Almal woon die begrafnis van Slaptjip se tjipswaentjie by. En soek geld vir ʼn nuwe een deur die radio in te span, met verrassende gevolge.

Terwyl Otto en Elfra die sukses van die Lekkerbek-voorblad vier, maak Wolfgang vir Melissa ʼn aanbod…

Wessel moet vir Melissa slegte nuus gee. Dan gebeur aardige, onverklaarbare dinge by die radiostasie.

Elfra is op die oorlogspad. Sy en Wolfgang vat mekaar trompop aan.

Slaptjip raak al hoe meer verlief op Phoebe. Dit lyk of sy tjipswaentjie se dae finaal getel is…

Kolwyntjie kry opposisie toe Wolfgang sy eie tuisnywerheid, Lekkerbek, begin. Maar hy het hom lelik misgis met Dottie wat hom op vol spoed aanvat.

Otto kry onverwags ʼn tweede asem en verander Dottie se lewe.

Otto besluit om Lana met sy sportmotor uit te neem. Maar wanneer hulle die nag op die dak van sy halfvoltooide fabriek sit en eet, bars ʼn storm los.

ʼn Dansskool het op Porseleinberg oopgemaak en Otto vra Elfra om hom te leer dans. Dan word Otto se goeie bedoelings onderbreek…

Corlia daag by Windhond op juis toe Otto op pad uit is. Sy en Elfra vat mekaar lelik aan. Dan daag ’n onverwagse present op.