Leikkonan og handritshöfundurinn, María Thelma Smáradóttir, kíkti til Hafsteins í fjölbreytt og skemmtilegt bransaspjall.

Í þættinum ræða þau meðal annars hvernig María rýnir í bíómyndir, muninn á indie og mainstream myndum, hversu mikil vonbrigði Wonder Woman 1984 var, hversu miklu máli það skiptir fyrir leikara að vera með góða væntingastjórnun, muninn á leikhúsleik og kvikmyndaleik, hvernig María fékk hlutverkið í myndinni Arctic og margt, margt fleira.

Grafíski hönnuðurinn Hörður Ásbjörnsson kíkti aftur til Hafsteins og í þetta skipti ákváðu þeir að ræða 80's myndir. Strákarnir fara í sameiningu yfir þennan áratug og velja sínar uppáhalds myndir fyrir hvert ár.

Í þættinum ræða þeir meðal annars hversu frábært árið 1989 var, hversu mikið Hödda langar í Indiana Jones búninginn, hversu mikil gersemi Michael J. Fox er, hvort að Conan myndirnar séu virkilega góðar, hvort einhver mynd hafi verið betri en Aliens árið 1986 og margt, margt fleira.

Grafíski hönnuðurinn Högni Valur og forritarinn Sigurjón Viðar kíktu til Hafsteins og tóku þátt í glænýrri sjónvarpsþátta áskorun. Strákarnir skiptust á að svara 10 fjölbreyttum sjónvarpsþátta spurningum.

Í þættinum ræða þeir meðal annars hvort að Stranger Things séu ofmetnir þættir, hvaða sjónvarpsþátta karakter væri bestur til að fremja glæp með, hvaða seríu væri best að taka með sér á eyðieyju, hvort að Friends sé drasl eða ekki og margt, margt fleira.

Kvikmyndafræðingurinn og kvikmyndaáhugamaðurinn, Gunnar Egill Daníelsson, kíkti til Hafsteins og þeir áttu gott og fjölbreytt spjall saman.

Gunnar er mikill hryllingsmyndaáhugamaður og strákarnir ræddu meðal annars A Nightmare on Elm Street seríuna, ógeðslegar myndir frá Frakklandi, hversu miklu máli það skiptir að nota förðunarbrellur í staðinn fyrir tölvubrellur, 90's slasher myndir, hvort að Hot Fuzz sé betri en Shaun of the Dead og margt, margt fleira.

Tónlistarmaðurinn Teitur Björgvinsson og grafíski hönnuðurinn Dóri Andrésson kíktu til Hafsteins og tóku þátt í kvikmyndaáskorun sem Hafsteinn bjó til. 10 fjölbreyttar kvikmyndaspurningar sem strákarnir skiptust á að svara.

Í þættinum ræða þeir meðal annars í hvaða kvikmyndaheimi þeir væru mest til í að búa í, hvaða ógeðslega morðingja þeir væru alls ekki til í að hafa á eftir sér, hvort Darth Maul sé svalari en Chewbacca, hversu frábær tónlistin er í Lawless og margt, margt fleira.

Content creatorinn og kvikmyndaáhugamaðurinn Alex from Iceland kíkti aftur til Hafsteins og í þetta skipti ræddu strákarnir myndina Wonder Woman 1984.

Í þættinum ræða Alex og Hafsteinn hvernig tilfinning það var að fara aftur á nýja stórmynd í bíó, hversu vel heppnuð fyrsta myndin var, hvernig framhaldsmyndin nær að klúðra ýmsum hlutum, hversu hræðilegt handritið er, 80's cheesiness og margt, margt fleira.

Árið 2020 er alveg að klárast og Hafsteini datt í hug að fá Kilo aftur til sín og fara aðeins yfir árið. Þeir ræða alveg heilan helling í þættinum en meðal annars ræða þeir Tiger King seríuna, hversu marga John Wick hefur drepið, bestu myndir og þætti ársins, hversu leiðinleg Tenet var, hvort að Devs sé betri sería en Raised by Wolves, augnablikið þegar Kilo ákvað að nota snjóskóflu sem vopn og margt, margt fleira.

Jólin eru á næsta leiti og Hafsteini datt í hug að búa til sérstakan jólaþátt. Hann fékk vini sína, Bjögga og Sigga, til þess að mæta sem gestir og keppa í spurningakeppni.

Í þættinum eru bjölluspurningar, hraðaspurningar, jólaspurningar og flokkaspurningar. Hvaða ár kom Die Hard út? Hvað eru til margar Harry Potter myndir? Hvaða ár fæddist Steven Spielberg? Svörin eru í þessum spennandi jólaþætti.

Útvarpskonan, Erna Dís, kíkti til Hafsteins í létt og skemmtilegt spjall. Erna og Hafsteinn ræða ýmsa hluti en í þættinum ræða þau meðal annars misheppnuð stefnumót, útvarpsþáttinn hennar Ernu, Magasín, sem er á FM957, hvernig börn eru ekki með neinn filter, hvernig Joker kom Ernu á óvart, hvort að Erna líti á fangelsi sem endurhæfingu eða refsingu, hversu klikkuð Tiger King serían var og margt, margt fleira.

Dagur Lárusson og Úlfar Konráð Svansson gáfu út á dögunum teiknimyndasöguna, Landverðirnir. Þeir sköpuðu þessa bók ásamt teiknaranum Fannari Gilbertssyni og mun ágóðinn renna til Barnaspítala Hringsins.

Dagur og Úlfar kíktu til Hafsteins og ræddu meðal annars hugmyndina á bakvið bókina, hvernig þeir fundu Fannar, hvernig þeir náðu að fá einhvern til þess að búa til búningana, hvaða ofurkraft þeir væru helst til í að vera með, hversu hrifnir þeir eru af Marvel myndunum og margt, margt fleira.