Chanzuns indigenas e musica da Vienna per la fin da lonn.

Dorma mes charin - Regula Mühlemann, la gronda sopranista svizra, chanta en rumantsch e quai ina cumposiziun da Walther Geiser tenor pleds da Jachen Luzzi. Ina bella reverenza ad ina minoritad! En pli udin nus chanzuns rumantschas interpretadas da cantus firmus surselva, Chor viril Lumnezia, Chor viril Surses, Coro dals Janetts da Tschlin, Chor ad hoc Chant da Goita da Bravuogn, Ligia Grischa e da la Capella vocale da Winterthur. Quels chants vegnan munids cun polcas, valzers e marschs dals frars Strauss da Vienna, Johann, Josef ed Eduard. LArtg musical giavischa ina buna e digna finiziun dal 2020 a Vus. Faschai lura in ferm e franc pass vi en il 2021! Lain sperar che lez vegnia meglier – era quai che pertutga il chant e la musica!

Redacziun: Giusep G. Decurtins