Lana leer ʼn ander sy van Wolfgang ken. En Wessel waarsku dat iemand Otto uit sy posisie probeer werk.

Dottie neem soutterte na Windhond juis op ʼn oomblik dat ʼn krisis die koerant tref… en alles loop skeef.

Die oorlog tussen die media op die dorp kry momentum. Wolfgang gebruik kameras om te baklei en Wessel gebruik die mikrofoon. Sy vernuwing laat die dorp regopsit.

Elfra en Otto veg om Windhond se voortbestaan soos nooit tevore nie.

Wolfgang tree Lana aan en lees haar die leviete voor, soos net hy kan.

Dottie maak ogies vir die wewenaar oorkant die pad en Otto het slegte nuus vir Elfra.

Wolfgang maak ʼn skokaankondiging en Slaptjip se hele wêreld stort inmekaar.

Lana vertel vir Wessel wat sy oor Wolfgang se aanbod besluit het, en Otto praat met Wessel oor sy aanbod aan hom.

Daar heers konsternasie in Kolwyntjie wanneer die nuus versprei dat Wolfgang ʼn sjef-kompetisie gaan hou.

Wessel vra vir Lana of sy doodseker is sy doen die regte ding deur na Wolfgang oor te gaan. Kort daarna is sy by Wolfgang se ateljees en moet sy haar finale antwoord gee…