«Notg e stailas – Gospel & Spirit» – quai il motto dal concert 2018. Dapi l'atun 2015 dirigia Rainer Held il Chor viril Surses. Da Pasca 2018 ha el ensemen cun ses 60 chantadurs preschentà la lavur da l'onn da chant 2017/18. In concert cun chanzuns da stailas e da la notg. Cooperà ha il Gospelchor Wädenswil cun sia dirigenta Adelina Marty-Manikam.

RTR ha registrà il concert dals 01-04-2018 a Savognin en la baselgia da Nossadunna. L'Artg musical porta parts landerora, cumposiziuns da: Bruckner, Gotovac, Lissmann, Hogan, Johnson, Esenvalds, Rameau, Aas, Beethoven, Fricker, Lanicca, B. Dolf, Lavater e G. A. Derungs.