Dapi l'atun 2015 stat il Chor viril Lumnezia sut la direcziun da Retus Giger.Il resultat da questa lavur han ils 72 chantadurs preschentà ils 5 da matg 2016 a Mustér en la baselgia s. Gions. Cooperà ha il duo Christian Barenius (violina) e Kathrin von Kube (viola). Maria Victoria Haas ha moderà, RTR registrà.Nus udin: Cantemus Deo (L. Cherubini), Laud al zenn (G. L. Arpagaus), Il badugn (G. Huonder), Il pégn e Siemis da matg (G. A. Derungs), Pertgei? (A. Muoth), Ei plova (G. G. Derungs), Stina biala (G. G. Derungs 05), Viadi (C. Scherrer), Il zenn muntagnard (E. Lombriser) e la Passacaglia per violina e viola davart in tema da Händel (Johan Halvorsen).