MANNLEGI ÞÁTTURINN MÁNUDAGUR 26.ÁGÚST 2019

UMSJÓN GUÐRÚN GUNNARSDÓTTIR OG GUNNAR HANSSON

Við heyrðum af konu sem var úti að hlaupa nú í sumar og fór allt í einu að líða einkennilega. Hún fékk kláða í iljarnar sem ágerðist um líkamann, svo fór andlitið á henni, hendur og fætur að bólgna og loks tungan líka. Það leið næstum yfir hana og hún kastaði upp. Þetta var það alvarlegt að hún hringdi á sjúkrabíl. Eftir rannsóknir kom í ljós nokkru síðar að hún væri með bráðaofnæmi fyrir áreynslu. Hún hafði aldrei áður fundið fyrir þessum einkennum, en nú þarf hún, í samráði við lækna að hugsa alla hreyfingu og áreynslu uppá nýtt. Við fengum Yrsu Löve, ofnæmislækni, til að fræða okkur frekar um bráðaofnæmi og þá sérstaklega fyrir áreynslu.

Lesandi vikunnar í þetta sinn var Janus Bragi Jakobsson kvikmyndagerðamaður. Við fáum að vita hvaða bækur eru á náttborðinu hjá honum, hvað hann hefur verið að lesa undanfarið og hvaða bækur og höfundar hafa haft áhrif á hann í gegnum tíðina.