្ញាធរ​របប​ក្រុង​ភ្នំពេញ​បាន​​ដាក់​ពង្រាយ​កងកម្លាំង​ចម្រុះ​ជា​ច្រើន​នាក់​ ​ហាម​ឃាត់​មិន​ឱ្យ​អ្នក​គាំទ្រ​បក្ស​ប្រឆាំង​ចូល​​ឃ្លាំមើល​នៅ​មុខ​តុលាការក្រុង​ភ្នំពេញ​​​​​ឡើយ។​​ មន្ត្រី​សង្គម​ស៊ីវិល​ ចាត់​ទុក​រឿង​នេះ​ ថា ​​​ជា​ការដើរ​ចាក​ឆ្ងាយ​ពី​កន្លង​ប្រជាធិបតេយ្យ។​​

ក្រុមគ្រួសាររបស់ពលករខ្មែរមួយចំនួន​ដែលកំពុងជាប់ឃុំ នៅប្រទេសម៉ាឡេស៊ី អំពាវនាវឲ្យរដ្ឋាភិបាលកម្ពុជា ជួយអន្តរាគមន៍ទៅអាជ្ញាធរម៉ាឡេស៊ី ដើម្បី​ដោះ​លែងពលករទាំងនោះ និងបញ្ជូនពួកគាត់​មក​ប្រទេសកម្ពុជាវិញ។​ ការអំពាវនាវនេះ ដោយសារពួកគាត់ព្រួយបារម្ភអំពីសុវត្ថិភាពសាច់​ញាតិដែលកំពុងជាប់ឃុំ​ក្នុង​ពន្ធនាគារ​នៅម៉ាឡេស៊ីនោះ​។ មន្រ្តីសង្គមស៊ីវិល ជំរុញឲ្យ រដ្ឋាភិបាលកម្ពុជា ព្យាយាមប្រើប្រាស់តួនាទីដោះស្រាយតាមការស្នើសុំរបស់ពលរដ្ឋដែលកំពុងរងទុក្ខ ទាំងនោះ។ ​

ជនជាតិ​ដើម​ភាគតិច​ព្នង​ម្នាក់​ ដែលក្លាហាន​ហ៊ាន​លាតត្រដាង​ ​ពី​ភាព​អសកម្ម​របស់​អាជ្ញាធរ​ខេត្ត​មណ្ឌលគិរី​ ​គឺ​លោក​ គ្រើ​ង​ ​តុលា ចោទតុលាការខេត្តនេះថា​ កាត់ក្តីលម្អៀងទៅរកបុគ្គលមានអំណាច។ ការចោទប្រកាន់នេះធ្វើឡើង ក្រោយពីសាលាដំបូងខេត្តមណ្ឌលគិរី បានសម្រេចឱ្យសកម្មជនព្រៃឈើរូបនេះ ចាញ់ក្តីដោយត្រូវផ្តល់សំណង ៤០លានរៀល ទៅអភិបាលស្រុកអូររាំង លោក សៀក មុន្នី ដែលជាដើមបណ្តឹង ក្នុងសំណុំរឿងបរិហារកេរ្តិ៍ជាសាធារណៈ។

អាជ្ញាធរច្រានចោល​ចំពោះ​​របាយ​ការណ៍របស់សមាគម​ការពារ​សិទ្ធិ​មនុស្ស​អាដហុកស្តី​ពី​ស្ថានភាព​សេរីភាព​មូលដ្ឋាន​ឆ្នាំ២០២០ ថា គ្មានមូលដ្ឋាន និង​ភស្តុ​តាងច្បាស់លាស់។ ក្រុមអ្នក​តវ៉ា និង​មន្ត្រី​សិទ្ធិមនុស្សយល់ថា អាជ្ញាធរ ពុំ​ដែល​ទទួល​យក​ការ​ពិត អំពី​អ្វី​ដែលបានកើត​ឡើង​នោះទេ ​​ហើយគ្រាន់តែ​ដោះ​សារ​ ដើម្បី​ឲ្យ​រួច​ខ្លួន​ប៉ុណ្ណោះ។

ឯកអគ្គរដ្ឋទូតសហរដ្ឋអាមេរិកលោក ប៉ាទ្រីក ម័រហ៊្វី (Patrick Murphy) បានជួបពិភាក្សា ជាមួយរដ្ឋមន្រ្តីក្រសួងយុត្តិធម៌ ក្រោយដែលលោកបារម្ភពីការពន្យារពេលជំនុំជម្រះក្ដីមេដឹកនាំគណបក្សប្រឆាំងលោក កឹម សុខា​។ ភាគីទាំងពីរអះអាងថា ជំនួបនោះនិយាយពីការអនុវត្តន៍ច្បាប់ ប៉ុន្តែអ្នកវិភាគនិងមន្រ្តីជំនិត លោក កឹម សុខា យល់ថា មន្រ្តីជាន់អាមេរិកនិងកម្ពុជា អាចនឹងមានការលើកឡើងពីករណីលោក កឹម សុខា។

ពលរដ្ឋខេត្តសៀមរាបអះអាងថា ការចោលសំរាម និងបង្ហូរទឹកលូ ចូលក្នុងស្ទឹងសៀមរាប នៅតែកើតមានជាច្រើនឆ្នាំមកហើយ ដោយមិនឃើញមានការកែលម្អ និងដោះស្រាយបញ្ហានេះឱ្យច្បាស់លាស់នៅឡើយទេ។ ការលើកឡើងនេះ ក្រោយពីអាជ្ញាធរខេត្តនេះ ទើបតែបញ្ចប់យុទ្ធនាការប្រមូលសំរាមចេញពីស្ទឹងសៀមរាបបានជិត ៣០តោន។