Tuinboukundige JJ Janse van Rensburg praat oor die snoei van bome en struike en grondkondisionering met kompos. Die plant van die week is die gesiggie-malva, Pelargonium elegans.

Prof. Rialet Pieters van die Noordwes-Universiteit praat oor die verhouding tussen ‘n skaars orgidee van die Wes-Kaap en die langhoringboktor.

Andries Maree het die jongste hengelnuus.

Nico Smit praat oor motors se remme.

Tuinboukundige JJ Janse van Rensburg praat oor die verplanting van varings en bonsais. Hy sê aan die einde van die winter moet clivias baie meer water kry, en ook voeding wat kalium bevat vir goeie blom vorming. Die plant van die week is ‘n immergroen gras, Liriope Pure Blond.

Prof. Rialet Pieters van die Noordwes-Universiteit praat oor die slim mikstertbyevangerwyfie wat, in weerwil daarvan dat die skelm koekoek 'n eier in haar nes lê, dit regkry om die eier, wat baie soos haar eie lyk, te identifiseer.

Andries Maree het die jongste hengelnuus.

Nico Smit praat oor motorolie.

Tuinboukundige JJ Janse van Rensburg praat oor die verplanting van potplante. Die plant van die week is die Sjinese jasmyn, Jasminum polyanthemum.

Prof. Rialet Pieters van die Noordwes-Universiteit praat oor die besondere mimikrie wat 'n skaars inheemse melkbosplant ontwikkel het om bestuiwers te lok. Die term, kleptomiofilie, word gebruik om te verwys na die blom van die plant wat jakkalsvlieë lok. Hierdie vlieë is kleptoparasiete, want hulle 'steel' die kos van predators soos spinnekoppe en bidsprinkane wanneer hulle die liggaamsvloeistof wat uit die spinnekop se prooi drup, opslurp.