Dottie en Slaptjip bespreek die veranderings by Kolwyntjie en die verfilming in die tuisnywerheid. Dan jaag ʼn motorfiets op Dottie af…

Dit is Sondagoggend en Lana en Wolfgang ry terug van hulle naweek by sy strandhuis waar hy die grootkoppe van die TV-kanaal onthaal het. Wolfgang waarsku Lana teen rugstekers. Die aand op Porseleinberg kom Wolfgang op Elfra af en gee haar ʼn waarskuwing.

Slaptjip daag met sy Charlie Chaplin-pakkie op en veroorsaak konsternasie in Kolwyntjie.

Lana besoek Otto in die hospitaal en kry skokkende nuus van Wolfgang.

Elfra het ʼn slim plan om Slaptjip se beeld te verbeter. Dan takel sy Otto se foute in die nuwe koerant.

Lana leer ʼn ander sy van Wolfgang ken. En Wessel waarsku dat iemand Otto uit sy posisie probeer werk.

Dottie neem soutterte na Windhond juis op ʼn oomblik dat ʼn krisis die koerant tref… en alles loop skeef.

Die oorlog tussen die media op die dorp kry momentum. Wolfgang gebruik kameras om te baklei en Wessel gebruik die mikrofoon. Sy vernuwing laat die dorp regopsit.

Elfra en Otto veg om Windhond se voortbestaan soos nooit tevore nie.

Wolfgang tree Lana aan en lees haar die leviete voor, soos net hy kan.