L'Artg musical ha visità Claudio Manetsch en ses studio-chasa a Wolfhalden.  Claudio Manetsch (75), oriund da Mustér, sesent a Wolfhalden (AR) è in um da la cultura chantica. Da giuven ha el chantà en ils dus chors virils da Mustér dirigids lezza giada da Giusep Huonder ed en il chor da la scola claustrala lura sut la batgetta da pader Pankraz.

Oz viva el cun sia partenaria a Wolfhalden, in lieu idillic cun ina grondiusa vista sin il Lai da Constanza. E Claudio Manetsch chanta anc oz cun vigur en il Chor da l'Uniun grischuna da Son Gagl e conturn. Il chantar è ina part da ses hobi, l'autra il registrar il chant da quest chor, las emprovas ed ils concerts. L'Artg musical porta talas registraziuns ed in discurs davart il chantar e la lavur sco maister dal tun.