Hlaðvarpið er alþjóðavætt, Ægisgarður, þýskhreinleikalög og smá umræða um pólitík. Allt sem góður bjórþáttur þarf að hafa.  

Bruggvarpið lullar áfram. Þáttur 2. Allskonar sem ekki hefði átt að fara á netið fær að fljóta sökum leti þess er klippir Bruggvarpið. Skandall.   

Bjórklúbbur Advania kíkir í heimsókn og tekur spjallið við Stefán og Höskuld, Ölgjörvi smakkaður sem og Stromtrooper.  Snúningur tekinn eftir það á Kalda brugghúsi og bjórstílar framtíðarbruggsins planaðir.  

Í þessum þætti er smakkaður Ölgjörvi, Stormtrooper frá Bjórklúbbi Advania og RVK brewing sem og Kaldi trippel frá... jú, Kalda.  

Bruggvarpið hefur formlega gögnu sína. Piltarnir fá til sín í heimsókn Árna Long sem segir þeim upp og ofan af sínum ferli.  

Það er oft ágætt við tímamót að byrja með hreint borð. BruggVarpið er ekki óskeikult þannig að tiltekt er framin á glæfralegum fullyrðingum. Verst að Stefán var bara ekki í nágreninu. En það er auðvitað leyst.  Bríó í glasi og svo er aðeins tekið á Bjössa Bollu í lokin. Hér er síðasti bónusþátturinn áður en formleg dagskrárgerð hefst.

Áramótaþáttur Bruggvarpsins, í kitl seríunni. Spekingarnir spjalla, verulega óvarlega á köflum, um áramótin og bjórana. Smakkið er ekki af verri endanum, ChocHoHo, frá Smiðjunni, Stjörnuljós frá Borg og Smiðjunni, SkúliSkúli frá Borg, Óþekktir skógar frá Lady brewery og loks Cosmos frá Rvk Brewing. Áramótahugmyndir og uppgjör þar sem við munum ekki eftir neinu. Óábyrg áramótaheit og loforð… er það ekki alltaf þannig?

KitliKitliKitl… Kitl.  Fjórði þátturinn í Kitlu-seríunni og jafnframt sá síðasti um jólabjórana er um… einmitt: Jólabjóra.  Farið um víðan völl og sjaldnast töluð vitleysan. Hvað er málið með allar þessar bjórhátíðir?

Í þetta skipti er þetta smakkað:

Bjúgnakrækir – Borg Brugghús

Bjólfur – Austri Brugghús

JólaDrangi – Dokkan

FuruHlynur – Ölverk

Hvernig Elvar stal jólunum – Ölverk

Snjókarl – Segull 67

Hóhóhó – Ægisgarður Brugghús

Eitthvað fallegt – RVK Brewing 

Útgáfudagur þessa þáttar er óvenjulegur af tæknilegum ástæðum.  

Þemað í þriðja kitluþætti eru minna þekktir útlendingar. Hér eru teknir fyrir 5 bjórar sem þeim félögum fannst áhugavert að smakka sem kannski hafa ekki ratað alla jafna í ísskápinn hjá þeim. Ýmsum staðreyndum hent fram af fullkomnu ábyrgðarleysi. Bjórar sem teknir eru fyrir hér eru Pripps Blå Jólaöl, Cerveza de Navidad 2019 árgerð, Anchor jólabjórinn, La Corne du Bois des Pendus d'hiver og N‘Ice Chouffe, þeir tveir síðastnefndu frá Belgíu.  Myndir má sjá á instagram síðu Bruggvarpsins, https://www.instagram.com/bruggvarpid/

Í öðrum kitluþætti (teaser) taka kumpánarnir upp léttara hjal. Ójólalegir jólabjórar eru til umræðu og eru teknir fyrir 5 slíkir ásamt einum meðreiðarsveini. Hægt er að sjá bjórana sem eru til umfjöllunar á instagram síðunni okkar undir Bruggvarpið.

BruggVarpið, nýr hlaðvarpsþáttur í umsjón Stefáns Pálssonar og Höskuldar Sæmundssonar hefur sig til flugs. Í þessum kitluþætti (Teaser) förum við mjög takmarkað yfir nokkra jólabjóra og erum að prófa okkur aðeins áfram með tæknina. Misgáfulegar athugasemdir eru settar fram af miðaldra karlmönnum sem hata ekki að tala í míkrafón. Eiginleg þáttargerð hefst ekki fyrr en eftir áramót. Fylgist með okkur á instagram, bruggvarpid.