Berriketan

Frantziako krisi politikoa du hizpide Berriketan saioaren atal honek. Hiru urtetan bost lehen ministro izendatu ditu Emmanuel Macron Frantziako presidenteak; azkena, Sebastien Lecornu. Bien bitartean, Poliziak gogor erreprimitutako protestak egin dituzte karrikan; besteak beste, Baionan. Krisi politikoa ulertzeko gako nagusiak azaldu dizkigu Ekhi Erremundegi Beloki BERRIAko kazetariak .

Atal hau Ainara Rodilek editatu du. Berriketan podcasteko doinuak Lumi taldeak egin ditu.

Kataluniako independentismoaren egoera du hizpide Berriketan saioaren atal honek. Gaur ospatuko dute Kataluniako Diada, baina duela hamarkada bateko manifestazio handirik ez da izanen. Eli Zunzunegi Lasa EITBko Kataluniako berriemaileak azaldu digu Kataluniako gaur egungo egoera zein den.

Atal hau Nagore Arinek editatu du.

Berriketan podcasteko doinuak Lumi taldeak egin ditu.

Marieneko auzia du hizpide Berriketan saioaren atal honek. Hiru aktibista epaitu dituzte Kanboko Kontseiluan egindako protesta batengatik, eta gaia berriz mahai gaineratu denez, sakoneko auziari erreparatu diogu atal honetan. Marienea auziko gakoak azaldu dizkigu Leire Casamajou Elkegarai BERRIAko kazetariak.

Atal hau Ainara Rodilek editatu du. Berriketan podcasteko doinuak Lumi taldeak egin ditu.

Hondarribiko alardea du hizpide Berriketan saioaren atal honek. BERRIAk urtero ematen du alarde parekidearen berri, eta, aurten, Isabel Jaurena kazetaria goizean goizik han izan da, lanean. Grabagailua eskuan hartuta, kronika egin du eta ondoren han bizitakoen berri eman du.

Berriketan podcasteko doinuak Lumi taldeak egin ditu.

Udako gertakari nagusien errepasoa da Berriketan saioaren atal hau, suari estuki lotua: gazatarren kontrako genozidioa, Europako suteak, meniarik ematen ez duten erasotzaile matxistak, bero-bero dauden nazioarteko harremanak... Izan ere, udako gertakari horietako askok segida izanen dute hurrengo hilabeteetan, eta haien inguruan arituko gara hurrengo ataletan.

Hirugarren denboraldi honek berritasun nagusi bat du: astelehenetik ostiralera egunero Berriketanen atal berri bat izanen da entzungai.

Berriketan podcasteko doinuak Lumi taldeak egin ditu.

Lo vimos en Irun taldea du hizpide Berriketan saioaren atal honek. Mezu eta irain arrazistak zabaltzen dituzte han, eta larunbatero herritar taldeak antolatzen dituzte komunitate magrebtarra biltzen den lekuetara joan eta bizilagun horiei jazartzeko. Antxeta irratiak ikerketa egin du gai horri buruz, eta Aimar Lopez Erasun kazetariak azaldu dizkigu xehetasunak.

Berriketan podcasteko doinuak Lumi taldeak egin ditu.

Ekialde Hurbileko egoera du hizpide Berriketan saioaren atal honek. Israelek Iran eraso ondotik, bi herrialdeen arteko eraso katea hasi zen, harik eta AEBk muturra sartu eta Irango gune nuklear garrantzitsuenen kontra bonbak jaurti zituen arte. Egoera korapilatsu horren analisia egin digu Arantxa Elizegi Egilegor BERRIAko editoreak.

Berriketan podcasteko doinuak Lumi taldeak egin ditu.

Apirilaren 28ko itzalaldiaren arduradunak ditu hizpide Berriketan saioaren atal honek. Espainiako Gobernuaren arabera, Red Electricaren eta argindar konpainien erantzukizuna izan zen itzalaldia. Egun horretan gertatu zena eta eskura ditugun datuekin zer ondorio atera ditzakegun azaldu digu Irune Lasa BERRIAko Ekonomia saileko kazetariak.

Berriketan podcasteko doinuak Lumi taldeak egin ditu.

Gazarako mundu martxa du hizpide Berriketan saioaren atal honek. Mundu osoko 4.000 aktibista inguru Egiptora joan dira, basamortua oinez zeharkatu eta Rafahko pasabidean protesta egiteko. Egiptotik Palestinan sartzeko bidea da hori, eta Israelek ez du muga horretan prest dagoen laguntza humanitarioa Gazan sartzen uzten. Martxa ezin izan dute egin, poliziaren errepresioa dela eta. Maite Gartzia aktibista Egipton da, martxan parte hartzeko asmoz joan zen, eta gertatutakoa kontatu digu.

Berriketan podcasteko doinuak Lumi taldeak egin ditu.

Israel eta Iranen arteko gerra du hizpide Berriketan saioaren atal honek. Israelek eraso egin zion Irani ostegunean, Teheranek arma nuklearrak garatzeko omen duen programa gelditzeko aitzakiarekin. Iranek erantzun egin du, eta ordutik elkarri eraso egiten ari dira bi herrialdeak. Gatazka hori aztertu dugu Igor Susaeta BERRIAko Mundua saileko kazetariarekin.

Berriketan podcasteko doinuak Lumi taldeak egin ditu.