Sigurjón Ingi Hilmarsson er kvikmyndaáhugamaður og meðstjórnandi kvikmyndahlaðvarpsins, Poppkúltúr, en hlaðvarpinu stjórnar hann ásamt góðum vini sínum, Tomma Valgeirs. Sigurjón kíkti til Hafsteins til þess að ræða jólamyndir.

Í þættinum ræða þeir meðal annars hversu skrítin ein sagan er í Love Actually, hversu vel Christmas Vacation eldist, hvað einkennir góða jólamynd, hvernig Hallmark dælir út jólamyndum, hversu frábær Home Alone er og margt, margt fleira.

Þátturinn er í boði Popp Smells frá Nóa Síríus, Subway og Sambíóanna.

Kvikmyndagerðarmaðurinn Snævar Sölvason kíkti til Hafsteins til að ræða leikstjórann Quentin Tarantino og hans feril.

Í þessum seinni hluta ræða strákarnir meðal annars hversu góð samtölin eru í Reservoir Dogs, ofbeldið í Django Unchained, hversu vel samtölin hans QT virka á öðrum tungumálum en ensku í Inglourious Basterds, hversu góð Uma Thurman er í Kill Bill og tímalausa meistaraverkið, Pulp Fiction.

Þátturinn er í boði Popp Smells frá Nóa Síríus, Subway og Sambíóanna.

Kvikmyndagerðarmaðurinn Snævar Sölvason kíkti aftur til Hafsteins og í þetta skipti ræddu þeir Quentin Tarantino og hans feril. Strákarnir blöðruðu endalaust og því var ákveðið að skipta QT umræðunni í tvo þætti.

Í Vol. 1 þá ræða strákarnir meðal annars af hverju Death Proof klikkaði, hversu gott chemistry var á milli DiCaprio og Pitt í OUATIH, Pam Grier og hennar hlutverk sem Jackie Brown, hversu góður penni QT er og margt, margt fleira.

Þátturinn er í boði Popp Smells frá Nóa Síríus, Subway og Sambíóanna.

Handritshöfundurinn og leikarinn Tómas Gauti Jóhannsson kíkti til Hafsteins og ræddi við hann um handritagerð og leiklist.

Í þættinum ræða þeir líka handritið sem Tómas skrifaði og seldi réttinn að, hversu óþolandi sumt fólk getur verið í bíói, hver er besta myndin hans Christopher Nolan, mikilvægi þess að sofa vel, leiklistartækni sem Tómas lærði, Netflix seríuna Squid Game og margt, margt fleira.

Þátturinn er í boði Popp Smells frá Nóa Síríus, Subway og Sambíóanna.

Rithöfundurinn Ólafur Gunnar Guðlaugsson er þekktastur fyrir barnabækurnar um Benedikt Búálf en nú fyrir jól skipti Ólafur um gír og skrifaði spennubók fyrir unglinga á öllum aldri en bókin kallast Ljósberi.

Ólafur kíkti til Hafsteins og sagði honum frá bókinni og ferlinu á bakvið hana. Einnig ræða þeir Marvel, DC, af hverju unglingar lesa minna í dag, hvaðan innblástur kemur og margt, margt fleira.

Þátturinn er í boði Popp Smells frá Nóa Síríus, Subway og Sambíóanna.

Leikarinn Ævar Örn Jóhannsson, öðru nafni Hansel Eagle, kíkti til Hafsteins í fjölbreytt og skemmtilegt bíóspjall.

Í þættinum ræða þeir meðal annars leiklist, Hollywood draumana hans Ævars, myndina I know what you did last summer, Jaws og hákarlaáhuga Ævars, James Bond og nýjustu Bond myndina, heimspeki, Dexter þættina og margt, margt fleira

Þátturinn er í boði Popp Smells frá Nóa Síríus, Subway og Sambíóanna.

Marteinn Örn Óskarsson er meðal annars forritari og vinnur í dag hjá stórfyrirtækinu, Sony Pictures Imageworks. Marteinn hefur tekið þátt í vinnslu stórmynda á borð við Spider-Man: Into the Spider-verse, The Emoji Movie, Hotel Transylvania 4 og Mitchell vs. the Machines.

Marteinn ræðir meðal annars bakgrunninn sinn, mikilvægi ástríðu í þessum bransa, námið sem hann stundaði í Vancouver og margt, margt fleira.

Þátturinn er í boði Popp Smells frá Nóa Síríus, Subway og Sambíóanna.

Hryllingsmyndaaðdáandinn Halldóra Sigrún Ásgeirsdóttir kíkti til Hafsteins og ræddi við hann um alls konar hryllingsmyndir.

Í þættinum ræða þau meðal annars hversu fyndin Bride of Chucky er, hversu skemmtileg Deep Blue Sea er, martraðir, sleep paralysis, hvort að Halldóra myndi treysta sér til að gista einhvers staðar þar sem væri draugagangur og margt, margt fleira.

Þátturinn er í boði Popp Smells frá Nóa Síríus, Subway og Sambíóanna.

Kevin Smith aðdáandinn Tryggvi Hrannar Jónsson kíkti til Hafsteins til að ræða þennan skemmtilega leikstjóra.

Í þættinum ræða þeir meðal annars hver er besta myndin hans, hversu mikil mótmæli komu í kjölfarið á Dogma, skiptið þegar Tryggvi hitti Kevin Smith, hvort að Kevin Smith hafi eyðilagt He-Man, hvernig hann breyttist eftir hjartaáfallið og margt, margt fleira.

Þátturinn er í boði Popp Smells frá Nóa Síríus, Subway og Sambíóanna.

Framleiðandinn Björgvin Harðarson kíkti til Hafsteins til að ræða hina gríðarlegu vinsælu Netflix seríu, Squid Game.

Í þættinum ræða þeir meðal annars hversu klikkuð þessi sería er, hvaða leik þeir væru alls ekki til í að spila, hvort það sé sniðugt að taka maka sinn með í svona leik og margt, margt fleira.

Þátturinn er í boði Popp Smells frá Nóa Síríus, Subway og Sambíóanna.