I den gamle pakt vart dei som synda mot lova straffa, ofte med død. Det var langt mellom fengsla i den tida. Men evangeliet er ein bodskap om at alle som trur på Jesus blir immune mot lova, og kan aldri straffast etter lova. Men dei som forkastar Kristus og hans frelse, vil bli dømt både for DET og for alle sine lovbrot.

I Johannesevangeliet vert Jesus kalla Ordet. Han er det Guds ord som verda vart skapt av, ved og til, og han er det som held alt saman oppe til dommens dag.

Hadde Jesus berre vore menneske, kunne han ikkje ha dødd for alle. Hadde han berre vore Gud, kunne han ikkje døydd i det heile tatt. Men som Gud og menneske kunne han stilla seg ansvarleg for heile menneskeætta, og døy for alle.

Å lovsynga Jesus er rett også når det ikkje er lystbetont. Det er rett andsynes Gud, og det gjev Gud ei plattform til å utøva sitt herredømme på jorda ut frå.

Om eg lever eller døyr, høyrer eg Herren til

At Gud er heilag betyr at det er HAN som definerer kva som er rett og galt her i verda.

For å få tilgjeving for syndene, må me venda om til Jesus og lukka han inn i hjarto våre. Tilgjevinga ligg i han, og er me kopla til han, har me tilgjeving, samfunn med Gud og evig liv.

Gud er uhorveleg mektig, intelligent og god.

Å bli retteferdiggjort betyr å bli fullstendig frikjent og reinvaska for eit klagemål som er retta mot deg.

Dersom Jesus ikkje hadde betalt for alle våre synder, og invitert oss til å venda om, kunne me aldri ha oppnådd å bli tilgjevne om me hadde bede aldri så fint for oss.