၂၀၁၇ ခုနှစ် မေလတုန်းက ဌာနေတိုင်းရင်းသားတွေ ဖြစ်ကြတဲ့ အာဘော်ရီဂျင်နာတွေနဲ့ Torres Strait Islander ကိုယ်စားလှယ်တွေဟာ အူလူယူး (Uluru) အနားမှာ ဖွဲ့စည်းပုံအခြေခံဥပဒေဆိုင်ရာ ဌာနေတိုင်းရင်းသားများ၏ အမျိုးသားညီလာခံ First Nations National Constitutional Convention ကို ကျင်းပပြုလုပ်ဖို့ စုဝေးခဲ့ကြပြီး ရင်ထဲကလာတဲ့ အူလူယူး ထုတ်ပြန်ကြေညာချက် Uluru Statement from the Heart ကို ထုန်ပြန်ခဲ့ကြပါတယ်။ အဲဒီကြေညာချက်ဟာ ဌာနေတိုင်းရင်းသားတွေကို သြစတြေးလျနိုင်ငံရဲ့ ဖွဲ့စည်းပုံ အခြေခံဥပဒေမှာ ထည့်သွင်းအသိအမှတ်ပြုဖို့အတွက် လမ်းပြမြေပုံဖြစ်ပြီး အချက် ၃ ချက်ကို ရှေ့တန်းတင်ပြီးတော့ ပြုပြင်ပြောင်းလဲမှုတွေ လုပ်ဖို့ ရည်ရွယ်ကမ်းလှမ်းထားကြပါတယ်။ အဲဒီအချက် ၃ ချက်ကတော့ အသံ၊ သဘောတူစာချုပ်နဲ့ အမှန်တရား၊ဲ့ Voice, Treaty and Truth ဆိုတဲ့ အချက်အပေါ် မူတည် လုပ်ဆောင်သွားဖို့ ရည်ရွယ်ကြတာ ဖြစ်ပါတယ်။ ဌာနေတိုင်းရင်းသားဒေသများဆိုင်ရာ ဆွေးနွေးညှိနှိုင်းမှု ၁၃ ခုကနေ ထွက်လာတဲ့အချက်တွေနဲ့ ဦးဆောင် ပုံဖော်ပြီး အဲဒီပြောဆိုဆွေးနွေးမှုတွေကို နှစ် နှစ်ကြာ စဉ်းစား ဆင်ခြင်မှုတွေနဲ့ ပြုလုပ်ခဲ့ပြီးနောက် ထုတ်ပြန်ခဲ့ကြတာပါ။ အဲဒါကိုလည်း Aboriginal နဲ့ Torres Strait Islandar  ကိုယ်စားလှယ် အယောက် ၂၅၀ ကလည်း အသိအမှတ်ပြု ခဲ့ကြပါတယ်။ အမှန်တရား၊ တရားမျှတရေးနဲ့ ကိုယ်ပိုင်ပြဌာန်းခွင့် အပေါ် အခြေခံပြီး သြစတြေးလျံတွေနဲ့ ဌာနေတိုင်းရင်းသားတွေအကြား ဆက်ဆံရေးတည်ဆောက်ပြီး အမျိုးသားရင်ကြားစေ့ရေးကို ဦးတည်ဖို့ဖြစ်ပါတယ်။ အချုပ်အခြာ အာဏာကို မထိပါးတဲ့နည်းနဲ့ လုပ်ဆောင်ကြဖို့လည်း ဖြစ်ပါတယ်။ တေးဂီတကို Frank Yamma က စီစဉ်တာ ဖြစ်ပါတယ်။