Ils 12 da settember avant 80 onns è Carli Scherrer naschì a Trun. Carli Scherrer ha, suenter il seminari a Cuira, dà scola 24 onns a Trun. Lura ha el midà tar la Lia Rumantscha. A Trun e Schlans ha el dirigì onns ils chors baselgia e sunà las orglas. El ha era dirigì il Chor rumantsch da la Scola chantunala Cuira e la Musica da Trun.

E Carli Scherrer ha cumponì passa 120 chanzuns per la scola, per chor viril e maschadà. Ed el ha era scrit la musica tar: La carezia ei naschida (Nadal) e Passiun e levada da Jesus Cristus. L'Artg musical repeta in discurs fatgs cun el avant 10 onns, pia per ses 70avel e nus tadlain chanzuns dal giubilar.